ಟೋಕಿಯೋ : ಟೋಕಿಯೋ ಒಲಿಂಪಿಕ್ಸ್ನ ಆರಂಭಿಕ ಆಟಗಳಲ್ಲಿ ಪುರುಷರ 10 ಮೀ ಏರ್ ಪಿಸ್ತೋಲ್ ಸ್ಪರ್ಧೆಯಲ್ಲಿ ಭಾರತದ ಸೌರಭ್ ಚೌಧರಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ. ಖ್ವಾಲಿಫಿಕೇಶನ್ ರೌಂಡ್ನಲ್ಲಿ ಮೊದಲಿಗರಾಗಿ ಆಟ ಮುಗಿಸಿದ ಚೌಧರಿ, ಪದಕಗಳಿಗಾಗಿ ಸೆಣಸುವ ಫೈನಲ್ಸ್ ಸ್ಪರ್ಧೆಗೆ ಬಡ್ತಿ ಪಡೆದಿದ್ದಾರೆ.
ಭಾರತದ ಆರ್ಚರ್ಗಳಾದ ದೀಪಿಕಾ ಕುಮಾರಿ ಮತ್ತು ಪ್ರವೀಣ್ ಜಾಧವ್ ಅವರ ಜೋಡಿ, ಚೀನಾದ ತಂಡವನ್ನು 5-3 ಅಂಕಗಳಿಂದ ಸೋಲಿಸಿ, ಮಿಕ್ಸಡ್ ಈವೆಂಟ್ನಲ್ಲಿ ಕ್ವಾರ್ಟರ್ ಫೈನಲ್ಸ್ ತಲುಪಿದೆ. ಕ್ವಾರ್ಟರ್ಸ್ನಲ್ಲಿ ದಕ್ಷಿಣ ಕೊರಿಯಾದ ಜೋಡಿಯ ವಿರುದ್ಧ ಸೆಣೆಸಲಿದ್ದಾರೆ.
ಇದನ್ನೂ ಓದಿ: ಟೋಕಿಯೋ ಒಲಂಪಿಕ್ಸ್: ಕುದುರೆ ಸವಾರಿಯ ವಿಶಿಷ್ಟ ಸ್ಪರ್ಧೆಗೆ ಬೆಂಗಳೂರಿಗ
ಟೇಬಲ್ ಟೆನ್ನಿಸ್ನ ಮಿಕ್ಸಡ್ ಡಬಲ್ಸ್ ಈವೆಂಟ್ನಲ್ಲಿ ಭಾರತೀಯ ಆಟಗಾರರಾದ ಶರತ್ ಕಮಲ್ ಮತ್ತು ಮನಿಕಾ ಬತ್ರ ಚೀನಾದ ಟೈಪೈ ಜೋಡಿ ಯುನ್ ಜು ಲಿನ್ ಮತ್ತು ಚಿಂಗ್ ಐ ಚೆಂಗ್ ವಿರುದ್ಧ ಸೋಲನುಭವಿಸಿದರು.
ಮೆನ್ಸ್ ಹಾಕಿಯಲ್ಲಿ ಪೂಲ್ ಎ ಪಂದ್ಯದಲ್ಲಿ ಭಾರತ ತಂಡವು ನ್ಯೂಜಿಲೆಂಡನ್ನು ಸೋಲಿಸಿ ಮುಂದೆ ಸಾಗಿದೆ. ರೂಪಿಂದರ್ ಪಾಲ್ ಸಿಂಗ್ ಅವರು ಒಂದು ಗೋಲ್ ಪಡೆದರೆ, ಹರ್ಮನ್ ಪ್ರೀತ್ ಸಿಂಗ್ ಎರಡು ಗೋಲ್ ಗಳಿಸಿದ್ದು, ತಂಡವು 3-2 ಅಂಕಗಳಿಂದ ಗೆಲುವು ಸಾಧಿಸಿತು. (ಏಜೆನ್ಸೀಸ್)
ಮಳೆ : ಇಂದು ರಾಜ್ಯದ 7 ಜಿಲ್ಲೆಗಳಿಗೆ ರೆಡ್ ಅಲರ್ಟ್
VIDEO | ವೇದಿಕೆಯಲ್ಲಿ ‘ಬ್ಯಾಟಿಂಗ್’ ಸಿದ್ಧತೆ ತೋರಿದ ಸಿಧು!