ನವದೆಹಲಿ: ರಾಷ್ಟ್ರದಲ್ಲಿ ಕರೊನಾ ವೈರಸ್ ಸೋಂಕಿತರ ಸಂಖ್ಯೆ 2 ಲಕ್ಷಕ್ಕೆ ಏರಿಕೆಯಾಗಿದೆ. ಒಂದು ಲಕ್ಷ ಸೋಂಕಿತರ ಪತ್ತೆ ಕೇವಲ 15 ದಿಗಳಲ್ಲಿ ಆಗಿದೆ.
ರಾಷ್ಟ್ರದಲ್ಲಿ ಮೊದಲ ಸೋಂಕಿತ ಪತ್ತೆಯಾಗಿದ್ದು ಜನವರಿ 30ರಂದು ಕೇರಳದಲ್ಲಿ. ರಾಷ್ಟ್ರದ ಮೊದಲ ಸೋಂಕಿತ ವಿದ್ಯಾರ್ಥಿ. ಈತ ಚೀನಾದ ವುಹಾನ್ನಿಂದ ಕೇರಳಕ್ಕೆ ಹಿಂತಿರುಗಿದ್ದ. ಮಾರ್ಚ್ 10ರಂದು ರಾಷ್ಟ್ರದಲ್ಲಿ ಕೇವಲ 50 ಮಂದಿಯಲ್ಲಿ ಮಾತ್ರ ಸೋಂಕು ಪತ್ತೆಯಾಗಿತ್ತು. ಮೇ 18ರಂದು ಸೋಂಕಿತರ ಸಂಖ್ಯೆ ಒಂದು ಲಕ್ಷಕ್ಕೆ ಏರಿಕೆಯಾಯಿತು. ನಂತರ 15 ದಿನಗಳಲ್ಲಿ ಈ ಸಂಖ್ಯೆ 2 ಲಕ್ಷಕ್ಕೆ ಏರಿಕೆಯಾಯಿತು. ರಾಷ್ಟ್ರದಲ್ಲಿ ಸೋಂಕಿತರ ಸಂಖ್ಯೆ 2 ಲಕ್ಷಕ್ಕೆ ಏರಿಕೆಯಾಗಿದ್ದರೂ ಇತರ ರಾಷ್ಟ್ರಗಳಿಗೆ ಹೋಲಿಕೆ ಮಾಡಿದರೆ ಕಡಿಮೆ.
ಇದನ್ನೂ ಓದಿ ಜುಲೈ 1ಕ್ಕೆ ಶಾಲೆ ಆರಂಭ ಅನುಮಾನ? ಕ್ಲಾಸ್ ಬೇಕಾ-ಬೇಡ್ವಾ ಪಾಲಕರೇ ನಿರ್ಧರಿಸ್ತಾರೆ..!
ವಿಶ್ವದಲ್ಲಿ 63 ಲಕ್ಷ ಮಂದಿಗೆ ಸೋಂಕು ಹರಡಿದೆ. ಕಳೆದ ಡಿಸೆಂಬರ್ನಲ್ಲಿ ಸೋಂಕಿತರ ಸಂಖ್ಯೆ 3.7 ಲಕ್ಷ ಇತ್ತು. ಭಾರತದಲ್ಲಿ ಪ್ರತಿ ದಿನ 1.2 ಲಕ್ಷ ಮಂದಿಗೆ ಕರೊನಾ ವೈರಸ್ ಪರೀಕ್ಷೆ ನಡೆಸಲಾಗುತ್ತಿದೆ.
ಸೋಂಕಿತರ ಸಂಖ್ಯೆಯ ಪಟ್ಟಿಯಲ್ಲಿ ಭಾರತ ವಿಶ್ವದಲ್ಲಿ 7ನೇ ಸ್ಥಾನದಲ್ಲಿದೆ. ಅಮೆರಿಕಾ, ಬ್ರೆಜಿಲ್, ರಷ್ಯಾ, ಇಂಗ್ಲೆಂಡ್, ಸ್ಪೈನ್ ಹಾಗೂ ಇಟಲಿ ಮೊದಲ 6 ಸ್ಥಾನದಲ್ಲಿವೆ. ಅಮೆರಿಕಾದಲ್ಲಿ 18 ಲಕ್ಷ, ಬ್ರೆಜಿಲ್ನಲ್ಲಿ 5 ಲಕ್ಷ, ರಷ್ಯಾ 4 ಲಕ್ಷ , ಇಂಗ್ಲೆಂಡ್ 2.8 ಲಕ್ಷ ಸ್ಪೈನ್ 2.4 ಲಕ್ಷ ಹಾಗೂ ಇಟಲಿಯಲ್ಲಿ 2.3 ಲಕ್ಷ ಮಂದಿಗೆ ಸೋಂಕು ಹರಡಿದೆ. (ಏಜೆನ್ಸೀಸ್)
VIDEO ] ಕ್ವಾರಂಟೈನಿಗರ ಸ್ಫೂರ್ತಿದಾಯಕ ಕೋವಿಡಾನ್ಸಿಂಗ್ ಹೇಗಿದೆ ನೋಡಿ…!