ದೆಹಲಿ: ಭಾರತೀಯ ರೈಲ್ವೇಯು ತನ್ನ ಸಾಮಾನ್ಯ ಕೋಚ್‌ಗಳ ಪ್ರಯಾಣಿಕರಿಗೆ ಕೈಗೆಟುಕುವ ಬೆಲೆಯಲ್ಲಿ ಆರೋಗ್ಯಕರ ಆಹಾರವನ್ನು ನೀಡಲು ಮುಂದಾಗಿದೆ.
ಇದನ್ನೂ ಓದಿ: ಚಲಿಸುತ್ತಿರುವ ಆಂಬುಲೆನ್ಸ್ನಲ್ಲೇ ಮದ್ಯಪಾನ ಮಾಡಿದ ಪೊಲೀಸರು..?
ಪ್ರಯಾಣಿಕರಿಗೆ ಹೊರೆಯಾಗದಂತೆ ಪ್ಲಾಟ್‌ಫಾರ್ಮ್‌ಗಳ ಬಳಿ ಇರುವ ವಿಸ್ತೃತ ಸೇವಾ ಕೌಂಟರ್‌ಗಳ ಮೂಲಕ ಸಾಮಾನ್ಯ ಕೋಚ್‌ಗಳಲ್ಲಿ ಇರುವವರಿಗೆ ಆಹಾರ ಸೇವೆಯನ್ನು ಒದಗಿಸಲು ಊಟ ಮತ್ತು ತಿಂಡಿಗಳು/ಕಾಂಬೋಗಳ ಮೆನುವನ್ನು ರೂಪಿಸಲಾಗಿದ್ದು, ಇದರ ಬೆಲೆ ಕ್ರಮವಾಗಿ 20 ರೂ. ಹಾಗೂ 50 ರೂ. ಇರಲಿದೆ. ಕೈಗೆಟಕುವ ದರದಲ್ಲಿ ನೀರಿನ ಸೇವೆಗಳನ್ನೂ ಒದಗಿಸಲಾಗುವುದು ಎಂದು ಭಾರತೀಯ ರೈಲ್ವೇ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಕೌಂಟರ್ಗಳಿಗೆ IRCTಯ ಅಡುಗೆ ಘಟಕಗಳಿಂದ ಊಟವನ್ನು ಸರಬರಾಜು ಮಾಡಲಾಗುತ್ತದೆ ಪ್ಲಾಟ್‌ಫಾರ್ಮ್‌ಗಳಲ್ಲಿ ಈ ವಿಸ್ತೃತ ಸೇವಾ ಕೌಂಟರ್‌ಗಳನ್ನು ಆರು ತಿಂಗಳ ಅವಧಿಗೆ ಪ್ರಾಯೋಗಿಕ ಆಧಾರದ ಮೇಲೆ ಮಾಡಲಾಗಿದೆ ಎಂದು ಹೇಳಿಕೆಯಲ್ಲಿ ಸೇರಿಸಲಾಗಿದೆ.
ವಿಸ್ತೃತ ಸೇವಾ ಕೌಂಟರ್‌ಗಳೊಂದಿಗೆ ಹೊಸ ಮೆನು ಈಗಾಗಲೇ 51 ನಿಲ್ದಾಣಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಇತರ ನಿಲ್ದಾಣಗಳನ್ನು ಸಹ ಗುರುತಿಸಿ ಕೌಂಟರ್ ತೆರೆಯಲು ಚಿಂತಿಸಲಾಗುತ್ತಿದೆ.ಈ ಸೇವೆಯನ್ನು ನಿರಂತರವಾಗಿ ಸುಧಾರಿಸಲು ಮತ್ತು ಪ್ರಯಾಣಿಕರ ಅಭಿವೃದ್ಧಿಯ ಆದ್ಯತೆಗಳನ್ನು ಪೂರೈಸಲು ರೈಲ್ವೆಯು ಪ್ರಯಾಣಿಕರಿಂದ ಪ್ರತಿಕ್ರಿಯೆಯನ್ನು ಪಡೆಯಲಿದೆ.(ಏಜೆನ್ಸೀಸ್)
20 ರೂ.ಗೆ ಊಟ ಮತ್ತು 50 ರೂ.ಗೆ ಸ್ನಾಕ್ಸ್: ಸಾಮಾನ್ಯ ರೈಲು ಪ್ರಯಾಣಿಕರಿಗೂ ಶೀಘ್ರದಲ್ಲೇ ಆಹಾರ ವ್ಯವಸ್ಥೆ
ಸಾಂದರ್ಭಿಕ ಚಿತ್ರ