ನವದೆಹಲಿ: ಟೀಂ ಇಂಡಿಯಾದ ಯುವ ವೇಗದ ಬೌಲರ್ ಮುಖೇಶ್ ಕುಮಾರ್ ತಮ್ಮ ಬಾಲ್ಯದ ಗೆಳತಿ ಬಿಹಾರದ ದಿವ್ಯಾ ಸಿಂಗ್ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ. ಅದ್ದೂರಿಯಾಗಿ ನಡೆದ ಈ ವಿವಾಹದ ಫೋಟೋಗಳು ಶೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
Mukesh Kumar, Caught & Bowled ft. Divya Singh 🫶
Welcome to the DC Family, Divya ♥️ pic.twitter.com/E8Ue3Rglpd
— Delhi Capitals (@DelhiCapitals) November 29, 2023
ಈ ವರ್ಷದ ಫೆಬ್ರವರಿಯಲ್ಲಿ ಮುಕೇಶ್ ಅವರು ದಿವ್ಯಾ ಸಿಂಗ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. ಕುಟುಂಬ ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ನವೆಂಬರ್ 28 ರ ಮಂಗಳವಾರದಂದು ಗೋರಖ್ಪುರದ ಹೋಟೆಲ್ನಲ್ಲಿ ಈ ವಿವಾಹ ಕಾರ್ಯಕರಮ ನಡೆದಿದೆ. ಡಿಸೆಂಬರ್ 4 ರಂದು ಗೋರಖ್ಪುರದಲ್ಲಿ ಮುಖೇಶ್-ದಿವ್ಯಾ ವಿವಾಹ ಆರತಕ್ಷತೆ ನಡೆಯಲಿದೆ.
ಚಾಪ್ರಾದ ಬನಿಯಾಪುರ ಬೇರುಯಿ ಗ್ರಾಮದ ನಿವಾಸಿ ದಿವ್ಯಾ ಸಿಂಗ್ ಅವರನ್ನು ಮುಖೇಶ್ ಕುಮಾರ್ ಜೀವನ ಸಂಗಾತಿಯನ್ನಾಗಿ ಮಾಡಿಕೊಂಡಿದ್ದಾರೆ. ಡಿಸೆಂಬರ್ 4 ರಂದು ಮುಖೇಶ್ ಕುಮಾರ್ ಅವರ ಸ್ವಗ್ರಾಮದಲ್ಲಿ ಔತಣ ಕೂಟ ಆಯೋಜಿಸಲಾಗಿದೆ.
ವರ್ಷದ ಹಿಂದೆ ಟೀಂ ಇಂಡಿಯಾವನ್ನು ಸೇರಿಕೊಂಡ ಮುಖೇಶ್ ವರ್ಷದೊಳಗೆ ತಂಡದ ಪರವಾಗಿ ಎಲ್ಲಾ ಮೂರು ಸ್ವರೂಪಗಳಲ್ಲಿ ಪದಾರ್ಪಣೆ ಮಾಡಿರುವುದು ಗಮನಾರ್ಹ. ಈ ವರ್ಷದ ಜುಲೈನಲ್ಲಿ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿ ಏಕದಿನ, ಟೆಸ್ಟ್ ಮತ್ತು ಟಿ20 ಸ್ವರೂಪಗಳಲ್ಲಿ ಭಾರತದ ಪರವಾಗಿ ಅಂತರಾಷ್ಟ್ರೀಯ ಕ್ರಿಕೆಟ್ಗೆ ಮುಖೇಶ್ ಪಾದಾರ್ಪಣೆ ಮಾಡಿದ್ದರು. ಮುಖೇಶ್ ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದು, 2022 ರ ಐಪಿಎಲ್ ಹರಾಜಿನಲ್ಲಿ ಮುಖೇಶ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ 5 ಕೋಟಿಗೆ ಖರೀದಿಸಿತು.