ಕಟಕ್: ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗಗಳಲ್ಲಿ ಮುಗ್ಗರಿಸಿದ ಆತಿಥೇಯ ಭಾರತ ತಂಡ 2ನೇ ಟಿ20 ಪಂದ್ಯದಲ್ಲಿ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡಕ್ಕೆ 4 ವಿಕೆಟ್‌ಗಳಿಂದ ಶರಣಾಯಿತು. ಸತತ 2ನೇ ಪಂದ್ಯದಲ್ಲೂ ಗೆಲುವಿನ ಖಾತೆ ತೆರೆಯಲು ವಿಲವಾದ ರಿಷಭ್ ಪಂತ್ ಪಡೆ, 5 ಪಂದ್ಯಗಳ ಸರಣಿಯಲ್ಲಿ 0-2ರಿಂದ ಹಿನ್ನಡೆ ಕಂಡಿತು. ತವರು ನೆಲದಲ್ಲಿ ಸರಣಿ ಸೋಲಿನ ಭೀತಿ ಎದುರಿಸಿರುವ ಭಾರತದ ಪಾಲಿಗೆ ಉಳಿದ 3 ಪಂದ್ಯಗಳು ಮಾಡು ಇಲ್ಲವೆ ಮಡಿ ಎನಿಸಿವೆ.
ಬಾರಬತಿ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ 6 ವಿಕೆಟ್‌ಗೆ 148 ರನ್ ಪೇರಿಸಿತು. ಪ್ರತಿಯಾಗಿ ದಕ್ಷಿಣ ಆಫ್ರಿಕಾ, ವೇಗಿ ಭುವನೇಶ್ವರ್ ಕುಮಾರ್ (13ಕ್ಕೆ 4) ಮಾರಕ ದಾಳಿ ನಡುವೆಯೂ ಹೆನ್ರಿಚ್ ಕ್ಲಾಸೆನ್ (81 ರನ್, 46 ಎಸೆತ, 7 ಬೌಂಡರಿ, 5 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ನೆರವಿನಿಂದ 18.2 ಓವರ್‌ಗಳಲ್ಲಿ 6 ವಿಕೆಟ್‌ಗೆ 149 ರನ್‌ಗಳಿಸಿ ಗೆಲುವಿನ ನಗೆ ಬೀರಿತು.
ಭಾರತ: 6 ವಿಕೆಟ್‌ಗೆ 148 (ಶ್ರೇಯಸ್ ಅಯ್ಯರ್ 40, ಇಶಾನ್ ಕಿಶನ್ 34, ದಿನೇಶ್ ಕಾರ್ತಿಕ್ 30*, ಹರ್ಷಲ್ ಪಟೇಲ್ 12*, ಅನ್ರಿಚ್ ನೋಕಿಯ 36ಕ್ಕೆ 2), ದಕ್ಷಿಣ ಆಫ್ರಿಕಾ: 18.2 ಓವರ್‌ಗಳಲ್ಲಿ 6 ವಿಕೆಟ್‌ಗೆ 149 (ಟೆಂಬಾ ಬವುಮಾ 35, ಹೆನ್ರಿಚ್ ಕ್ಲಾಸೆನ್ 81, ಮಿಲ್ಲರ್ 20*, ಭುವನೇಶ್ವರ್ ಕುಮಾರ್ 13ಕ್ಕೆ 4).
South Africa win the 2nd T20I by 4 wickets and are now 2-0 up in the five match series.
Scorecard – https://t.co/pkuUUB966c #INDvSA @Paytm pic.twitter.com/fwlCeXouOM
— BCCI (@BCCI) June 12, 2022