ಬೆಂಗಳೂರು: ಕರೊನಾದ ಆತಂಕದ ನಡುವೆಯೂ ರಾಜ್ಯದಲ್ಲಿ ಒಂದು ಸಮಾಧಾನಕರ ಸಂಗತಿ ಹೊರಹೊಮ್ಮಿದೆ. ಏಕೆಂದರೆ ಕರ್ನಾಟಕ ಈ ಒಂದು ವಿಷಯದಲ್ಲೀಗ ದೇಶದಲ್ಲೇ ಪ್ರಥಮ ಎಂದೆನಿಸಿಕೊಂಡಿದೆ. ಇದನ್ನು ಆರೋಗ್ಯ ಸಚಿವ ಡಾ.ಕೆ.ಸುಧಾಕರ್ ಅವರೇ ಹಂಚಿಕೊಳ್ಳುವ ಮೂಲಕ ಸಂಬಂಧಪಟ್ಟವರಿಗೆ ಧನ್ಯವಾದಗಳನ್ನೂ ತಿಳಿಸಿದ್ದಾರೆ.
ಅಂದಹಾಗೆ ಕರ್ನಾಟಕ ಇದೀಗ ದಾಖಲೆ ಸ್ಥಾಪಿಸಿರುವುದು ಲಸಿಕೀಕರಣ ವಿಚಾರದಲ್ಲಿ. ಹೌದು.. ಫಸ್ಟ್ ಡೋಸ್ ಲಸಿಕೆ ನೀಡುವಲ್ಲಿ ಕರ್ನಾಟಕ ಶೇ. 100 ಸಾಧನೆ ಮಾಡಿದೆ. ಈ ಗುರಿ ತಲುಪಿದ ದೇಶದ ಪ್ರಥಮ ರಾಜ್ಯ ಎಂಬ ಹೆಗ್ಗಳಿಕೆಗೂ ಕರ್ನಾಟಕ ಪಾತ್ರವಾಗಿದೆ.
ಇಂದು ಬೆಳಗ್ಗೆ 9.30ರ ವರೆಗಿನ ಲಸಿಕೀಕರಣ ಅಂಕಿ-ಅಂಶ ಹಂಚಿಕೊಂಡಿರುವ ಸಚಿವ ಸುಧಾಕರ್, ಸರಿಯಾಗಿ 1 ವರ್ಷ 7 ದಿನಗಳಲ್ಲಿ ರಾಜ್ಯ ಫಸ್ಟ್ ಡೋಸ್ ಲಸಿಕೆ ವಿಚಾರದಲ್ಲಿ ಶೇ. 100 ಸಾಧನೆ ಮಾಡಿದೆ ಎಂಬುದನ್ನು ಹೇಳಿಕೊಂಡಿದ್ದಾರೆ. ಇದನ್ನು ಸಾಧ್ಯವಾಗಿಸಿದ ಎಲ್ಲ ಆರೋಗ್ಯ ಕಾರ್ಯಕರ್ತರಿಗೆ, ಜಿಲ್ಲಾಡಳಿತಗಳಿಗೆ ಧನ್ಯವಾದವನ್ನೂ ಅವರು ತಿಳಿಸಿದ್ದಾರೆ.
ಹ್ಯಾಕರ್ ಶ್ರೀಕಿ ಬಂಧನ ಆಗುವವರೆಗೂ ಇಷ್ಟು ಬುದ್ಧಿವಂತರಿದ್ದಾರೆ ಅನ್ನೋದೇ ಗೊತ್ತಿರಲಿಲ್ಲ: ಗೃಹಸಚಿವ
‘ಇವತ್ತು ಹುಟ್ಟಿದ ದಿನ, ಬೇಡ..’ ಎಂದರೂ ಕೇಳದೆ ಮನೆಯಿಂದ ಹೋದಳು: ಜನ್ಮದಿನವೇ ಸಾವಿನ ದಿನವಾಯ್ತು!