ಇಸ್ಲಮಾಬಾದ್: ನೆರೆರಾಷ್ಟ್ರ ಪಾಕಿಸ್ತಾನದಲ್ಲಿ ಕೊವಿಡ್-19 ಪ್ರಸರಣ ಹೆಚ್ಚಾಗಿಯೇ ಇದೆ. 72, 460 ಮಂದಿಗೆ ಸೋಂಕು ತಗುಲಿದ್ದು, 1,543 ಮಂದಿ ಮೃತಪಟ್ಟಿದ್ದಾರೆ.
ಪಾಕಿಸ್ತಾನದಲ್ಲಿ ಮೊದಲಿನಿಂದಲೂ ಕರೊನಾ ನಿಯಂತ್ರಣ ಕ್ರಮವನ್ನು ಸರಿಯಾಗಿ ಪಾಲಿಸಲಿಲ್ಲ ಎಂಬ ಆರೋಪ ಕೇಳಿಬಂದಿದೆ. ಅಲ್ಲಿನ ವೈದ್ಯರೇ ಅದನ್ನು ಈ ಹಿಂದೆ ಪ್ರತಿಭಟನೆ ಮೂಲಕ ತಿಳಿಸಿದ್ದಾರೆ.
ಅಲ್ಲಿ, ಲಾಕ್ಡೌನ್ ಇದ್ದರೂ ಸಹ ಅದನ್ಯಾರೂ ಸರಿಯಾಗಿ ಪಾಲನೆ ಮಾಡಿಲ್ಲ. ಮಸೀದಿಗೆಳಿಗೆ ಗುಂಪಾಗಿ ಹೋಗುವುದು, ಸಾಮೂಹಿಕ ಪ್ರಾರ್ಥನೆ ಮಾಡುವುದೆಲ್ಲ ಮುಂದುವರಿದೇ ಇತ್ತು ಎಂದು ಅಲ್ಲಿನ ಪತ್ರಿಕೆಗಳೇ ವರದಿ ಮಾಡಿವೆ.
ಇದೀಗ ಪ್ರಧಾನಿ ಇಮ್ರಾನ್ ಖಾನ್ ಅವರು ಪಾಕಿಸ್ತಾನದಲ್ಲಿ ಲಾಕ್ಡೌನ್ ನಿರ್ಬಂಧವನ್ನು ಸಂಪೂರ್ಣವಾಗಿ ತೆರವುಗೊಳಿಸುವುದಾಗಿ ತಿಳಿಸಿದ್ದಾರೆ. ದೇಶದಲ್ಲಿ ಆರ್ಥಿಕತೆ ಸಂಪೂರ್ಣವಾಗಿ ಕುಸಿದಿದೆ. ಹಾಗಾಗಿ ಲಾಕ್ಡೌನ್ ತೆರವುಗೊಳಿಸಲು ನಿರ್ಧಾರ ಮಾಡಲಾಗಿದೆ. ನೀವು ವೈರಸ್ನೊಂದಿಗೆ ಬದುಕುವುದನ್ನು ರೂಢಿಸಿಕೊಳ್ಳಿ ಎಂದು ಇಮ್ರಾನ್ ಖಾನ್ ದೇಶದ ಜನರಿಗೆ ಹೇಳಿದ್ದಾರೆ.
ಇದನ್ನೂ ಓದಿ: ಚೆನ್ನೈನಲ್ಲಿನ್ನು ಕ್ಷೌರ ಮಾಡಿಸಲು ಆಧಾರ್ ಕಡ್ಡಾಯ..!
ಪಾಕಿಸ್ತಾನ ಸರ್ಕಾರ ಈಗಾಗಲೇ ಅರ್ಧ ನಿರ್ಬಂಧವನ್ನು ಸಡಿಲಗೊಳಿಸಿದೆ. ಆರ್ಥಿಕತೆ ಕುಸಿತವನ್ನು ತಡೆಯುವ ನಿಟ್ಟಿನಲ್ಲಿ ಪ್ರವಾಸೋದ್ಯಮ ಚಟುವಟಿಕೆಯನ್ನು ಶುರು ಮಾಡಿದೆ. ಆದರೆ ಸಿನಿಮಾ, ಥಿಯೇಟರ್, ಶಾಲೆಗಳು ಇನ್ನೂ ತೆರೆದಿಲ್ಲ.
ಪಾಕಿಸ್ತಾನದಲ್ಲಿ ಇರುವ 72, 460 ಕರೊನಾ ಸೋಂಕಿತರಲ್ಲಿ ಸುಮಾರು 6,70,800 ಪ್ರಕರಣಗಳು ಲಾಹೋರ್ನಿಂದಲೇ ವರದಿಯಾಗಿವೆ. ಈ ಬಗ್ಗೆ ಮಾಧ್ಯಮಗಳಲ್ಲಿ ವರದಿಯಾಗುತ್ತಿದ್ದಂತೆ ಇಮ್ರಾನ್ ಖಾನ್ ಅವರು ಲಾಕ್ಡೌನ್ ನಿರ್ಬಂಧ ಸಂಪೂರ್ಣ ಸಡಿಲಿಕೆಯ ಘೋಷಣೆ ಮಾಡಿದ್ದಾರೆ.
ಇದನ್ನೂ ಓದಿ: ಶಾಲೆಗಳ ಪುನರಾರಂಭ ಕುರಿತು ಪೋಷಕರಿಂದಲೇ ಅಭಿಪ್ರಾಯ ಸಂಗ್ರಹ: ಸಚಿವ ಸುರೇಶ್ ಕುಮಾರ್
ಪಾಕಿಸ್ತಾನದಲ್ಲಿ ರಫ್ತು ಕುಸಿತವಾಗಿದೆ. ಶೇ. ಆದಾಯ ಕೊರತೆ, ಹಣದ ರವಾನೆಗಳಿಂದ ಮುಂದಿನ ತಿಂಗಳುಗಳಲ್ಲಿ ಮತ್ತಷ್ಟು ಆರ್ಥಿಕತೆ ಹದಗೆಡುವ ಸಾಧ್ಯತೆ ಇದೆ. ದೇಶದಲ್ಲಿ ಬಡತನ ರೇಖೆಗಿಂತಲೂ ಕೆಳಗೆ ಇರುವವರು 5 ಕೋಟಿ ಜನರಿದ್ದಾರೆ. 2.5ಕೋಟಿ ಜನ ದಿನಗೂಲಿ ನೌಕರರು ಇದ್ದಾರೆ. ಲಾಕ್ಡೌನ್ ಮುಂದುವರಿದರೆ ಅವರಿಗೆಲ್ಲ ತೀವ್ರ ತೊಂದರೆಯಾಗುತ್ತದೆ. ಅವರ ಕೈಯಲ್ಲಿ ಹಣವಿಲ್ಲದೆ ಇದ್ದರೆ ಬದುಕುವುದು ಹೇಗೆ? ಎಷ್ಟು ದಿನವೆಂದು ಅವರಿಗೆ ನಾವು ಹಣ ಕೊಡಲು ಸಾಧ್ಯ ಎಂದು ಇಮ್ರಾನ್ ಖಾನ್ ಪ್ರಶ್ನಿಸಿದ್ದಾರೆ.
ಲಾಕ್ಡೌನ್ನಿಂದ ಕರೊನಾ ವೈರಸ್ ನಿಯಂತ್ರಣ ಆಗುವುದಿಲ್ಲ. ಅದಕ್ಕೆ ಲಸಿಕೆ ಕಂಡು ಹಿಡಿದ ವಿನಃ ಅದು ನಿರ್ಮೂಲನೆಯಾಗುವುದಿಲ್ಲ ಎಂದು ಇಮ್ರಾನ್ ಖಾನ್ ಹೇಳಿದ್ದಾರೆ. (ಏಜೆನ್ಸೀಸ್)