ಬೆಂಗಳೂರು: ಸೋಮವಾರ RCB ಹಾಗೂ CSK ನಡುವೆ ನಡೆದ ಹೈವೋಲ್ಟೇಜ್ ಪಂದ್ಯವು ಕ್ರಿಕೆಟ್ ಅಭಿಮಾನಿಗಳನ್ನು ಸೀಟಿನ ತುದಿಗೆ ತಂದು ಕೂರಿಸಿತ್ತು.
ಇನ್ನು ಈ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು 8 ರನ್ಗಳ ಸೋಲು ಕಂಡಿತ್ತು.
ವೈರಲ್ ಆಗುತ್ತಿದೆ ಪೋಸ್ಟರ್
IPL ಪಂದ್ಯ ನಡೆಯುವ ವೇಳೆ ಆಗಾಗ ಕ್ಯಾಮರಾಮ್ಯಾನ್ಗಳ ಕೈಚಳಕವೂ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ. ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು ಪರ-ವಿರೋಧದ ಚರ್ಚೆ ನಡೆಯುತ್ತಿದೆ.
ಬೆಂಗಳೂರು ಹಾಗೂ ಚೆನೈ ನಡುವಿನ ಪಂದ್ಯವನ್ನು ವೀಕ್ಷಿಸಲು ಅಭಿಮಾನಿ ಓರ್ವ ತನ್ನ ಬೈಕನ್ನು ಮಾರಿ ಗೋವಾದಿಂದ ಇಲ್ಲಿಗೆ ಬಂದಿದ್ಧಾಗಿ ಪಂದ್ಯದ ವೇಳೆ ಪ್ರದರ್ಶಿಸಿರುವ ಪ್ಲೇ ಕಾರ್ಡ್ ಪೋಟೋ ವೈರಲ್ ಆಗಿದೆ.
ಇದನ್ನೂ ಓದಿ: ಹೃದಯಾಘಾತದಿಂದ ವ್ಯಕ್ತಿ ಮೃತ್ಯು; ಮರಣೋತ್ತರ ಪರೀಕ್ಷೆ ವೇಳೆ ನಡೆಯಿತು ಅಚ್ಚರಿ!
ಹುಚ್ಚು ಅಭಿಮಾನ
ಇನ್ನು IPLನಲ್ಲಿ ಚೆನೈ ಸೂಪರ್ ಕಿಂಗ್ಸ್ ತಂಡದ ಅಭಿಮಾನಿ ಆಗಿರುವ ಯುವಕ ತನ್ನ ನೆಚ್ಚಿನ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಅವರನ್ನು ನೋಡಲು ಗೋವಾದಿಂದ ಸೀದಾ ಬೆಂಗಳೂರಿಗೆ ಬಂದಿದ್ದಾನೆ.
ಇನ್ನು ಉಭಯ ತಂಡಗಳ ನಡುವಿನ ಆಟವನ್ನು ವೀಕ್ಷಿಸಲು ತನ್ನ ಬೈಕ್ ಮಾರಾಟ ಮಾಡಿ ಬಂದಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದ್ದು ಹುಚ್ಚು ಅಭಿಮಾನಕ್ಕೆ ಪಾರವೇ ಇಲ್ಲದಂತಾಗಿದೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ಧಾರೆ.