ನವದೆಹಲಿ: ಲಾಕ್ಡೌನ್ ಹಿನ್ನೆಲೆಯಲ್ಲಿ ಹಳೇ ಶೋ, ಧಾರಾವಾಹಿಗಳಿಗೆ ಬೇಡಿಕೆ ಸೃಷ್ಟಿಯಾಗಿದೆ. ಹಾಗಾಗಿ ದಶಕಗಳ ಹಿಂದೆ ಇತಿಹಾಸ ಸೃಷ್ಟಿಸಿದ್ದ ಎಷ್ಟೋ ಧಾರಾವಾಹಿಗಳು ಮರುಪ್ರಸಾರ ಆರಂಭಿಸಿವೆ. ಇದೀಗ ಆ ಸಾಲಿಗೆ ಕೊಂಚ ತಡವಾಗಿಯಾದರೂ ದರ್ಶನ ಕೊಡಲು ಸಿದ್ಧವಾಗಿದೆ ಶ್ರೀಕೃಷ್ಣ ಧಾರಾವಾಹಿ.
ಹೌದು, 1993ರಿಂದ 1996ರವರೆಗೆ ದೂರದರ್ಶನ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಶ್ರೀಕೃಷ್ಣ ಧಾರಾವಾಹಿ ಇದೀಗ ಮತ್ತೆ ಮರುಪ್ರಸಾರಕ್ಕೆ ಅಣಿಯಾಗಿದ್ದು, ಮೇ 3ರರ ಭಾನುವಾರ ರಾತ್ರಿ 9ಗಂಟೆಗೆ ಡಿಡಿ ನ್ಯಾಶನಲ್ ವಾಹಿನಿಯಲ್ಲಿ ಮರು ಪ್ರಸಾರ ಆರಂಭಿಸಲಿದೆ.
ಇದನ್ನೂ ಓದಿ: ಮರುಪ್ರಸಾರವಾಗಿದ್ದ ರಾಮಾಯಣ ಸೃಷ್ಟಿಸಿತು ವಿಶ್ವ ದಾಖಲೆ https://www.vijayavani.net/ramayan-breaks-records-becomes-most-watched-show-in-the-world/
ಅಂದಹಾಗೆ, ಈ ವಿಚಾರವನ್ನು ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಪ್ರಕಾಶ್ ಜಾವ್ಡೇಕರ್ ಟ್ವಿಟರ್ ಮೂಲಕ ಸ್ಪಷ್ಟಪಡಿಸಿದ್ದಾರೆ. ಈ ಧಾರಾವಾಹಿಯನ್ನು ನಿರ್ದೇಶಿಸಿ ನಿರ್ಮಾಣ ಮಾಡಿದ್ದು ರಾಮಾಯಣ ಖ್ಯಾತಿಯ ರಮಾನಂದ್ ಸಾಗರ್. ಸ್ವಪ್ನಿಲ್ ಜೋಶಿ ಬಾಲ ಕೃಷ್ಣನಾಗಿ ಕಾಣಿಸಿಕೊಂಡರೆ, ಸರ್ವಧಾಮನ್ ಬ್ಯಾನರ್ಜಿ ವಯಸ್ಕ ಶ್ರೀಕೃಷ್ಣನ ಅವತಾರ ಎತ್ತಿದ್ದಾರೆ. ಈಗಾಗಲೇ ಮರುಪ್ರಸಾರವಾಗುತ್ತಿರುವ ರಾಮಾಯಣ ವಿಶ್ವದಾಖಲೆ ಬರೆದರೆ, ಮಹಾಭಾರತ, ಶಕ್ತಿಮಾನ್ ವೀಕ್ಷಕರಿಂದ ಒಳ್ಳೆಯ ಪ್ರತಿಕ್ರಿಯೆ ಗಿಟ್ಟಿಸಿಕೊಳ್ಳುತ್ತಿವೆ. (ಏಜೆನ್ಸೀಸ್)
ರಿಷಿ ಕಪೂರ್ ನೆನೆದು ಭಾವುಕ ಪತ್ರ ಬರೆದ ಹೃತಿಕ್ ರೋಷನ್