ಹೈದರಾಬಾದ್: ಹೈದರಾಬಾದ್ನಲ್ಲಿ ಪದೇಪದೆ ಯುವತಿಯರ ನಾಪತ್ತೆ ಪ್ರಕರಣಗಳು ದಾಖಲಾಗುತ್ತಿರುವುದು ಪೊಲೀಸರಿಗೆ ತಲೆನೋವಿನ ಸಂಗತಿಯಾಗಿದ್ದು, ಜನಸಾಮಾನ್ಯರಲ್ಲಿ ಆತಂಕದ ವಾತಾವರಣ ಮನೆ ಮಾಡಿದೆ. ಇದೀಗ ಮತ್ತೆ ಮೂವರು ಯುವತಿಯರು ದಿಢೀರ್ ಕಾಣೆಯಾಗಿರುವುದಾಗಿ ವರದಿಯಾಗಿದೆ.
ಜುಬಿಲಿ ಹಿಲ್ಸ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಯುವತಿಯೊಬ್ಬಳು ಸಂಶಯಾಸ್ಪದ ರೀತಿಯಲ್ಲಿ ನಾಪತ್ತೆಯಾಗಿದ್ದಾಳೆ. ಯುವತಿಯ ಹೆಸರು ಸುನಿತಾ ಭವಾನಿ (21). ಈಕೆ ವೆಂಕಟಗಿರಿ ವಾಟರ್ ಟ್ಯಾಂಕ್ ಬಳಿ ವಾಸವಿದ್ದಳು. ಜೂನಿಯರ್ ಆರ್ಟಿಸ್ಟ್ ಆಗಿ ಕೆಲಸ ಮಾಡುತ್ತಿದ್ದಳು. ಮೇ 27ರ ರಾತ್ರಿ ಭವಾನಿ ತಾಯಿ ಮಣಿ ಹೊಸ ಬಾಡಿಗೆ ಮನೆಯನ್ನು ಕ್ಲೀನ್ ಮಾಡಲು ಹೋದಾಗ ತಾಯಿಗೆ ಕರೆ ಮಾಡಿದ ಭವಾನಿ ಜೂನಿಯರ್ ಆರ್ಟಿಸ್ಟ್ ಆಗಿ ಒಂದು ವರ್ಷದ ಅವಧಿಗೆ ಒಪ್ಪಂದ ಮಾಡಿಕೊಂಡಿದ್ದೇನೆ. ಈಗಲೇ ಮದುವೆ ಮಾಡಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾಳೆ. ಮನೆಗೆ ಹಿಂದಿರುತ್ತೇನೆಂದು ಹೇಳಿದ ಮಗಳು ಬರಲೇ ಇಲ್ಲ ಎಂದು ಆಕೆಯ ತಾಯಿ ಇದೀಗ ಜುಬಿಲಿ ಹಿಲ್ಸ್ ಪೊಲೀಸ್ ಠಾಣೆಯಲ್ಲಿ ನಾಪತ್ತೆ ದೂರು ದಾಖಲಿಸಿದ್ದಾಳೆ. ಪತ್ತೆಯಾದಲ್ಲಿ ಈ ನಂಬರ್ಗೆ 9490616589ಗೆ ಮಾಹಿತಿ ನೀಡಲು ಮನವಿ ಮಾಡಿದ್ದಾರೆ.
ಮತ್ತೊಂದು ಪ್ರಕರಣದಲ್ಲಿ ಜುಬಿಲಿ ಹಿಲ್ಸ್ ಠಾಣಾ ವ್ಯಾಪ್ತಿಯಲ್ಲೇ ಅನುಮಾನಾಸ್ಪದವಾಗಿ ಕಾಣೆಯಾಗಿದ್ದಾಳೆ. ಕಮ್ಮೊಲ್ಲಾ ಸಿರಿಶಾ (21) ಯುವತಿಯ ಹೆಸರು. ಈಕೆ ಅಂಬೇಡ್ಕರ್ ನಗರದ ನಿವಾಸಿ. 27ರಂದು ದಿನಸಿ ತರಲೆಂದು ಹತ್ತಿರದ ಅಂಗಡಿಗೆ ತೆರಳಿದ ಯುವತಿ ಮರಳಿ ಬಂದಿಲ್ಲ. ಸಾಕಷ್ಟು ಹುಡುಕಾಟ ನಡೆಸಿ, ಸಂಬಂಧಿಕರ ಮನೆಗೂ ಕರೆ ಮಾಡಿ ಪ್ರಶ್ನಿಸಿದರೂ ಯಾವುದೇ ಸುಳಿವು ಸಿಗದಿದ್ದಾಗ ಜುಬಿಲಿ ಹಿಲ್ಸ್ನಲ್ಲಿ ಯುವತಿಯ ತಂದೆ ಹೋಗಿ ದೂರು ನೀಡಿದ್ದಾರೆ. ಪತ್ತೆಯಾದಲ್ಲಿ ಈ ನಂಬರ್ಗೆ 9885287323 ಕರೆ ಮಾಡಲು ಮನವಿ ಮಾಡಿದ್ದಾರೆ.
ಸಂಬಂಧಿಕರ ಮನೆಗೆ ಬಂದು ಯುವತಿ ಕಾಣೆ
ಸಂಬಂಧಿಕರ ಮನೆಗೆ ಬಂದ ಯುವತಿಯೊಬ್ಬಳು ದಿಢೀರ್ ನಾಪತ್ತೆ ಆಗಿರುವ ಘಟನೆ ಮಲ್ಕಜ್ಗಿರಿಯಲ್ಲಿ ನಡೆದಿದೆ. ಪೊಲೀಸ್ ಮೂಲಗಳ ಜಯಂತ್ ಎಂಬಾತ ತನ್ನ ಮಗಳು ಅನುಷ್ಕಾಳನ್ನು (18) ಆಂಧ್ರ ಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ಗಂಗಾಧರ ಗ್ರಾಮದಿಂದ ಪ ಮಲ್ಕಜ್ಗಿರಿಯ ಮಾರುತಿನಗರದ ಸಂಬಂಧಿಕರ ಮನೆಗೆ ಕರೆತಂದಿದ್ದ. ಮೇ 27ರಂದು ಬೆಳಗ್ಗೆ ಮನೆಯಿಂದ ಹೊರ ಹೋದ ಅನುಷ್ಕಾ ಮರಳಿ ಬಂದಿಲ್ಲ. ಈ ಸಂಬಂಧ ದೂರು ದಾಖಲಾಗಿದೆ. (ಏಜೆನ್ಸೀಸ್)
ನನ್ನದು ನಿನ್ನ ಬಾಲ್ಗಳಿಗಿಂತ ದೊಡ್ಡದು! ಅಶ್ಲೀಲ ಪ್ರಶ್ನೆ ಕೇಳಿದವನಿಗೆ ನಟಿಯ ಖಡಕ್ ಉತ್ತರ
ನಗರವನ್ನೇ ಬೆಚ್ಚಿಬೀಳಿಸಿದ ನಾಲ್ವರು ಮಹಿಳೆಯರ ದಿಢೀರ್ ನಾಪತ್ತೆ! ಒಂದೊಂದು ಪ್ರಕರಣವೂ ವಿಭಿನ್ನ