ನ್ಯೂಯಾರ್ಕ್: ತೆವಳಲು ಸಾಧ್ಯವಾಗದಂತಹ ಜಾಗದಲ್ಲಿ ಪತ್ನಿಯ ಮೃತದೇಹವನ್ನು ಇಡುವ ಮುನ್ನ ಆಕೆಯನ್ನು ಪ್ಲಾಸ್ಟಿಕ್ ಬ್ಯಾಗ್ನಿಂದ ಉಸಿರುಗಟ್ಟಿಸಿ ಕೊಲೆಗೈದಿದ್ದ ಪಾಪಿ ಪತಿರಾಯ ಇದೀಗ ನ್ಯಾಯಾಲಯದ ಮುಂದೆ ತಪ್ಪಿತಸ್ಥ ಮನೋಭಾವ ಕಾಡುತ್ತಿರುವುದಾಗಿ ಕಣ್ಣೀರಿಟ್ಟಿದ್ದಾನೆ.
ಅಮೆರಿಕದ ಮಿನ್ನೇಸೋಟ ನಗರದ ನಿವಾಸಿಯಾಗಿರುವ ಆರೋಪಿ ಜೊಶುವಾ ಡೇವಿಡ್ (28) ತನ್ನ ಪತ್ನಿ ಮರಿಯಾಳನ್ನು ಉಸಿರುಗಟ್ಟಿಸಿ ಕೊಲೆಗೈದ ಆರೋಪದಲ್ಲಿ ಬಂಧಿಯಾಗಿ 35 ವರ್ಷಗಳ ಕಠಿಣ ಶಿಕ್ಷೆಗೆ ಗುರಿಯಾಗಿದ್ದಾನೆ.
ಇದನ್ನೂ ಓದಿ: ಮಳೆ ನೀರಿಗೆ ಕೊಚ್ಚಿ ಹೋಯ್ತು 264 ಕೋಟಿ ರೂ…!; ಉದ್ಘಾಟನೆಗೊಂಡು ತಿಂಗಳು ಕಳೆದಿರಲಿಲ್ಲ
ಮರಿಯಾ ಏಪ್ರಿಲ್ 30ರಂದು ನಾಪತ್ತೆಯಾಗಿದ್ದಳು. ಅದಾದ ಎರಡನೇ ದಿನದಲ್ಲಿ ಆಕೆಯ ಮೃತದೇಹ ಮಿನ್ನೇಸೋಟದ ಆರೋಪಿ ಡೇವಿಡ್ ಮನೆಯಲ್ಲೇ ಪತ್ತೆಯಾಗಿತ್ತು. ಆಕೆಯ ಮುಖವನ್ನು ಪ್ಲಾಸ್ಟಿಕ್ ಬ್ಯಾಗ್ನಿಂದ ಮುಚ್ಚಿ ಟೇಪ್ ಅಂಟಿಸಿದ್ದರಿಂದ ಉಸಿರುಗಟ್ಟಿ ಸಾವಿಗೀಡಾಗಿದ್ದಾಳೆ ಎಂದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿತ್ತು. ಬಳಿಕ ಪತಿಯೇ ಕೊಲೆ ಮಾಡಿದ್ದಾನೆಂದು ತಿಳಿದು ಆತನನ್ನು ಬಂಧಿಸಲಾಗಿತ್ತು. ಆದರೆ, ಪೊಲೀಸರ ಮುಂದೆ ಮನಬಂದತೆ ಹೇಳಿಕೆ ನೀಡಿದ ಡೇವಿಡ್, ಆಕೆಯ ಕೊಲೆಗೆ ಮಾಜಿ ಪ್ರಿಯಕರನೆ ಕಾರಣ ಎಂದು ಹೇಳಿದ್ದ.
ಆದರೆ, ಕೊನೆಗೆ ಪಾಪಪ್ರಜ್ಞೆ ಕಾಡಿ ತಾನೇ ಕೊಲೆ ಮಾಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದ. ಈತನ ಬಗ್ಗೆ ಮರಿಯಾ ಕುಟುಂಬ ಹಾಗೂ ಆಪ್ತರನ್ನು ವಿಚಾರಿಸಿದಾಗ, ಕುಟುಂಬ ಕಲಹ ಇದ್ದುದ್ದಾಗಿ ತಿಳಿಸಿದ್ದರು. ನಿಯಂತ್ರಣ ಹೇರುವ ಹಾಗೂ ಯಾವುದನ್ನು ಸಹಿಸಿಕೊಳ್ಳದ ಸ್ವಭಾವ ಡೇವಿಡ್ನದ್ದು, ಹೀಗಾಗಿ ಪತಿ-ಪತ್ನಿಯ ನಡುವೆ ಆಗಾಗ ಜಗಳ ನಡೆಯುತ್ತಿತ್ತು ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಅತ್ಯಾಚಾರ ಮತ್ತು ಕೊಲೆ ಬೆದರಿಕೆ … ಸೈಬರ್ ಪೊಲೀಸ್ ಮೊರೆ ಹೋದ ಸುಶಾಂತ್ ಪ್ರೇಯಸಿ
ಗಂಡನ ಮಿತಿಮೀರಿದ ವರ್ತನೆಯನ್ನು ಸಹಿಸಲಾಗದೇ ಆತನನ್ನು ಬಿಟ್ಟು ಹೋಗಲು ಮುಂದಾದಾಗ ಇಬ್ಬರ ನಡುವೆ ಗಲಾಟೆ ನಡೆದಿದೆ. ಇದು ತಾರಕಕ್ಕೇರಿದಾಗ ಪಾಪಿ ಪತಿ ತನ್ನ ಎರಡು ಕೈಗಳಿಂದ ಮೆರಿಯಾ ಕುತ್ತಿಗೆಯನ್ನು ಹಿಸುಕಿದ್ದಾನೆ. ಆದರೆ, ಇನ್ನು ಉಸಿರಾಡುವುದನ್ನು ಗಮನಿಸಿದ ಆತ ಬಳಿಕ ಪ್ಲಾಸ್ಟಿಕ್ ಬ್ಯಾಗ್ನಿಂದ ಅವಳ ಮುಖವನ್ನು ಮುಚ್ಚಿ ಟೇಪ್ ಅಂಟಿಸಿ ಕೊಲೆ ಮಾಡಿದ್ದಾನೆ. ಬಳಿಕ ಆಕೆಯ ಮೃತದೇಹವನ್ನು ಎಳೆದೊಯ್ದು ತೆವಳುವಂತಹ ಪ್ರದೇಶದಲ್ಲಿ ಹಳ್ಳ ತೆಗೆದು ಅದರಲ್ಲಿಟ್ಟು, ಕತ್ತರಿಸಿದ ಪ್ಲಾಸ್ಟಿಕ್ ಅನ್ನು ಮೃತದೇಹದ ಮೇಲೆ ತುಂಬಿದ್ದಾನೆ. ಬಳಿಕ ಏನು ಆಗಿಲ್ಲವಂತೆ ಬಿಂಬಿಸಲು ಸ್ಥಳದ ಸುತ್ತಾಮುತ್ತಾ ಸ್ವಚ್ಛಗೊಳಿಸಿದ್ದಾನೆ.
ಸಾಕಷ್ಟು ಶೋಧ ನಡೆಸಿದ್ದ ಪೊಲೀಸರು ಕೊನೆಗೆ ಆರೋಪಿಯ ಮನೆಯನ್ನು ಹುಡುಕಾಡಿದಾಗ ಮೃತದೇಹ ದೊರಕಿದೆ. (ಏಜೆನ್ಸೀಸ್)
VIDEO| ನಿತ್ಯಾ ಮೆನನ್ ಅಭಿನಯದ ವೆಬ್ ಸೀರಿಸ್ ದೃಶ್ಯ ಲೀಕ್: ಲೆಸ್ಬಿಯನ್ ಲಿಪ್ಲಾಕ್ ವಿಡಿಯೋ ವೈರಲ್!