ಮುಂಬೈ: “ವಿಕ್ರಮ್ ವೇದಾ’ ಎಂಬ ತಮಿಳು ಚಿತ್ರ ಬಿಡುಗಡೆಯಾಗಿ ನಾಲ್ಕು ವರ್ಷಗಳೇ ಆಗಿವೆ. ಯಾವಾಗ ಚಿತ್ರ ಹಿಟ್ ಆಯಿತೋ, ಆಗ ಹಿಂದಿಯಲ್ಲಿ ಈ ಚಿತ್ರವನ್ನು ರೀಮೇಕ್ ಮಾಡುವ ಮಾತು ಶುರುವಾಯಿತು. ಆಮೀರ್ ಖಾನ್ ಮತ್ತು ಸೈ್ ಅಲಿ ಖಾನ್ ಅಭಿನಯದಲ್ಲಿ ಚಿತ್ರ ತಯಾರಾಗುತ್ತಿರುವ ಸುದ್ದಿಯಾಯಿತು. ಆಮೇಲೆ ಏನೋ ಆಗಿ, ಆಮೀರ್ ಖಾನ್ ಚಿತ್ರತಂಡದಿಂದ ಹೊರಬಿದ್ದರು. ಅವರ ಬದಲಿಗೆ ಹೃತಿಕ್ ರೋಶನ್ ನಟಿಸುತ್ತಾರೆ ಎಂದು ಸುದ್ದಿಯಾಯಿತು. ವಿಜಯ್ ಸೇತುಪತಿ ಪಾತ್ರಕ್ಕೆ ಆಮೀರ್ಗಿಂತ ಹೃತಿಕ್ ಹೆಚ್ಚು ಸೂಕ್ತ ಎಂದು ಎಲ್ಲರೂ ಖುಷಿಯಾಗಿರುವಾಗಲೇ, ಹೃತಿಕ್ ಈ ಚಿತ್ರದಿಂದ ಔಟ್ ಆಗಿರುವ ಸುದ್ದಿಯೊಂದು ಬಂದಿದೆ.
ಇದನ್ನೂ ಓದಿ: ಒಕ್ಕೂಟದ 3 ಸಾವಿರ ಕಾರ್ಮಿಕರಿಗೆ ರೇಷನ್ ಕಿಟ್ ವಿತರಿಸಲು ಉಪ್ಪಿ ತೀರ್ಮಾನ
ಹೌದು, “ವಿಕ್ರಮ್ ವೇದಾ’ ಚಿತ್ರದಲ್ಲಿ ಹೃತಿಕ್ ನಟಿಸುಸುವುದು ಸಂಶಯ ಎಂಬ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಕೇಳಿಬರುತ್ತಿದೆ. ಅದಕ್ಕೆ ಕಾರಣವೂ ಇದೆ. ಪ್ರಮುಖವಾಗಿ ಹೃತಿಕ್ ಈ ವರ್ಷ “ೈಟರ್’ ಎಂಬ ಚಿತ್ರದಲ್ಲಿ ನಟಿಸಲಿದ್ದು, ಮುಂದಿನ ವರ್ಷದ ಏಪ್ರಿಲ್ನಲ್ಲಿ “ಕ್ರಿಶ್ 4′ ಚಿತ್ರದಲ್ಲಿ ನಟಿಸಬೇಕಿತ್ತು. ಎರಡೂ ಚಿತ್ರಗಳ ಮಧ್ಯದ ಒಂದೆರೆಡು ತಿಂಗಳುಗಳ ಗ್ಯಾಪ್ನಲ್ಲಿ “ವಿಕ್ರಂ ವೇದಾ’ ಚಿತ್ರದ ರೀಮೇಕ್ನಲ್ಲಿ ನಟಿಸಬೇಕಿತ್ತು. ಹೀಗಿರುವಾಗ ಅವರಿಗೆ ವೆಬ್ಸೀರೀಸ್ನಲ್ಲಿ ನಟಿಸುವ ಆರ್ ಬಂದಿದೆ.
ಇದನ್ನೂ ಓದಿ: ಬಿಗ್ಬಾಸ್ ಮುಗೀತು.. ಪ್ರಸಾರ ಮುಗಿದಿಲ್ಲ..!
“ದಿ ನೈಟ್ ಮ್ಯಾನೇಜರ್’ನ ಹಿಂದಿ ಅವತರಣಿಕೆಯಾದ ಈ ವೆಬ್ಸೀರೀಸ್ನಲ್ಲಿ ಹೃತಿಕ್ ನಟಿಸುವುದಕ್ಕೆ ಉತ್ಸುಕರಾಗಿದ್ದಾರೆ. ಬೇರೆ ಡೇಟ್ಸ್ ಇಲ್ಲದ ಕಾರಣ, “ವಿಕ್ರಂ ವೇದಾ’ ರೀಮೇಕ್ ಬದಲು ಈ ವೆಬ್ಸೀರೀಸ್ನಲ್ಲಿ ಯಾಕೆ ನಟಿಸಬಾರದು ಎಂದು ಗೆಳೆಯರ ಹಿತವಚನ, ಹೃತಿಕ್ಗೂ ಸರಿ ಎನಿಸಿದೆ. ಹಾಗಾಗಿ, ಅವರು “ವಿಕ್ರಂ ವೇದಾ’ ಬಿಟ್ಟು, ಈ ವೆಬ್ಸೀರೀಸ್ ಒಪ್ಪಿಕೊಳ್ಳುವುದಕ್ಕೆ ಮುಂದಾಗಿದ್ದಾರಂತೆ. ಈ ಬಗ್ಗೆ ಅವರ ಕಡೆಯಿಂದ ಯಾವುದೇ ಅಧಿಕೃತ ಮಾಹಿತಿ ಬರದಿದ್ದರೂ, “ವಿಕ್ರಂ ವೇದಾ’ ಚಿತ್ರದ ರೀಮೇಕ್ನಿಂದ ಬಹುತೇಕ ಔಟ್ ಎಂದು ಹೇಳಲಾಗುತ್ತಿದೆ.
ಒಂದು ವಾರಕ್ಕಿಂತ ಹೆಚ್ಚು ಕಾಲ ಇನ್ಸ್ಟಾಗ್ರಾಂನಲ್ಲಿ ಇರುವ ನಂಬಿಕೆ ಇಲ್ಲ: ಕಂಗನಾ