ಟೋಕಿಯೋ : ಟೋಕಿಯೋದಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್ನಲ್ಲಿ ಉತ್ತಮ ಪ್ರದರ್ಶನದೊಂದಿಗೆ ಮುನ್ನುಗ್ತುತ್ತಿದ್ದ ಭಾರತದ ಮಹಿಳಾ ಹಾಕಿ ತಂಡ ಸೆಮಿಫೈನಲ್ಸ್ನಲ್ಲಿ ಮುಗ್ಗರಿಸಿದೆ. ಅರ್ಜೆಂಟಿನಾ ತಂಡದ ವಿರುದ್ಧ ಇಂದು ನಡೆದ ಪಂದ್ಯದಲ್ಲಿ ರಾಣಿ ರಾಮಪಾಲ್ ನಾಯಕತ್ವದ ತಂಡ 1-2 ಸ್ಕೋರ್ನೊಂದಿಗೆ ಸೋಲನುಭವಿಸಿದೆ.
ವರ್ಲ್ಡ್ ನಂ.2 ಅರ್ಜೆಂಟಿನಾ ವಿರುದ್ಧ ಕಷ್ಟಕರ ಪಂದ್ಯದಲ್ಲಿ ಶಕ್ತಿ ಮೀರಿ ಸೆಣೆಸಿದ ಭಾರತ ತಂಡದ ಚಿನ್ನದ ಕನಸು ಭಗ್ನವಾಗಿದೆ. ಆದಾಗ್ಯೂ ಇನ್ನೂ ಪದಕದ ನಿರೀಕ್ಷೆ ಬತ್ತಿಲ್ಲ. ಕಂಚಿನ ಪದಕಕ್ಕಾಗಿ, ಮತ್ತೊಂದು ಸೆಮಿಫೈನಲ್ಸ್ನಲ್ಲಿ ಸೋತ ಬ್ರಿಟನ್ ತಂಡದ ವಿರುದ್ಧ ಶುಕ್ರವಾರ ನಡೆಯಲಿರುವ ಪಂದ್ಯದಲ್ಲಿ ಈ ತಂಡ ಸೆಣೆಸಲಿದೆ.
ಇದನ್ನೂ ಓದಿ: ‘ಗೆಲುವು-ಸೋಲು ಜೀವನದ ಭಾಗ’ – ಹಾಕಿ ಸೋಲಿಗೆ ಮೋದಿ ಸಾಂತ್ವನ
ಮಂಗಳವಾರದಂದು ಭಾರತದ ಪುರುಷರ ಹಾಕಿ ತಂಡ ಕೂಡ ಸೆಮಿಫೈನಲ್ಸ್ನಲ್ಲಿ ಸೋಲಪ್ಪಿತ್ತು. ನಾಳೆ ಬೆಳಿಗ್ಗೆ 7 ಗಂಟೆಗೆ, ಪುರುಷರ ತಂಡವು ಕಂಚಿನ ಪದಕಕ್ಕಾಗಿ ಜರ್ಮನಿ ತಂಡದ ವಿರುದ್ಧ ಸೆಣೆಸಲಿದೆ. (ಏಜೆನ್ಸೀಸ್)