ಹೈದರಾಬಾದ್: ದುರಂತ ಘಟನೆಯಲ್ಲಿ ಮೃತಪಟ್ಟ 21 ವರ್ಷದ ಹೈದರಾಬಾದಿನ ಇಂಜಿನಿಯರ್ ವಿದ್ಯಾರ್ಥಿನಿ ಶ್ರೀ ವರ್ಷಿಣಿ ಸಾವಿಗೆ ಗೋ-ಕಾರ್ಟಿಂಗ್ ಸಂಘಟಕರ ನಿರ್ಲಕ್ಷ್ಯವೇ ಕಾರಣ ಎಂದು ಸಂತ್ರಸ್ತೆಯ ಕುಟುಂಬ ಗಂಭೀರ ಆರೋಪ ಮಾಡಿದೆ.
ವರ್ಷಿಣಿ ತಮ್ಮ ಕುಟುಂಬದ ಜತೆಯಲ್ಲಿ ಬುಧವಾರ ಸಂಜೆ ಹೈದರಾಬಾದಿನ ಗುರ್ರಂ ಗುಡದಲ್ಲಿರುವ ಹ್ಯಾಸ್ಟನ್ ಗೋ-ಕಾರ್ಟಿಂಗ್ಗೆ ತೆರಳಿದ್ದರು. ಅವಳಿ ಕಾರ್ಟಿನಲ್ಲಿ ವರ್ಷಿಣಿ ತಮ್ಮ ಅಂಕಲ್ರೊಂದಿಗೆ ಕುಳಿತಿದ್ದರು. ಸೋದರ ಸಂಬಂಧಿ ಮತ್ತು ಕುಟುಂಬದ ಸ್ನೇಹ ಬಳಗದಲ್ಲಿ ಗೋ-ಕಾರ್ಟ್ ಚಾಲನೆ ಮಾಡಿದವರಲ್ಲಿ ವರ್ಷಿಣಿ ಮೊದಲಿಗರೂ ಆಗಿದ್ದರು.
ಇದ್ದಕ್ಕಿದ್ದಂತೆ ಒಂದು ಚಕ್ರಕ್ಕೆ ವರ್ಷಿಣಿಯ ಕೇಶ ಸಿಲುಕಿಕೊಂಡ ಪರಿಣಾಮ ಗೋ-ಕಾರ್ಟಿಂಗ್ ಅಪಘಾತಕ್ಕೀಡಾಗಿ ಗಂಭೀರ ಗಾಯಗೊಂಡಿದ್ದಳು. ತಕ್ಷಣ ಆಸ್ಪತ್ರೆಗೆ ಕರೆದೊಯ್ದರು ಸಹ ಮಾರ್ಗಮಧ್ಯೆದಲ್ಲೇ ಆಕೆ ದುರಂತ ಸಾವಿಗೀಡಾದಳು. ಇದೀಗ ಪ್ರಕರಣಕ್ಕೆ ಗೋ-ಕಾರ್ಟ್ ಆಯೋಜಕರ ನಿರ್ಲಕ್ಷವೇ ಕಾರಣ ಎಂದು ಕುಟುಂಬ ಆರೋಪಿಸಿದೆ.
ಇದನ್ನೂ ಓದಿ: ದಲಿತ ಶಾಸಕನ ಅಂತರ್ಜಾತಿ ವಿವಾಹ ಪ್ರಕರಣ: ಮಹತ್ವದ ತೀರ್ಪು ನೀಡಿದ ಮದ್ರಾಸ್ ಹೈಕೋರ್ಟ್!
ಈ ಬಗ್ಗೆ ಮಾತನಾಡಿರುವ ಸೋದರ ಸಂಬಂಧಿ ನರೇಶ್, ನಾನು ಸಹ ಗೋ-ಕಾರ್ಟಿಂಗ್ಗೆ ಹೋಗಿದ್ದೆ. ಆಯೋಜಕರು ಹೆಚ್ಚು ಎಚ್ಚರಿಕೆ ವಹಿಸಿದ್ದರೆ ಅಪಘಾತ ಸಂಭವಿಸುತ್ತಿರಲಿಲ್ಲ. ನಾವೆಲ್ಲರೂ ಸಹ ಹೆಲ್ಮೆಟ್ ಧರಿಸಿದ್ದೆವು. ಅದನ್ನೂ ಸಹ ಕಟ್ಟಲಾಗಿತ್ತು. ಆದರೆ, ವರ್ಷಿಣಿಗೆ ನೀಡಿದ್ದ ಹೆಲ್ಮೆಟ್ ತುಂಬಾ ಸಡಿಲವಾಗಿತ್ತು. ಚಾಲನೆ ವೇಳೆ ಹೆಲ್ಮೆಟ್ ಕಳಚಿಕೊಂಡ ಪರಿಣಾಮ ಅವಳ ಕೂದಲು ಗೋ-ಕಾರ್ಟ್ ಸೀಟಿನ ಹಿಂಭಾಗದ ಬಲಭಾಗದಲ್ಲಿರುವ ಇಂಜಿನ್ಗೆ ಸಿಲುಕಿ ಅಪಘಾತ ಸಂಭವಿಸಿತು. ತಕ್ಷಣ ಆಸ್ಪತ್ರೆಗೆ ದಾಖಲಿಸಿದಾದರೂ ಜೀವ ಉಳಿಯಲಿಲ್ಲ ಎಂದಿದ್ದಾರೆ.
ಗೋ-ಕಾರ್ಟಿನ ಇಂಜಿನ್ ಸಹ ತೆರೆದಿತ್ತು ಎಂದು ಆರೋಪಿಸಿರುವ ನರೇಶ್, ಸಾಮಾನ್ಯವಾಗಿ ಇಂಜಿನ್ ಮುಚ್ಚಿರಬೇಕು. ಹೀಗಿದ್ದಾಗ ಮಾತ್ರ ಇಂತಹ ಅಪಘಾತಗಳನ್ನು ತಡೆಬಹುದು ಎಂದಿದ್ದಾರೆ. ವರ್ಷಣಿಯನ್ನು ಆಸ್ಪತ್ರೆಗೆ ದಾಖಲಿಸುವಾಗ ಅವಳ ಸ್ಥಿತಿ ತುಂಬಾ ಗಂಭೀರವಾಗಿತ್ತು. ಆಂತರಿಕ ಗಾಯದಿಂದ ಬಳಲಿದ್ದಳು. ಆಕೆಯ ಬೆನ್ನುಹುರಿಗೂ ಗಾಯವಾಗಿತ್ತು ಎಂದು ಕುಟುಂಬದವರು ಹೇಳಿದ್ದಾರೆ.
ಇದನ್ನೂ ಓದಿ: ಕಾಲಿವುಡ್ ಸ್ಟಾರ್ ನಟ ವಿಷ್ಣು ವಿಶಾಲ್ ಕುಟುಂಬದ ವಿರುದ್ಧ ತಿರುಗಿಬಿದ್ದ ಹಾಸ್ಯನಟ ಸೂರಿ..!
ಈ ಸಂಬಂಧ ಮೀರ್ಪೇಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಈ ಬಗ್ಗೆ ಮಾತನಾಡಿರುವ ಇನ್ಸ್ಪೆಕ್ಟರ್ ಎಂ ಮಹೇಂದರ್ ರೆಡ್ಡಿ, ಐಪಿಸಿ ಸೆಕ್ಷನ್ 304ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದೇವೆ. ಅಲ್ಲದೆ, ಕರೊನಾ ಹಿನ್ನೆಲೆಯಲ್ಲಿ ಮನರಂಜನಾ ತಾಣಗಳಿಗೆ ಇನ್ನು ಅನಮತಿ ನೀಡಿಲ್ಲ. ಹೀಗಿದ್ದರೂ ತೆರೆಯುವ ಮೂಲಕ ನಿಯಮ ಉಲ್ಲಂಘನೆಯಾಗಿದೆ. ಹೀಗಾಗಿ ವಿಪತ್ತು ನಿರ್ವಹಣಾ ಸೆಕ್ಷನ್ ಅಡಿಯಲ್ಲೂ ಕೇಸು ದಾಖಲಿಸಿದ್ದೇವೆ. ತನಿಖೆ ಆರಂಭವಾಗಿದ್ದು, ಆದಷ್ಟು ಬೇಗ ಆರೋಪಿಗಳನ್ನು ಬಂಧಿಸಲಾಗುವುದು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
ಗೋ-ಕಾರ್ಟಿಂಗ್: ಚಕ್ರಕ್ಕೆ ತಲೆಗೂದಲು ಸಿಲುಕಿ ಜೀವ ಕಳೆದುಕೊಂಡ ಇಂಜಿನಿಯರಿಂಗ್ ವಿದ್ಯಾರ್ಥಿನಿ!