ಬೆಂಗಳೂರು: ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಹಲವು ನಟಿಯರು ತಮ್ಮದೇ ರೀತಿಯಲ್ಲಿ ಆಚರಿಸಿದ್ದಾರೆ. ಇನ್ನು, ಹರ್ಷಿಕಾ ಪೂಣಚ್ಚ ಮಹಿಳಾ ದಿನದ ಸಲುವಾಗಿ ಫೋಟೋಶೂಟ್ ಮಾಡಿಸಿದ್ದಾರೆ. ಈ ಬಾರಿ ಅವರು ಬಾರ್ಬಿ ಡಾಲ್ ಆಗಿ ಕಾಣಿಸಿಕೊಂಡಿದ್ದು, ಯಾಕೆ ಹೀಗೆ ಎಂಬ ಪ್ರಶ್ನೆಗೆ ಅವರು ನೀಡಿರುವ ವಿವರಣೆ ಇಲ್ಲಿದೆ.
‘ನಿಮ್ ಲೈಫ್ಗೆ ನೀವೇ ಸೂಪರ್ ವುಮನ್. ನಮಗೆ ನಾವೇ ಸ್ಪೂರ್ತಿ. ನಮ್ಮನ್ನು ನಾವು ಪ್ರೀತಿಸುವುದನ್ನು ಕಲಿತರೆ ಜೀವನ ಮತ್ತಷ್ಟು ಕಲರ್ಫುಲ್ ಆಗುತ್ತದೆ. ಇದೀಗ ಅದೇ ಪರಿಕಲ್ಪನೆಯಲ್ಲಿ ಫೋಟೋಶೂಟ್ ಮಾಡಿಸಿದ್ದೇನೆ. ಬಾರ್ಬಿಗೆ ಗೊಂಬೆ ಎನ್ನುತ್ತಾರೆ. ಆ ಗೊಂಬೆಯೇ ನಾವು. ಚಿಕ್ಕಂದಿನಲ್ಲಿ ಬೊಂಬೆಯನ್ನು ಎಷ್ಟು ಜೋಪಾನ ಮಾಡುತ್ತಿದ್ದೆವೋ, ಎಷ್ಟು ಅಲಂಕಾರ ಮಾಡುತ್ತಿದ್ದೆವೋ ಅದೇ ರೀತಿ ನಮ್ಮನ್ನು ನಾವು ಕೇರ್ ಮಾಡಿಕೊಳ್ಳಬೇಕು. ಆ ಕಾರಣಕ್ಕಾಗಿ ಬಾರ್ಬಿ ಡಾಲ್ ಗೆಟಪ್ನಲ್ಲಿ ಫೋಟೋಶೂಟ್ ಮಾಡಿಸಿಕೊಂಡಿದ್ದೇನೆ’ ಎನ್ನುತ್ತಾರೆ.
