ಹೈದರಾಬಾದ್: ಐಪಿಎಲ್ ಇತಿಹಾಸದಲ್ಲೇ ಸರ್ವಾಧಿಕ ಮೊತ್ತ ಪೇರಿಸಿ ಗೆಲುವು ದಾಖಲಿಸಿದ ಸನ್ರೈಸರ್ಸ್ ಹೈದರಾಬಾದ್ ತಂಡದ ಬ್ಯಾಟಿಂಗ್ ನಿರ್ವಹಣೆಯನ್ನು ಎದುರಾಳಿ ಮುಂಬೈ ಇಂಡಿಯನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ ಹೊಗಳಿದ್ದಾರೆ. “ಪಿಚ್ ಉತ್ತಮವಾಗಿತ್ತು. ನಾವು ಎಷ್ಟು ಉತ್ತಮವಾಗಿ ಅಥವಾ ಕೆಟ್ಟದಾಗಿ ಬೌಲಿಂಗ್ ಮಾಡಿದೆವು ಎಂಬುದಕ್ಕಿಂತ, ತಂಡವೊಂದು 277 ರನ್ ಪೇರಿಸಿದೆ ಎಂದರೆ ಅದು ಅತ್ಯುತ್ತಮವಾಗಿ ಬ್ಯಾಟಿಂಗ್ ಮಾಡಿದೆ ಎಂದೇ ಅರ್ಥ’ ಎಂದು ಹಾರ್ದಿಕ್ 31 ರನ್ ಸೋಲಿನ ಬಳಿಕ ಹೇಳಿದ್ದಾರೆ.
“ಪಿಚ್ ಬ್ಯಾಟಿಂಗ್ ಸ್ನೇಹಿಯಾಗಿತ್ತು ಎಂಬುದಕ್ಕೆ 500ಕ್ಕೂ ಅಧಿಕ ರನ್ ಸಿಡಿದಿದ್ದೇ ಸಾ. ನಮ್ಮ ಬೌಲಿಂಗ್ ಸ್ವಲ್ಪ ಸುಧಾರಿಸಬಹುದಿತ್ತು. ಆದರೆ ನಮ್ಮದು ಯುವ ಬೌಲಿಂಗ್ ವಿಭಾಗ ಮತ್ತು ಪಾಠ ಕಲಿತುಕೊಳ್ಳಲಿದ್ದೇವೆ’ ಎಂದು ಹಾರ್ದಿಕ್ ಹೇಳಿದ್ದಾರೆ.
ಸನ್ರೈಸರ್ಸ್ನ 278 ರನ್ ಸವಾಲಿಗೆ ಪ್ರತಿಯಾಗಿ ಮುಂಬೈಗೆ ರೋಹಿತ್ ಶರ್ಮ (26) ಮತ್ತು ಇಶಾನ್ ಕಿಶನ್ (34) ಬಿರುಸಿನ ಆರಂಭ ಒದಗಿಸಿದರು. ನಂತರ ನಮನ್ ಧೀರ್ (30) ಮತ್ತು ತಿಲಕ್ ವರ್ಮ (64) ಕೂಡ ಚೇಸಿಂಗ್ಗೆ ಬಲ ತುಂಬಿದರು. ಆದರೆ ಕೊನೆಯಲ್ಲಿ ನಾಯಕ ಹಾರ್ದಿಕ್ ಪಾಂಡ್ಯ (24) ಅವರಿಂದ ನಿರೀತ ಬ್ಯಾಟಿಂಗ್ ಬರಲಿಲ್ಲ. ಟಿಮ್ ಡೇವಿಡ್ಗೂ (42*) ತಂಡವನ್ನು ದಡ ಸೇರಿಸಲಾಗಲಿಲ್ಲ. ಹೀಗಾಗಿ ಮುಂಬೈ 5 ವಿಕೆಟ್ಗೆ 246 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಸನ್ರೈಸರ್ಸ್ ನಾಯಕರಾಗಿ ಮೊದಲ ಗೆಲುವು ಕಂಡ ಕಮ್ಮಿನ್ಸ್, “ನಾವು 270ಕ್ಕೂ ಅಧಿಕ ಮೊತ್ತ ಪೇರಿಸುವ ಸಲುವಾಗಿ ಆಡಲಿಲ್ಲ. ಆದರೆ ಆಕ್ರಮಣಕಾರಿ ಮತ್ತು ಸಕಾರಾತ್ಮಕವಾಗಿ ಆಡಲು ಬಯಸಿದ್ದೆವು. ನಮ್ಮ ಬೌಲರ್ಗಳೂ ಸಾಕಷ್ಟು ಬೌಂಡರಿ ಬಿಟ್ಟುಕೊಟ್ಟರು. ಆದರೆ, ಕೊನೇ ಹಂತದಲ್ಲಿ ನಾವು ಉತ್ತಮ ಬೌಲಿಂಗ್ ಮಾಡಿದೆವು’ ಎಂದರು.
ಐಪಿಎಲ್ನಲ್ಲಿ ಮೊದಲ ಬಾರಿಗೆ ಪಂದ್ಯವೊಂದರಲ್ಲಿ 500ಕ್ಕೂ ಅಧಿಕ ರನ್ ಸಿಡಿಯಿತು. ಅಲ್ಲದೆ ಯಾವುದೇ ಟಿ20 ಪಂದ್ಯದಲ್ಲಿ ಇದು ಸರ್ವಾಧಿಕ ರನ್ಪ್ರವಾಹವಾಗಿದೆ. 2023ರಲ್ಲಿ ದಣ ಆಫ್ರಿಕಾ-ವಿಂಡೀಸ್ ನಡುವಿನ ಪಂದ್ಯದಲ್ಲಿ 517 ರನ್ ಸಿಡಿದಿದ್ದು ಹಿಂದಿನ ದಾಖಲೆ. ಮುಂಬೈ ಐಪಿಎಲ್ನಲ್ಲಿ ಚೇಸಿಂಗ್ ವೇಳೆ ಸರ್ವಾಧಿಕ ರನ್ ಗಳಿಸಿದ ಸಾಧನೆ ಮಾಡಿತು. ರಾಜಸ್ಥಾನ 226 ರನ್ ಗಳಿಸಿದ್ದು ಹಿಂದಿನ ಗರಿಷ್ಠ. ಟ್ರಾವಿಸ್ ಹೆಡ್ (18)-ಅಭಿಷೇಕ್ ಶರ್ಮ (16) ಐಪಿಎಲ್ನಲ್ಲಿ 20ಕ್ಕಿಂತ ಕಡಿಮೆ ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಮೊದಲ ಜೋಡಿ ಎನಿಸಿದರು.
ನವೆಂಬರ್ 22ರಿಂದ ಪ್ರತಿಷ್ಠಿತ ಬಾರ್ಡರ್-ಗಾವಸ್ಕರ್ ಟ್ರೋಫಿ; ಪರ್ತ್ನಲ್ಲಿ ಭಾರತ-ಆಸೀಸ್ ಮೊದಲ ಟೆಸ್ಟ್