ಹನುಮಸಾಗರ: ಪಟ್ಟಣದ ವಿವಿಧ ವಾರ್ಡ್‌ಗಳಲ್ಲಿ ಗೌರಿ ಹುಣ್ಣಿಮೆ ನಿಮಿತ್ತ ಸೋಮವಾರ, ಮಂಗಳವಾರ ಮಹಿಳೆಯರು ಗೌರಮ್ಮಗೆ ಸಕ್ಕರೆ ಆರತಿ ಬೆಳಗಿ ಪೂಜೆ ಸಲ್ಲಿಸಿದರು. ಗ್ರಾಮೀಣ ಭಾಗದಲ್ಲಿ ಮಹಿಳೆಯರು, ಯುವತಿಯರು ಸಕ್ಕರೆ ಆರತಿಯೊಂದಿಗೆ ಪ್ರತಿಷ್ಠಾಪಿಸಿರುವ ಗೌರಮ್ಮನ ಮನೆಗಳಿಗೆ ತೆರಳಿ ಆರತಿ ಮಾಡಿದರು. ಕಳೆದ ವರ್ಷಕ್ಕಿಂತ ಈ ವರ್ಷ ಸಕ್ಕರೆ ಆರತಿ ಬೆಲೆ ಹೆಚ್ಚಾಗಿತ್ತು. ಕಳೆದ ವರ್ಷ 80 ರೂ.ಗೆ ಮಾರಾಟವಾಗಿದ್ದ ಆರತಿ ಈ ವರ್ಷ 100 ರೂ.ಗೆ ಮಾರಾಟವಾಯಿತು. ಮಕ್ಕಳು ಬಗೆ ಬಗೆಯ ಬಟ್ಟೆಗಳನ್ನು ತೊಟ್ಟು, ಹೂವು ಮುಡಿಗಿಟ್ಟು ಆರತಿ ಬೆಳಗಲು ತೆರಳುತ್ತಿರುವ ದೃಶ್ಯ ಕಂಡು ಬಂತು.
ಗೌರಮ್ಮಗೆ ಸಕ್ಕರೆ ಆರತಿ ಪೂಜೆ
ಹನುಮಸಾಗರದ ವಿದ್ಯಾನಗರದ ಮನೆಯೊಂದರಲ್ಲಿ ಮಂಗಳವಾರ ಸಕ್ಕರೆ ಆರತಿಯಿಂದ ಗೌರಮ್ಮನಿಗೆ ಪೂಜೆ ಮಾಡಿದ ಮಹಿಳೆಯರು.