ಸಿಡ್ನಿ: 19 ಲಕ್ಷ ರೂ. ನೀಡಿ ಖರೀದಿಸಿದ್ದ ಹ್ಯಾಂಡ್ ಬ್ಯಾಗ್ ಅದು. ಆದರೆ, ಆಸ್ಟ್ರೇಲಿಯಾದ ಕಸ್ಟಮ್ಸ್ ಅಧಿಕಾರಿಗಳು ಅದನ್ನು ನಿರ್ದಯವಾಗಿ ಧ್ವಂಸಗೊಳಿಸಿದ್ದಾರೆ. ಇತರರಿಗೂ ಇದು ಪಾಠವಾಗಬೇಕೆಂದು ಹೇಳಿದ್ದಾರೆ.
ಫ್ರಾನ್ಸ್ ಸೇಂಟ್ ಲಾರೆಂಟ್ ಬೊಟಿಕ್ನಿಂದ 19 ಲಕ್ಷ ರೂ. ನೀಡಿ ಐಷಾರಾಮಿ ಬ್ಯಾಗ್ ಖರೀದಿಸಲಾಗಿತ್ತು. ಪರ್ತ್ನ ಗಡಿಯಲ್ಲಿ ತಪಾಸಣೆ ನಡೆಸಿದ ಅಧಿಕಾರಿಗಳು ಈ ಬ್ಯಾಗ್ ವಶಪಡಿಸಿಕೊಂಡಿದ್ದಾರೆ. ಇದರಲ್ಲೇನೂ ಅಕ್ರಮ ನಡೆದಿದೆ ಎಂಬ ಶಂಕೆ ಅವರಿಗೆ ಉಂಟಾಗಿತ್ತು. ಜತೆಗೆ, ಅವನತಿಯ ಅಂಚಿನಲ್ಲಿರುವ ಪ್ರಾಣಿಯಿಂದ ತಯಾರಿಸಿದ ಉತ್ಪನ್ನವಾಗಿರಬೇಕು ಎಂಬ ಅನುಮಾನ ಅವರನ್ನು ಕಾಡಿತ್ತು.
ಇದನ್ನೂ ಓದಿ; VIDEO: ಗಾಂಜಾ ಬೆಳೆಯೋದಲ್ಲ…., ಇಸ್ರೇಲ್ನಲ್ಲಿ ಸುರಿಯಿತು ‘ಗಾಂಜಾ ಮಳೆ’…!
ವಿಚಾರಣೆ ನಡೆಸಿದಾಗ ಹ್ಯಾಂಡ್ ಬ್ಯಾಗ್ಅನ್ನು ಮೊಸಳೆ ಚರ್ಮದಿಂದ ತಯಾರಿಸಿದ್ದಾಗಿತ್ತು ಎಂಬ ವಿಷಯ ಬೆಳಕಿಗೆ ಬಂದಿದೆ. ಆಸ್ಟ್ರೇಲಿಯಾದಲ್ಲಿ ಮೊಸಳೆ ಚರ್ಮದಿಂದ ತಯಾರಿಸಿದ ವಸ್ತುಗಳನ್ನು ಹೊಂದಲು ಅವಕಾಶವಿದೆ ಆದರೆ, ಅದಕ್ಕೆ ಅಂದಾಜು 3,700 ರೂ. ನೀಡಿ ಆಮದು ಪರವಾನಗಿ ‘ಡೆಯಬೇಕು ಎಂಬ ಕಾನೂನು ಇದೆ.
ಹ್ಯಾಂಡ್ಬ್ಯಾಗ್ನ ಮಾಲೀಕರು ರಫ್ತು ಮಾಡಲು ಅವಕಾಶವಿದ್ದ ಸಂಸ್ಥೆಯ ಪರವಾನಗಿ ಪತ್ರ ಹಾಜರು ಪಡಿಸಿದರಾದರೂ, ಆಸ್ಟ್ರೇಲಿಯಾಗೆ ತರಿಸಿಕೊಳ್ಳಲು ಅನುಮತಿ ಪಡೆದಿರಲಿಲ್ಲ. ಈ ಕಾರಣಕ್ಕಾಗಿ ದುಬಾರಿ ಬೆಲೆಯ ಬ್ಯಾಗ್ಅನ್ನು ಅಧಿಕಾರಿಗಳು ನಾಶಪಡಿಸಿದ್ದಾರೆ.
ದಾಖಲೆ ಪತ್ರಗಳು ಸರಿಯಾಗಿರಬೇಕು ಎಂಬುದಕ್ಕೆ ಭಾರಿ ಬೆಲೆ ತೆತ್ತ ಪ್ರಕರಣ ಇದಾಗಿದೆ ಎಂದು ಆಸ್ಟ್ರೇಲಿಯಾದ ಪರಿಸರ ಸಚಿವೆ ಸೂಸನ್ ಲೇ ಹೇಳಿದ್ದಾರೆ. ಆನ್ಲೈನ್ನಲ್ಲಿ ಖರೀದಿಸುವ ಮುನ್ನ ಭಾರಿ ಎಚ್ಚರಿಕೆ ಹೊಂದಿರಬೇಕು. ಏಕೆಂದರೆ, ವಿನಾಶದಂಚಿನಲ್ಲಿರುವ ಪ್ರಾಣಿಗಳಿಂದ ತಯಾರಿಸಿದ ಉತ್ಪನ್ನವನ್ನು ಖರೀದಿಯನ್ನು ತಡೆಯುವುದು ಕೂಡ ಅವುಗಳ ಸಂರಕ್ಷಣೆಗೆ ಕಾರಣವಾಗುತ್ತದೆ ಎಂದು ತಿಳಿಸಿದ್ದಾರೆ. ಜನರು ಕೂಡ ಫ್ಯಾಷನ್ನಲ್ಲೂ ಕೂಡ ನೈತಿಕ ಮೌಲ್ಯಗಳನ್ನು ಕಾಪಾಡಬೇಕು ಎಂದು ಮನವಿ ಮಾಡಿದ್ದಾರೆ.
ದಿನಕ್ಕೆ 3.3 ಲೀಟರ್ ಮೂತ್ರ ಸೇವನೆ; ಕಣ್ಣು, ಮೂಗಿನಿಂದಲೂ ಒಳಗೆಳೆದುಕೊಳ್ತಾನೆ; ಮೈಗೆಲ್ಲ ಉಜ್ಜಿಕೊಳ್ತಾನೆ…!