ನವದೆಹಲಿ: ಗುಜರಾತ್ನಲ್ಲಿ 2002ರಲ್ಲಿ ನಡೆದ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಗುಜರಾತ್ನ ಅಂದಿನ ಮುಖ್ಯಮಂತ್ರಿ ನರೇಂದ್ರ ದಾಮೋದರ್ ದಾಸ್ ಮೋದಿ ಹಾಗೂ ಸರ್ಕಾರದ 62 ಹಿರಿಯ ಅಧಿಕಾರಿಗಳು ದೋಷಮುಕ್ತರು ಎಂಬ ಎಸ್ಐಟಿ ವರದಿಯನ್ನು ಸುಪ್ರೀಂ ಕೋರ್ಟ್ ಎತ್ತಿ ಹಿಡಿದಿದೆ.
2002ರ ಫೆ. 28ರಂದು ನಡೆದ ಗುಜರಾತ್ ಗಲಭೆ ಪ್ರಕರಣದಲ್ಲಿ ಸಾವಿಗೀಡಾಗಿದ್ದ ಕಾಂಗ್ರೆಸ್ ನಾಯಕ ಎಹ್ಸಾನ್ ಜಾಫ್ರಿಯ ಪತ್ನಿ ಝಾಕಿಯಾ ಜಾಫ್ರಿ (83) ಅವರು, ಈ ಪ್ರಕರಣದ ಕುರಿತಂತೆ ಸಲ್ಲಿಕೆಯಾಗಿದ್ದ ವಿಶೇಷ ತನಿಖಾ ದಳದ ವರದಿಯನ್ನು ಪ್ರಶ್ನಿಸಿ ಸಲ್ಲಿಸಿದ್ದ ಅರ್ಜಿಯನ್ನು ಇಂದು ಸುಪ್ರೀಂಕೋರ್ಟ್ ವಜಾಗೊಳಿಸಿದೆ.
ಗೋಧ್ರಾ ಹತ್ಯಾಕಾಂಡಕ್ಕೆ ಪ್ರತಿಯಾಗಿ ಹಿಂದುಗಳಿಗೆ ಸೇಡು ತೀರಿಸಿಕೊಳ್ಳಲು ಅನುಕೂಲವಾಗುವಂತೆ ಗುಜರಾತ್ನ ರಾಜಕಾರಣಿಗಳು ಹುನ್ನಾರ ನಡೆಸಿದ್ದರು ಎಂದು ಝಾಕಿಯಾ ಮನವಿ ಸಲ್ಲಿಸಿದ್ದರು. ಎಹ್ಸಾನ್ ಜಾಫ್ರಿ ಸಾವಿಗೂ ಹಿಂದಿನ ದಿನ ಸಬರಮತಿ ಎಕ್ಸ್ಪ್ರೆಸ್ನಲ್ಲಿ ಪ್ರಯಾಣಿಸುತ್ತಿದ್ದ ಹಿಂದೂ ಸಂಘಟನೆಗೆ ಸೇರಿದ್ದ 59 ಮಂದಿಯನ್ನು ಬೆಂಕಿ ಹಾಕಿ ಸಾಯಿಸಲಾಗಿತ್ತು. ಆರೋಪಿಗಳು ಯಾರು ಎನ್ನುವ ಕುರಿತು ವಿವಾದವಿದ್ದರೂ ಈ ಘಟನೆ ಹಿಂದಿದ್ದದ್ದು ಮುಸ್ಲಿಮರ ಗುಂಪು ಎಂದು ಶಂಕಿಸಲಾಗಿತ್ತು. ಹಿಂದೂಗಳ ಹತ್ಯೆಗೆ ಪ್ರತೀಕಾರವಾಗಿ ಮರುದಿನ ಗಲಭೆ ಸಂಭವಿಸಿದ್ದು, ಇದರಲ್ಲಿ 1,180 ಮಂದಿ ಹತ್ಯೆಗೀಡಾಗಿದ್ದರು.
ಸರ್ಕಾರಿ ಶಿಕ್ಷಕರ ಮಕ್ಕಳು ಕಡ್ಡಾಯವಾಗಿ ಕನ್ನಡ ಮಾಧ್ಯಮದಲ್ಲೇ ಕಲಿಯಬೇಕು: ಸಾಹಿತ್ಯ ಸಮ್ಮೇಳನದಲ್ಲಿ ನಿರ್ಣಯ?
ವಿಶ್ವಪರ್ಯಟನೆಯಲ್ಲಿ ಗಗನಸುಖಿ: ನಮಸ್ಕಾರ ದೇವರು.. ಇದು ಡಾಕ್ಟರ್ ಬ್ರೋ..!