ಕುಣಿಗಲ್: ‘ಬಾಣಂತನ ಮುಗೀತು, ಗಂಡನ ಮನೆಗೆ ಹೋಗವ್ವಾ…’ ಎಂದು ಮಗಳಿಗೆ ತಾಯಿ ಬುದ್ಧಿ ಹೇಳಿದ್ದಕ್ಕೆ ಬೇಸರಗೊಂಡ ಮಗಳು ಸಾವಿನ ಮನೆಯ ಕದ ತಟ್ಟಿದ್ದಾಳೆ. ಇವಳ ದುಡುಕಿಗೆ ಪುಟ್ಟ ಕಂದ ಅನಾಥವಾಗಿದೆ.
ಇಂತಹ ಘಟನೆ ತುಮಕೂರು ಜಿಲ್ಲೆ ಕುಣಿಗಲ್ ಪಟ್ಟಣದ ಉಪ್ಪಾರಬೀದಿ (ಮಾವಿನತೋಪು)ಯಲ್ಲಿ ನಡೆದಿದೆ. ಐಶ್ವರ್ಯಾ(20) ಮೃತೆ. ಅಮೃತೂರಿನ ಅನಿಲ್ಕುಮಾರ್ ಎಂಬುವರ ಜತೆ ಐಶ್ವರ್ಯಾಗೆ ಮದುವೆ ಮಾಡಲಾಗಿತ್ತು. 2021ರಲ್ಲಿ ಐಶ್ವರ್ಯ ಗರ್ಭಿಣಿಯಾಗಿದ್ದಳು. ಈ ವೇಳೆ ಆಕೆಯ ಮೈದುನ ಹಾಗೂ ನಾದಿನಿಗೆ ಕರೊನಾ ಸೋಂಕು ತಗುಲಿತ್ತು. ಮುಂಜಾಗ್ರತೆಯಾಗಿ ಐಶ್ವರ್ಯಾಳನ್ನು ಪತಿ ಅನಿಲ್ಕುಮಾರ್ ತವರು ಮನೆಗೆ ಬಿಟ್ಟು ಹೋಗಿದ್ದರು.
ಐಶ್ವರ್ಯಾಗೆ ಇಲ್ಲಿಯೇ ಹೆರಿಗೆಯಾಗಿತ್ತು. ಬಾಣಂತನ ಮುಗಿದ ನಂತರ ಗಂಡನ ಮನೆಗೆ ಹೋಗುವಂತೆ ಮಗಳಿಗೆ ತಾಯಿ ಬುದ್ಧಿವಾದ ಹೇಳುತ್ತಿದ್ದರು. ಇದರಿಂದ ಬೇಸತ್ತ ಐಶ್ವರ್ಯ, ಸೆ.12ರಂದು ಮನೆಯಲ್ಲಿ ಯಾರೂ ಇಲ್ಲದಿದ್ದಾಗ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಕುಣಿಗಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಜಾತ್ರೆಯಂತಾದ ಒಕ್ಕಲಿಗರ ವಧು-ವರರ ಸಮಾವೇಶ: 25 ಸಾವಿರಕ್ಕೂ ಹೆಚ್ಚು ಮಂದಿ ಭಾಗಿ, ವಧು ನೋಂದಣಿ ಸಂಖ್ಯೆ ಕೇವಲ 250…