ಭೋಪಾಲ್: ಇಂಧನ ಬೆಲೆ ಏರಿಕೆ ಬಗೆಗಿನ ಸುದ್ದಿಗಾರರ ಪ್ರಶ್ನೆಗೆ ಕೋಪಗೊಂಡಿರುವ ಬಿಜೆಪಿ ನಾಯಕರೊಬ್ಬರು, “ನೀವು ಅಫ್ಘಾನಿಸ್ತಾನಕ್ಕೆ ಹೋಗಿಬಿಡಿ! ಅಲ್ಲಿ ಪೆಟ್ರೋಲ್ ಬೆಲೆ ಲೀಟರ್ಗೆ 50 ರೂಪಾಯಿ ಇದೆ” ಎಂದಿರುವ ಪ್ರಸಂಗ ನಡೆದಿದೆ. ಈ ಬಗೆಗಿನ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದಾರೆ.
ಮಧ್ಯಪ್ರದೇಶದ ಕಟ್ನಿ ಜಿಲ್ಲಾ ಬಿಜೆಪಿ ಘಟಕದ ಅಧ್ಯಕ್ಷ ರಾಮರತನ್ ಪಾಯಲ್ ಅವರು ಈ ಮಾತು ಹೇಳಿದ್ದಾರೆ. ಸುದ್ದಿಗಾರರೊಬ್ಬರು, “ಪೆಟ್ರೋಲ್ ಡೀಸೆಲ್ ಬೆಲೆ ಏರಿಕೆ ಮಿತಿ ಮೀರಿದೆಯಲ್ಲಾ?” ಎಂದು ಕೇಳಿದಂತೆ, “ತಾಲಿಬಾನ್ ನಡೆಸುತ್ತಿರುವ ಅಫ್ಘಾನಿಸ್ತಾನಕ್ಕೆ ಹೋಗಿಬಿಡಿ. ಅಲ್ಲಿ ಪೆಟ್ರೋಲ್ ಲೀಟರ್ಗೆ 50 ರೂಪಾಯಿಗೆ ಸಿಗುತ್ತೆ… ಆದರೆ ಬಳಸುವವರು ಯಾರೂ ಇಲ್ಲ. ಅಲ್ಲಿ ಹಾಕಿಸಿಕೊಂಡು ಬನ್ನಿ” ಎಂದಿರುವ ಪಾಯಲ್, ಭಾರತದಲ್ಲಿ ಸುರಕ್ಷತೆಯಾದರೂ ಇದೆ. ಅದರ ಬಗ್ಗೆ ಯೋಚಿಸಿ ಎಂದಿದ್ದಾರೆ.
महंगाई के सवाल पर कटनी के BJP जिलाध्यक्ष ने कहा-
"अफगानिस्तान चले जाइए वहां पेट्रोल भरवाने वाला कोई भी नहीं है" #MadhyaPradesh #Afganisthan #PetrolDieselPriceHike pic.twitter.com/oYGjVhudkL
— News24 (@news24tvchannel) August 19, 2021
ಜೊತೆಗೆ, “ಕರೊನಾ ಮೂರನೇ ಅಲೆ ನಮ್ಮನ್ನು ಅಪ್ಪಳಿಸುವ ಪರಿಸ್ಥಿತಿ ಇದೆ… ನೀವು ಪತ್ರಕರ್ತರಾಗಿ ಪೆಟ್ರೋಲ್ ಬೆಲೆಯ ಬಗ್ಗೆ ಮಾತನಾಡುತ್ತಿದ್ದೀರಾ..” ಎಂದು ಪಾಯಲ್ ಕುಟುಕಿದ್ದಾರೆ. ಈ ಬಗ್ಗೆ ಹಲವಾರು ನೆಟ್ಟಿಗರು ಮೀಮ್ಗಳೊಂದಿಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ರಾಮರತನ್ ಪಾಯಲ್ ಮತ್ತು ಅವರನ್ನು ಸುತ್ತುವರಿದಿದ್ದ ಬೆಂಬಲಿಗರು ಕರೊನಾ ಮುನ್ನೆಚ್ಚರಿಕೆ ಕ್ರಮವಾದ ಸಾಮಾಜಿಕ ಅಂತರ ಕಾಯ್ದುಕೊಂಡಿಲ್ಲದಿರುವುದು, ಮಾಸ್ಕ್ ಹಾಕಿಲ್ಲದಿರುವುದು ವಿಡಿಯೋದಲ್ಲಿ ಗೋಚರಿಸುತ್ತದೆ. ಇದು ಭಾರೀ ವಿಪರ್ಯಾಸ ಎಂದು ಮತ್ತೆ ಕೆಲವರು ಕಾಮೆಂಟ್ ಮಾಡಿದ್ದಾರೆ. (ಏಜೆನ್ಸೀಸ್)