ಮುಂಬೈ: ಕರೊನಾ ಲಾಕ್ಡೌನ್ನಿಂದ ಶಾಲಾ-ಕಾಲೇಜುಗಳು ಅನಿವಾರ್ಯವಾಗಿ ಆನ್ಲೈನ್ ಕ್ಲಾಸ್ ಮೊರೆ ಹೋಗಬೇಕಾಯಿತು. ಆದರೆ, ಆನ್ಲೈನ್ ಕ್ಲಾಸ್ ಭಾಗವಾಗಿ ಮಕ್ಕಳ ಕೈಯಲ್ಲಿ ಇಂದು ಸ್ಮಾರ್ಟ್ಫೋನ್ ಇರುವುದು ಸೆರಗಿಗೆ ಕೆಂಡ ಕಟ್ಟಿಕೊಂಡಂತಾಗಿದೆ. ಆನ್ಲೈನ್ ಕ್ಲಾಸ್ ಶುರುವಾದಗಿನಿಂದ ಒಂದಲ್ಲ ಒಂದು ಆತಂಕಕಾರಿ ಪ್ರಕರಣಗಳು ಬೆಳಕಿಗೆ ಬರುತ್ತಿದ್ದು, ಅಂಥದ್ದೇ ಮತ್ತೊಂದು ಘಟನೆ ಮುಂಬೈನಲ್ಲಿ ನಡೆದಿದೆ.
ಪಾಲಕರು ಮಕ್ಕಳ ಮೇಲೆ ಗಮನ ಇಡದಿದ್ದರೆ ಏನಾಗಬಹುದು ಎಂಬುದಕ್ಕೆ ಈ ಒಂದು ಘಟನೆ ಉತ್ತಮ ಉದಾಹರಣೆಯಾಗಿದೆ. ಸ್ಮಾರ್ಟ್ಫೋನ್ ಎಷ್ಟು ಉಪಯುಕ್ತವೂ ಅಷ್ಟೇ ಅಪಾಯಕಾರಿಯು ಹೌದು. ಅದರಲ್ಲೂ ಇಂಟರ್ನೆಟ್ ಇದ್ದರೆ ಅದರ ಪ್ರಭಾವ ಮತ್ತಷ್ಟು ಹೆಚ್ಚಾಗುತ್ತದೆ. ನಾವು ಹೇಳ ಹೊರಟಿರುವ ವಿಚಾರವೇನೆಂದರೆ, 13 ವರ್ಷದ ಬಾಲಕನೊಬ್ಬ 14 ವರ್ಷದ ಬಾಲಕಿಯನ್ನು ಬೆತ್ತಲೆಯಾಗಿಸಿ, ಅದನ್ನು ರೆಕಾರ್ಡ್ ಮಾಡಿ ಬ್ಲ್ಯಾಕ್ಮೇಲ್ ಮಾಡುತ್ತಿರುವ ಪ್ರಕರಣ ಬೆಳಕಿಗೆ ಬಂದಿದೆ.
ಇದನ್ನೂ ಓದಿರಿ: ಪತಿಯ ಅತಿಯಾದ ಚಟ, ಕಿರುಕುಳಕ್ಕೆ ಬೇಸತ್ತು ಐಪಿಎಸ್ ಅಧಿಕಾರಿಯಿಂದ ದೂರು ದಾಖಲು!
ವಿವಿರಣೆಗೆ ಬರುವುದಾದರೆ ಮುಂಬೈನ ಪಶ್ಚಿಮ ಉಪನಗರದಲ್ಲಿ ವಾಸವಿರುವ 14 ವರ್ಷದ ಬಾಲಕಿ ಇನ್ಸ್ಟಾಗ್ರಾಂ ಖಾತೆಯನ್ನು ಹೊಂದಿದ್ದಾಳೆ. ಲಾಕ್ಡೌನ್ ಸಮಯದಲ್ಲಿ ಅತಿಹೆಚ್ಚು ಸಮಯ ಸಾಮಾಜಿಕ ಜಾಲತಾಣದಲ್ಲಿ ಕಳೆಯುತ್ತಿದ್ದಳು. ಅದೇ ಸಮಯದಲ್ಲಿ ಅಪರಿಚಿತ ಬಾಲಕನಿಂದ ಫ್ರೆಂಡ್ ರಿಕ್ವೆಸ್ಟ್ ಸ್ವೀಕರಿಸಿದಳು. ಹಿಂದು-ಮುಂದು ನೋಡದೇ ರಿಕ್ವೆಸ್ಟ್ಗೆ ಓಕೆ ಎಂದಳು. ಇದಾದ ಬಳಿಕ ಇಬ್ಬರ ನಡುವೆ ಚಾಟಿಂಗ್ ಶುರುವಾಯಿತು. ಕೊನೆಗೆ ಇಬ್ಬರು “ಟ್ರೂಥ್ ಆರ್ ಡೇರ್” ಎಂಬ ಆನ್ಲೈನ್ ಗೇಮ್ ಶುರು ಮಾಡಿದರು.
ಒಂದು ದಿನ “ಡೇರ್ ಚಾಲೆಂಜ್” ಭಾಗವಾಗಿ ಬಾಲಕ, ಬಾಲಕಿಗೆ ಒಂದು ಮಸೇಜ್ ಕಳುಹಿಸುತ್ತಾನೆ. ಬಾಲಕನ ಆದೇಶದಂತೆ ಬಾಲಕಿ ತನ್ನ ಬಟ್ಟೆಯನ್ನು ಕಳಚಿ ಬೆತ್ತಲೆಯಾಗಬೇಕು. ಈ ರೀತಿ ಮಾಡಿದರೆ ಮುಂದೆ ಯಾವ ಪರಿಣಾಮ ಬೀರಲಿದೆ ಎಂಬ ಅರಿವಿಲ್ಲದೆ, ಗೇಮ್ನ ನಿಯಮಾನುಸಾರ ಬಾಲಕಿ ತನ್ನ ಬಟ್ಟೆಗಳನ್ನು ಕಳಚಿ ಬೆತ್ತಲೆಯಾಗಿದ್ದಾಳೆ. ಇದೆಲ್ಲವೂ ಸಹ ಲೈವ್ ರೆಕಾರ್ಡ್ ಆಗುತ್ತಿರುತ್ತದೆ. ಆದರೆ, ಬಾಲಕಿಗೆ ಇದರ ಅರಿವೇ ಇರುವುದಿಲ್ಲ. ಇದಾದ ಬಳಿಕ ಮತ್ತೊಮ್ಮೆ ಬೆತ್ತಲಾಗುವಂತೆ ಬಾಲಕ ಹೇಳುತ್ತಾನೆ. ಆದರೆ, ಬಾಲಕಿ ನಿರಾಕರಿಸಿದಾಗ ಬ್ಲ್ಯಾಕ್ಮೇಲ್ ಮಾಡಲು ಆರಂಭಿಸುತ್ತಾನೆ. ರೆಕಾರ್ಡ್ ಮಾಡಿರುವ ವಿಡಿಯೋವನ್ನು ವೈರಲ್ ಮಾಡುವುದಾಗಿ ಬೆದರಿಸುತ್ತಾನೆ ಮತ್ತು ವಿಡಿಯೋವನ್ನು ಬಾಲಕಿಗೆ ಕಳುಹಿಸುತ್ತಾನೆ.
ಇದಾದ ಬಳಿಕ ಬಾಲಕಿ ಬೇಸರದಲ್ಲಿರುವುದನ್ನು ಗಮನಿಸುವ ಪಾಲಕರು ಏನಾಯಿತು ಎಂದು ಕೇಳಿದಾಗ ಎಲ್ಲವನ್ನು ವಿವರಿಸುತ್ತಾಳೆ. ಬಳಿಕ ಪಾಲಕರು ಪೊಲೀಸರಿಗೆ ದೂರು ನೀಡುತ್ತಾರೆ. ಬಳಿ ಐಪಿ ಅಡ್ರೆಸ್ ಸಹಾಯದಿಂದ ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ ಬಾಲಕನನ್ನು ಪತ್ತೆಹಚ್ಚುತ್ತಾರೆ. ಆದರೆ, ಆಗಲೇ ಅವರಿಗೆಲ್ಲ ಗೊತ್ತಾಗುವುದು ಇಷ್ಟೆಲ್ಲಾ ಮಾಡಿದ್ದು 13 ವರ್ಷದ ಬಾಲಕನೆಂದು. ಗೊತ್ತಾದ ಬಳಿಕ ಆಘಾತಕ್ಕೆ ಒಳಗಾಗುತ್ತಾರೆ. ಇನ್ನು ಬಾಲಕನು ಸಹ ಬಾಲಕಿ ವಾಸವಿರುವ ಏರಿಯಾದವನೆ. ಅಲ್ಲದೆ, ಆತನ ಬಾಲಕಿಯ ಕ್ಲಾಸ್ಮೇಟ್ ಸಹ ಹೌದು. ಇದೆವಲ್ಲನೂ ತಿಳಿದ ಬಾಲಕನ ಪಾಲಕರಿಗೆ ಒಮ್ಮೆ ಆಘಾತವಾಗುತ್ತದೆ. ಆನ್ಲೈನ್ ಕ್ಲಾಸ್ ನೆಪದಲ್ಲಿ ಮಕ್ಕಳು ಮಾಡುತ್ತಿರುವ ಕೆಲಸವನ್ನು ನೋಡಿ ಎಲ್ಲರೂ ದಿಗ್ಭ್ರಾಂತಗೊಳ್ಳುತ್ತಾರೆ.
ಕೊನೆಗೆ ಪೊಲೀಸರು ಮಕ್ಕಳಿಬ್ಬರ ಪಾಲಕರಿಗೆ ಎಚ್ಚರಿಕೆ ನೀಡಿದ್ದಾರೆ. ಮಕ್ಕಳು ಏನು ಮಾಡುತ್ತಿದ್ದಾರೆ? ಮೊಬೈಲ್ನಲ್ಲಿ ಏನು ನೋಡುತ್ತಿದ್ದಾರೆ ಎಂದು ಆಗಾಗ ನೋಡಿಕೊಳ್ಳಬೇಕು. ಇದು ಪಾಲಕರ ಜವಾಬ್ದಾರಿಯೂ ಹೌದು ಎಂದು ಪೊಲೀಸರು ಪಾಲಕರಿಗೆ ಬುದ್ಧಿಮಾತು ಹೇಳಿ ಕಳುಹಿಸಿದ್ದಾರೆ. (ಏಜೆನ್ಸೀಸ್)
ವೇಶ್ಯೆ ಸೋಗಲ್ಲಿ ಯುವಕರ ಕೋಣೆಗೆ ಆಂಟಿ ಎಂಟ್ರಿ! ಸಲ್ಲಾಪದ ವೇಳೆ ವರಸೆ ಬದಲು, ಬೆಸ್ತುಬಿದ್ದವ ಮಾಡಿದ್ದೇನು?
ಕುಡಿದ ಅಮಲಿನಲ್ಲಿ ಒಂಟಿ ಮಹಿಳೆ ಇದ್ದ ಮನೆಗೆ ನಡುರಾತ್ರಿ ನುಗ್ಗಿದ! ಮುಂದೆ ಆಗಿದ್ದೆಲ್ಲವೂ ಅವಾಂತರ
ಮದ್ವೆಯಾದ 2 ತಿಂಗಳಲ್ಲಿ ಗಂಡನಿಂದಲೇ ಬಿ.ಟೆಕ್ ವಿದ್ಯಾರ್ಥಿನಿ ಹತ್ಯೆ: ಕೊಲೆಗೆ ಕಾರಣ ಕೇಳಿ ಬೆಚ್ಚಿಬಿದ್ದ ಪಾಲಕರು!