‘ಆದಿಪುರುಷ್’ ಚಿತ್ರದ ಘೋಷಣೆಯಾಗಿ ಇನ್ನೂ ಒಂದು ವಾರ ಸಹ ಆಗಿಲ್ಲ. ಆಗಲೇ ಚಿತ್ರದ ಬಗ್ಗೆ ಪ್ರತಿದಿನ ಒಂದಲ್ಲಾ ಒಂದು ಸುದ್ದಿಗಳು ಕೇಳಿ ಬರುತ್ತಲೇ ಇವೆ. ಈಗ ಬಂದಿರುವ ಹೊಸ ಸುದ್ದಿಯ ಪ್ರಕಾರ, ಭಾರತದಲ್ಲಿ ನಿರ್ಮಾಣವಾಗುವ ಮಾಮೂಲೀ ವಿಎಫ್ಎಕ್ಸ್ ಚಿತ್ರ ಇದಾಗಿರುವುದಿಲ್ಲವಂತೆ. ಬದಲಿಗೆ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಈ ಚಿತ್ರ ಮೂಡಿಬರಲಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್ಡೇ ಡಾಲಿ ಧನಂಜಯ; ಚಿತ್ರತಂಡಗಳಿಂದ ಪೋಸ್ಟರ್ ಗಿಫ್ಟ್
ಮೂಲಗಳ ಪ್ರಕಾರ, ಚಿತ್ರ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮೂಡಿಬರಬೇಕು ಎನ್ನುವ ನಿಟ್ಟಿನಲ್ಲಿ ನಿರ್ದೇಶಕ ಓಂ ರೌತ್ ಅವರು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ವಿಎಫ್ಎಕ್ಸ್ ತಂತ್ರಜ್ಱರನ್ನು ಈ ಚಿತ್ರಕ್ಕೆ ಕರೆಸುತ್ತಿದ್ದಾರಂತೆ. ಪ್ರಮುಖವಾಗಿ ‘ಗೇಮ್ ಆಫ್ ಥ್ರೋನ್ಸ್’ಗೆ ಕೆಲಸ ಮಾಡಿದ್ದ ತಂತ್ರಜ್ಱರಿಂದ ಈ ಕೆಲಸ ಮಾಡಿಸಲಾಗುತ್ತದಂತೆ.
ಇತ್ತೀಚಿನ ದಿನಗಳಿಗೆ ಹಾಲಿವುಡ್ ಚಿತ್ರಗಳ ವಿಷ್ಯುಯಲ್ ಎಫೆಕ್ಟ್ಸ್ ಕೆಲಸ ಮಾಡುವ ಸ್ಟುಡಿಯೋಗಳು ಕೆನೆಡಾದಲ್ಲಿ ನೆಲೆಗೊಂಡಿವೆಯಂತೆ. ಈ ನಿಟ್ಟಿನಲ್ಲಿ, ಅಲ್ಲಿರುವ ಹಲವು ಸ್ಟುಡಿಯೋದವರನ್ನು ಓಂ ರೌತ್ ಮಾತನಾಡಿಸಿದ್ದು, ಆ ಪೈಕಿ ಬೆಸ್ಟ್ ಎನ್ನುವವರನ್ನು ಫೈನಲ್ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
‘ಆದಿಪುರುಷ್’ ಚಿತ್ರವು ರಾಮಾಯಣವನ್ನಾಧರಿಸಿದ್ದು, ಈ ಚಿತ್ರವನ್ನು ಟಿ-ಸೀರೀಸ್ನ ಭೂಷಣ್ ಕುಮಾರ್ ನಿರ್ಮಿಸುತ್ತಿದ್ದಾರೆ. ಚಿತ್ರದಲ್ಲಿ ಪ್ರಭಾಸ್ ಅವರು ರಾಮನ ಪಾತ್ರವನ್ನು ಮಾಡುತ್ತಿದ್ದು, ಅದಕ್ಕೆ ಸೂಕ್ತ ತಯಾರಿಗಾಗಿ ಹಾಲಿವುಡ್ನಿಂದ ತಂತ್ರಜ್ಱರನ್ನು ಕರೆಸಲಾಗುತ್ತಿದೆ. ಪ್ರಮುಖವಾಗಿ. ಪ್ರಮುಖವಾಗಿ ಪ್ರಭಾಸ್ಗೆ ಬಿಲ್ವಿದ್ಯೆಯನ್ನು ಹೇಳಿಕೊಡುವುದಕ್ಕೆಂದು ತರಬೇತುದಾರರು ಬರಲಿದ್ದಾರಂತೆ. ಅಷ್ಟೇ ಅಲ್ಲ, ಪ್ರಭಾಸ್ ಅವರ ದೇಹ ಹುರಿಗೊಳಿಸುವುದಕ್ಕೂ ಟ್ರೇನರ್ಗಳು ಬರಲಿದ್ದಾರಂತೆ.
ಇದನ್ನೂ ಓದಿ: ಸುಶಾಂತ್ ಪ್ರಕರಣದಲ್ಲಿ ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದಾರೆ ಕಂಗನಾ ರಣಾವತ್!
ಸದ್ಯಕ್ಕೆ ಪ್ರೀ-ಪ್ರೊಡಕ್ಷನ್ ಕೆಲಸಗಳು ಪ್ರಾರಂಭವಾಗಿವೆ. ಮೊದಲಿಗೆ ಬಾಕಿ ಇರುವ ‘ರಾಧೇ ಶ್ಯಾಮ್’ ಚಿತ್ರದ ಚಿತ್ರೀಕರಣ ಮುಗಿಸಲಿರುವ ಪ್ರಭಾಸ್, ಆ ನಂತರ ಹೆಸರಿಡದ ಚಿತ್ರವೊಂದರಲ್ಲಿ ದೀಪಿಕಾ ಪಡುಕೋಣೆ ಜತೆಗೆ ನಟಿಸಲಿದ್ದಾರೆ. ಆ ನಂತರ ‘ಆದಿಪುರುಷ್’ ಶುರುವಾಗುವ ಸಾಧ್ಯತೆ ಇದೆ.
ಸಿನಿಮಾ ಅವಕಾಶಕ್ಕಾಗಿ ನಿರ್ದೇಶಕ, ನಿರ್ಮಾಪಕರೊಂದಿಗೆ ಪಲ್ಲಂಗ ಹಂಚಿಕೊಂಡಿದ್ದರು ಈ ನಟಿಯರು!