ಇದೀಗ ಯೋಗರಾಜ್ ಭಟ್ ಮತ್ತು ಚಿತ್ರತಂಡದವರು ಫಾರಿನ್ ಬಿಟ್ಟು, ಹಿಮಾಚಲ ಪ್ರದೇಶದಲ್ಲಿ ಚಿತ್ರೀಕರಿಸಬೇಕು ಎಂಬ ನಿರ್ಧಾರಕ್ಕೆ ಬಂದಿದ್ದಾರೆ. ‘ನಾವು ಮೊದಲು ಕಥೆ ಮಾಡುವಾಗಲೇ ಉತ್ತರ ಭಾರತದಲ್ಲಿ ಚಿತ್ರೀಕರಣ ಮಾಡಬೇಕು ಎಂದು ಯೋಚಿಸಿದ್ದೆವು. ಆ ನಂತರ ಒಂದಿಷ್ಟು ಬದಲಾವಣೆಗಳಾಗಿ, ಯೂರೋಪ್ನಲ್ಲಿ ಚಿತ್ರೀಕರಣ ಮಾಡುವ ತೀರ್ವನವಾಯಿತು. ಈಗ ಲಾಕ್ಡೌನ್ನಿಂದ ಬೇರೆ ದೇಶಗಳಿಗೆ ಹೋಗುವ ಹಾಗಿಲ್ಲ. ಲಾಕ್ಡೌನ್ ತೆರವಾದ ನಂತರವೂ ವಿದೇಶ ಪ್ರಯಾಣ ಮಾಡುವ, ಅಲ್ಲಿ ಚಿತ್ರೀಕರಣ ಮಾಡುವ ಆತಂಕ ಇದ್ದೇ ಇದೆ. ಹಾಗಾಗಿ ನಾವು ಮೊದಲು ಯೋಚಿಸಿದಂತೆ, ಹಿಮಾಚಲ ಪ್ರದೇಶದಲ್ಲೇ ಚಿತ್ರೀಕರಣ ಮಾಡಲಿದ್ದೇವೆ’ ಎನ್ನುತ್ತಾರೆ ಯೋಗರಾಜ್ ಭಟ್. ‘ಗಾಳಿಪಟ 2’ ಚಿತ್ರದಲ್ಲಿ ಗಣೇಶ್, ದಿಗಂತ್, ‘ಲೂಸಿಯಾ’ ಪವನ್, ಅನಂತ್ ನಾಗ್ ಮುಂತಾದವರು ನಟಿಸುತ್ತಿದ್ದಾರೆ.
