ಗದಗ:
ತಾಯಿ ಕಳೆದುಕೊಂಡು ದುಃಖದ ನಡೆಯುವೂ ಚುನಾವಣಾ ಕರ್ತವ್ಯಕ್ಕೆ ಹಾಜರಾಗಿ ಬೆಟಗೇರಿ ಬಡವಾಣೆ ಠಾಣೆಯ ಪೊಲಿಸ್ ಪೇದೆ ಅಶೋಕ್ ಗದಗ ಕರ್ತವ್ಯ ಪ್ರಜ್ಞೆ ಮೆರೆದಿದ್ದಾರೆ. ಪೇದೆ ಅಶೋಕ್ ಕರ್ತವ್ಯಕ್ಕೆ ಮೆಚ್ಚಿ ಗದಗ ಜಿಲ್ಲಾ ಪೊಲೀಸ್ ಸನ್ಮಾನಿಸಿ ಗೌರವಿಸಿದೆ.
ಆಶೋಕ್ ಅವರ ತಾಯಿ ಶಂಕ್ರವ್ವ ಗದಗ (78) ಕಳೆದ ಒಂದು ವರ್ಷದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಅನಾರೋಗ್ಯದ ಹಿನ್ನೆಲೆ ಸೋಮವಾರ ನಿಧನ ಹೊಂದಿದ್ದರು. ತಾಯಿಯ ಅಂತ್ಯ ಸಂಸ್ಕಾರ ಮುಗಿಸಿ ಗದಗನ ಜೆಟಿ ಕಾಲೇಜ್ ನಲ್ಲಿ ನಡೆದ ಮಸ್ಟರಿಂಗ್ ಕರ್ತವ್ಯಕ್ಕೆ ಅಶೋಕ್ ಮಂಗಳವಾರ ಹಾಜರಾದರು. ಅಶೋಕ್ ಮೂಲತಃ ಗದಗ ತಾಲೂಕಿನ ಹಾತಲಗೇರಿ ಗ್ರಾಮದವರಾಗಿದ್ದಾರೆ.