ಆಂಟಿಗುವಾ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ 13 ಸಾವಿರ ಕೋಟಿ ರೂ.ಗೂ ಹೆಚ್ಚಿನ ಮೊತ್ತ ವಂಚಿಸಿ, ದೇಶಬಿಟ್ಟು ಪರಾರಿಯಾಗಿ ಆಂಟಿಗುವಾ ಮತ್ತು ಬಾರ್ಬುಡದಲ್ಲಿ ತಲೆಮರೆಸಿಕೊಂಡಿರುವ ವಜ್ರೋದ್ಯಮಿ ಮೆಹುಲ್ ಚೋಕ್ಸಿಯನ್ನು ಸ್ಥಳೀಯ ಪೊಲೀಸರು ಡೊಮಿನಿಕಾದಲ್ಲಿ ಬಂಧಿಸಿದ್ದಾರೆ.
ಡೊಮಿನಿಕಾವು ಕೆರೆಬಿಯನ್ ಸಮುದ್ರದ ಒಂದು ಸಣ್ಣ ದ್ವೀಪ ರಾಷ್ಟ್ರ. ಇಂಟರ್ಪೋಲ್ ನೀಡಿದ ಯೆಲ್ಲೋ ಕಾರ್ನರ್ ನೋಟಿಸ್ ಬಳಿಕ ಮೆಹುಲ್ ಚೋಕ್ಸಿ ಡೊಮಿನಿಕಾದಲ್ಲಿ ಪತ್ತೆಯಾಗಿದ್ದು, ಸದ್ಯ ಬಂಧನದಲ್ಲಿರುವ ಆತನನ್ನು ತಮ್ಮ ವಶಕ್ಕೆ ಪಡೆದುಕೊಳ್ಳಲು ಆಂಟಿಗುವಾ ಪೊಲೀಸರು ಡೊಮಿನಿಕಾ ಪೊಲೀಸರನ್ನು ಸಂಪರ್ಕಿಸಿದ್ದಾರೆ.
ಮೆಹುಲ್ ಚೋಕ್ಸಿ ಬಂಧನವಾಗಿರುವ ಬಗ್ಗೆ ಇಂಟರ್ಪೋಲ್, ಸಿಬಿಐಗೆ ಮಾಹಿತಿ ನೀಡಿದ್ದು, ಚೋಕ್ಸಿ ಆಂಟಿಗುವಾ ಮತ್ತು ಬಾರ್ಬುಡದಿಂದ ಬೋಟ್ ಸಹಾಯದಿಂದ ಡೊಮಿನಿಕಾ ತಲುಪಿದ್ದಾನೆಂದು ತಿಳಿದುಬಂದಿದೆ.
ಈ ಬಗ್ಗೆ ಮಾತನಾಡಿರುವ ಆಂಟಿಗುವಾ ಮತ್ತು ಬಾರ್ಬುಡ ಪ್ರಧಾನಿ ಗ್ಯಾಸ್ಟನ್ ಬ್ರೋನ್, ರಾಷ್ಟ್ರಕ್ಕೆ ಅಕ್ರಮವಾಗಿ ಪ್ರವೇಶ ನೀಡಿರುವ ಚೋಕ್ಸಿಯನ್ನು ಬಂಧಿಸುವಂತೆ ನಾವು ಡೊಮಿನಿಕನ್ ಸರ್ಕಾರವನ್ನು ಕೇಳಿದ್ದೇವೆ. ಆತನನ್ನು ನೇರವಾಗಿ ಭಾರತಕ್ಕೆ ಗಡಿಪಾರು ಮಾಡಲಾಗುವುದು ಎಂದು ತಿಳಿಸಿದ್ದಾರೆ.
60 ವರ್ಷದ ಮೆಹುಲ್ ಚೋಕ್ಸಿ 2017ರ ನವೆಂಬರ್ನಲ್ಲಿ ಸಿಟಿಜನ್ಷಿಪ್ ಬೈ ಇನ್ವೆಸ್ಟ್ಮೆಂಟ್ ಪ್ರೋಗ್ರಾಂ (ಸಿಐಪಿ) ಮೂಲಕ ಆಂಟಿಗುವಾ ಮತ್ತು ಬಾರ್ಬುಡಾ ದ್ವೀಪರಾಷ್ಟ್ರಗಳ ಪೌರತ್ವ ಪಡೆದಿದ್ದ. ಭಾರತದಿಂದ ಪರಾರಿಯಾದ ನಂತರ ಆತ ಆಂಟಿಗುವಾದಲ್ಲಿ ನೆಲೆಸಿದ್ದ. ತನ್ನ ಸಹೋದರ ನೀರವ್ ಮೋದಿ ಸಂಬಂಧಿ ಜತೆಗೂಡಿ ಮೆಹುಲ್ ಚೋಕ್ಸಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ 13 ಸಾವಿರ ಕೋಟಿ ರೂ.ಗೂ ಹೆಚ್ಚಿನ ವಂಚನೆ ಮಾಡಿದ್ದು, ಇದರಲ್ಲಿ ಚೋಕ್ಸಿಯ ಪಾಲು 7 ಸಾವಿರ ಕೋಟಿ ರೂಪಾಯಿಗೂ ಹೆಚ್ಚಿದೆ ಎನ್ನಲಾಗುತ್ತಿದೆ.
ಈ ಹಿನ್ನೆಲೆಯಲ್ಲಿ ಮೆಹುಲ್ ಚೋಕ್ಸಿ ವಿರುದ್ದ ಸಿಬಿಐ ಮತ್ತು ಇಡಿ ಪ್ರಕರಣ ದಾಖಲಿಸಿಕೊಂಡಿದ್ದು ತನಿಖೆ ನಡೆಸುತ್ತಿವೆ. ಈತನ ಬಂಧನಕ್ಕೆ ನೆರವಾಗಬೇಕೆಂದು ಸಿಬಿಐ ಹಾಗೂ ಇ.ಡಿ. ಮಾಡಿದ್ದ ಮನವಿ ಪುರಸ್ಕರಿಸಿರುವ ಇಂಟರ್ಪೋಲ್, ಆರೋಪಿ ವಿರುದ್ಧ ರೆಡ್ ಕಾರ್ನರ್ ನೋಟಿಸ್ ಹೊರಡಿಸಿತ್ತು. (ಏಜೆನ್ಸೀಸ್)
ಹಳ್ಳಿಗಳ ಕಡೆಗೆ ಸಚಿವರ ನಡಿಗೆ: ಬಿಜೆಪಿ ಆಡಳಿತ ರಾಜ್ಯಗಳ ಸಚಿವರಿಗೆ ಸೂಚನೆ, ನಮೋ ಸರ್ಕಾರಕ್ಕೆ ಏಳು ವರ್ಷ
ನಿರೀಕ್ಷೆಗಳನ್ನು ಸಾಧಿಸುವುದೇ ಮೋದಿ ಸರ್ಕಾರದ ಗುರುತು; ಮೋದಿ ಆಡಳಿತಕ್ಕೆ ಏಳು ವರ್ಷ
ಬಿಎಸ್ವೈ ಸ್ಥಾನಕ್ಕೆ ಸಿಗದ ಪರ್ಯಾಯ ನಾಯಕ; ಅಧಿಕಾರ ಕಳೆದುಕೊಳ್ಳಲು ಬಯಸದ ಹೈಕಮಾಂಡ್