ಬೀಜಿಂಗ್: ಕಸಾಯಿಖಾನೆಗೆ ಕೊಂಡೊಯ್ಯುತ್ತಿದ್ದ ನೀರೆಮ್ಮೆ(ವಾಟರ್ ಬಫೆಲೋ)ಯೊಂದು ಎಸ್ಕೇಪ್ ಆಗುವಾಗ ಎದುರಿಗೆ ಮಗುವನ್ನು ಹೊತ್ತುಕೊಂಡಿದ್ದ ತಾಯಿಯನ್ನು ಡಿಕ್ಕಿ ಹೊಡೆದು ಗಾಯಗೊಳಿಸಿದೆ.
ಏಪ್ರಿಲ್ 19ರಂದು ದಕ್ಷಿಣ ಚೀನಾದ ಗೌಂಗ್ಡಂಗ್ ಪ್ರಾಂತ್ಯದ ಹೇವಾನ್ ನಗರದಲ್ಲಿ ಘಟನೆ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕಸಾಯಿಖಾನೆಗೆ ಕರೆದೊಯ್ಯುವಾಗ ತಪ್ಪಿಸಿಕೊಂಡ ಏಷ್ಯಾ ಎಮ್ಮೆ, ಭಯದಿಂದ ಓಡುವಾಗ ಮನೆಯ ದ್ವಾರದ ಬಳಿ ಮಗುವನ್ನು ತಬ್ಬಿಕೊಂಡು ನಿಂತಿದ್ದ ತಾಯಿಗೆ ಡಿಕ್ಕಿ ಹೊಡೆದಿದೆ. ಗುದ್ದಿದ ರಭಸಕ್ಕೆ ಮಗುವನ್ನು ಎಸೆದ ನೆಲಕ್ಕುರುಳಿದ ತಾಯಿಯ ಮೇಲೆ ಮತ್ತೆ ದಾಳಿ ಮಾಡಿದೆ. ಈ ವೇಳೆ ಕುಟುಂಬಸ್ಥರು ಎಮ್ಮೆಯಿಂದ ಮಗು ಮತ್ತು ತಾಯಿಯನ್ನು ರಕ್ಷಿಸಿದ್ದಾರೆ.
ಘಟನೆಯಲ್ಲಿ ತಾಯಿಗೆ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಯಾವುದೇ ಹಾನಿಯಿಲ್ಲದೇ ದೇವರ ದಯೆಯಿಂದ ಮಗು ಪಾರಾಗಿದೆ. ತನ್ನ ಮಾಲೀಕನಿಂದ ಎಮ್ಮೆ ಎಸ್ಕೇಪ್ ಆಗುವ ಮುನ್ನ ಅದನ್ನು ಕಸಾಯಿಖಾನೆಗೆ ತೆಗೆದುಕೊಂಡು ಹೋಗಲಾಗುತ್ತಿತ್ತು ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್)