ಕಳವೂರ್: ಕೆಎಸ್ಆರ್ಟಿಸಿ ಬಸ್ ಡಿಕ್ಕಿ ಹೊಡೆದು ರಸ್ತೆಯುದ್ದಕ್ಕೂ ಎಳೆದೊಯ್ದ ಪರಿಣಾಮ 15 ವರ್ಷದ ಬಾಲಕಿಯೊಬ್ಬಳು ಸ್ನೇಹಿತೆಯ ಕಣ್ಣೆದುರೇ ದುರಂತ ಸಾವಿಗೀಡಾಗಿರುವ ಘಟನೆ ಕೇರಳದ ಅಲಪ್ಪುಳ ಜಿಲ್ಲೆಯ ಕಮಲಪುರಂನಲ್ಲಿ ಶನಿವಾರದ ಮಧ್ಯಾಹ್ನ 2.15ಕ್ಕೆ ನಡೆದಿದೆ.
ಮೃತರನ್ನು ಮನ್ನಂಚೇರಿ ಮೂಲದ ಸಫ್ನಾ ಸಿಯಾದ್ ಎಂದು ಗುರುತಿಸಲಾಗಿದೆ. ಕಳವೂರ್ ಸರ್ಕಾರಿ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಹತ್ತನೇ ತರಗತಿ ಓದುತ್ತಿದ್ದಳು. ಖಾಸಗಿ ಬಸ್ ಇಳಿದು ಸಫ್ನಾ ರಸ್ತೆ ದಾಟುತ್ತಿದ್ದಾಗ ಕೆಎಸ್ಆರ್ಟಿಸಿ ಬಸ್ ಆಕೆಗೆ ಡಿಕ್ಕಿ ಹೊಡೆದು ಸುಮಾರು 10 ಮೀಟರ್ ದೂರ ಎಳೆದೊಯ್ಯಿತು. ಪರಿಣಾಮ ಸಫ್ನಾ ಸ್ಥಳದಲ್ಲೇ ಮೃತಪಟ್ಟಳು.
ಪ್ರತ್ಯಕ್ಷದರ್ಶಿಗಳ ಪ್ರಕಾರ ಬಸ್ನ ಅತಿವೇಗವೇ ಅಪಘಾತಕ್ಕೆ ಕಾರಣ ಎಂದು ಆರೋಪಿಸಿದ್ದಾರೆ. ಬಸ್ ಡಿಕ್ಕಿ ಹೊಡೆದ ಸಂದರ್ಭದಲ್ಲಿ ಸಫ್ನಾ ಆಗಲೇ ರಸ್ತೆ ದಾಟಿದ್ದಳು ಎಂದು ಹೇಳಿದ್ದಾರೆ. ಸಫ್ನಾಳ ಸ್ನೇಹಿತೆ ಅವನಿ ಈ ದುರ್ಘಟನೆಗೆ ಸಾಕ್ಷಿಯಾಗಿದ್ದಾಳೆ. ಬಸ್ ಸಫ್ನಾ ಬಳಿ ಬರುತ್ತಿರುವುದನ್ನು ಕಂಡು ಅವನಿ ಬಸ್ ನಿಲ್ಲಿಸುವಂತೆ ಕಿರುಚಿದಳು. ಆದಾಗ್ಯೂ, ಅವಳ ಎಲ್ಲ ಪ್ರಯತ್ನಗಳು ವ್ಯರ್ಥವಾಯಿತು.
ಘಟನೆ ಬಳಿಕ ಸ್ಥಳದಿಂದ ಪರಾರಿಯಾಗಿದ್ದ ಕೆಎಸ್ಆರ್ಟಿಸಿ ಬಸ್ ಚಾಲಕ ನೌಶಾದ್‌ನನ್ನು ಪೊಲೀಸರು ಬಂಧಿಸಿದ್ದಾರೆ. ಬಸ್ ವೈಕೋಮ್ನಿಂದ ಅಲಪ್ಪುಳಕ್ಕೆ ತೆರಳುತ್ತಿತ್ತು.
ಮೃತ ಸಫ್ನಾ ದಂಪತಿ ಸಿಯಾದ್ ಮತ್ತು ಸಫೀಲಾ ಅವರ ಪುತ್ರಿ. ಭಾನುವಾರ ಮಧ್ಯಾಹ್ನ ಮನ್ನಂಚೇರಿ ಜುಮಾ ಮಸೀದಿಯ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನಡೆಯಲಿದೆ. (ಏಜೆನ್ಸೀಸ್)
ನೇಪಾಳ ವಿಮಾನ ಪತನ: ಟೇಕಾಫ್ ಆದ ಕೆಲವೇ ಕ್ಷಣಗಳಲ್ಲಿ ವಿಮಾನ ನಿಯಂತ್ರಣ ತಪ್ಪಿದ ವಿಡಿಯೋ ವೈರಲ್
ಸಂಕ್ರಾಂತಿಗೆ ಲಕ್ಷುರಿ ಕಾರುಗಳ ಉಡುಗೊರೆ! ಉದ್ಯೋಗಿಗಳಿಗೆ ಬಂಪರ್ ಬೋನಸ್ ಕೊಟ್ಟ ಹೈದರಾಬಾದ್ ಕಂಪನಿ
ನರೇಶ್-ಪವಿತ್ರಾ ಲೋಕೇಶ್ ಮದುವೆ ಹಿಂದಿರುವ ಅಸಲಿ ಕಾರಣ ಬಿಚ್ಚಿಟ್ಟ ಟಾಲಿವುಡ್ನ ಹಿರಿಯ ನಿರ್ಮಾಪಕ!