ಇಸ್ಲಮಾಬಾದ್ : ಮಾಜಿ ಪಾಕಿಸ್ತಾನಿ ಡಿಪ್ಲೊಮ್ಯಾಟ್ ಒಬ್ಬರ ಮಗಳನ್ನು ಕೊಲೆ ಮಾಡಿರುವ ಘಟನೆ ವರದಿಯಾಗಿದೆ. ದಕ್ಷಿಣ ಕೊರಿಯ ಮತ್ತು ಕಜಾಖಿಸ್ತಾನಕ್ಕೆ ಪಾಕಿಸ್ತಾನದ ಅಂಬಾಸಿಡರ್ ಆಗಿ ಕಾರ್ಯ ನಿರ್ವಹಿಸಿರುವ ಶೌಖತ್ ಮುಕದಂ ಅವರ ಮಗಳಾದ ನೂರ್ ಮುಕದಂ ಮೃತಳು.
ಪಾಕಿಸ್ತಾನದ ರಾಜಧಾನಿ ಇಸ್ಲಮಾಬಾದ್ನಲ್ಲಿ 27 ವರ್ಷದ ನೂರ್ ಮುಕದಂರನ್ನು ಗುಂಡಿಕ್ಕಿ ಕೊಲ್ಲಲಾಗಿದೆ. ಆಕೆಯ ಸ್ನೇಹಿತನೆನ್ನಲಾದ ಜಾಹಿರ್ ಜಫ್ಫರ್ ಎಂಬುವನನ್ನು ಕೃತ್ಯದ ಸ್ಥಳದಿಂದ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ, ಈ ಕೊಲೆಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ.
ಇದನ್ನೂ ಓದಿ: ರಾಯಭಾರಿ ಮಗಳ ಕಿಡ್ನ್ಯಾಪ್: ಜಾಗತಿಕವಾಗಿ ಪಾಕಿಸ್ತಾನ ತಲೆ ಎತ್ತದಂತೆ ಮಾಡಿದ ಅಫ್ಘಾನಿಸ್ತಾನ್!
ಪಾಕಿಸ್ತಾನದಲ್ಲಿ ಡಿಪ್ಲೊಮ್ಯಾಟಿಕ್ ಮಿಷನ್ಗಳ ಮತ್ತು ಸಿಬ್ಬಂದಿಗಳ ಸುರಕ್ಷತೆಯ ಬಗ್ಗೆ ಪ್ರಶ್ನೆ ಎದ್ದಿರುವ ಸಮಯದಲ್ಲಿ ಈ ಅಪರಾಧ ಸಂಭವಿಸಿದೆ. ಜುಲೈ 16 ರಂದು ಅಫ್ಘಾನಿಸ್ತಾನದ ಅಂಬಾಸಿಡರ್ ನಜೀಬುಲ್ಲ ಅಲಿಖಿಲ್ ಅವರ 26 ವರ್ಷದ ಮಗಳು ಸಿಲ್ಸಿಲಾ ಅಲಿಖಿಲ್ ಎಂಬುವರನ್ನು ಇಸ್ಲಮಾಬಾದ್ನಲ್ಲಿ ಅಪಹರಿಸಿ, ಕಿರುಕುಳ ನೀಡಲಾಗಿತ್ತು. ಸ್ವಲ್ಪ ಸಮಯದ ನಂತರ ಬಿಡುಗಡೆ ಮಾಡಲಾಗಿತ್ತು ಎಂದು ಅಫ್ಘಾನಿಸ್ತಾನ ಸರ್ಕಾರ ಆರೋಪಿಸಿದೆ. (ಏಜೆನ್ಸೀಸ್)
ಇಂದಿನಿಂದ ರೈತರಿಂದ ವಿನೂತನ ಪ್ರತಿಭಟನೆ – ಜಂತರ್ ಮಂತರ್ನಲ್ಲಿ ‘ಕಿಸಾನ್ ಸಂಸದ್’!