ಒಂದು ಹಂತದಲ್ಲಿ ಸರ್ಕಾರ ಅವರಿಂದ ಸ್ಪಷ್ಟನೆ ಬಯಸಿ 2004-05ರಿಂದ ಈ ವರೆಗೂ ವೃಂದ ಬದಲಾವಣೆಗೆ ಪ್ರಯತ್ನಿಸಿಲ್ಲವೇಕೆ ಎಂದು ಕೇಳಿತ್ತು. ಅದಕ್ಕವರು 2009ರಲ್ಲಿ ವಿಶ್ವವಿದ್ಯಾಲಯದಿಂದ ಸರ್ಟಿಫಿಕೇಟ್ ಪಡೆದಿದ್ದು, ವಿಳಂಬಕ್ಕೆ ಕಾರಣ ಎಂದು ಸ್ಪಷ್ಟನೆ ನೀಡಿದ್ದರು. ಇನ್ನೊಂದು ದಾಖಲೆ ಪ್ರಕಾರ, ಈ ಅಧಿಕಾರಿಯು ದಾಖಲೆ ಪುಸ್ತಕದಲ್ಲಿ ಫೋರ್ಜರಿಯಾಗಿ ಪದವಿ ಮಾಹಿತಿ ದಾಖಲಿಸಿರುವುದು, ಹಿರಿಯ ಅಧಿಕಾರಿಯ ವರದಿ ಮತ್ತು ಪದೋನ್ನತಿ ಪ್ರಸ್ತಾವನೆ ಹಿನ್ನೆಲೆಯಲ್ಲಿ ಸರ್ಕಾರಕ್ಕೆ ನೀಡಿರುವ ಸ್ಪಷ್ಟನೆ ಆಧರಿಸಿ ತಪ್ಪಿತಸ್ಥ ಎಂದು ಸೂಪರಿಂಟೆಂಡಿಂಗ್ ಇಂಜಿನಿಯರ್ ಮುಖ್ಯಅಭಿಯಂತರರಿಗೆ ಬರೆದಿರುವ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. ಜತೆಗೆ ಛತ್ತೀಸ್ಗಡದ ತಾಂತ್ರಿಕ ಶಿಕ್ಷಣ ಇಲಾಖೆ ನಿರ್ದೇಶಕರಿಗೆ ಪತ್ರ ಬರೆದು ಪ್ರಮಾಣ ಪತ್ರದ ನೈಜತೆ ವರದಿ ನೀಡುವಂತೆಯೂ ಕೋರಲಾಗಿದೆ. ಅಲ್ಲಿಂದ ವರದಿ ಪಡೆಯುವ ನಿರೀಕ್ಷೆಯಲ್ಲಿ ಸರ್ಕಾರ ಇದೆ. ಇದೇ ರೀತಿ ಪ್ರಕರಣಗಳು ಇನ್ನಷ್ಟು ಇರಬಹು ದೆಂಬ ಸಂಶಯ ಅಧಿಕಾರಿಗಳಿಗಿದೆ. ಪ್ರತಿಯೊಂದು ಬಡ್ತಿ ಪ್ರಕರಣದಲ್ಲೂ ದಾಖಲೆ ಪುನರ್ ಪರಿಶೀಲನೆ ಅಗತ್ಯವಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ವಿಜವಾಣಿಗೆ ಪ್ರತಿಕ್ರಿಯಿಸಿದರು.
