ಮೈಸೂರು: ಹಾರುವ ಹಾವಿನ ಬಗ್ಗೆ ವೈಲ್ಡ್ಲೈಫ್ ಕುರಿತ ಚಾನೆಲ್ಗಳಲ್ಲಿ, ಎಲ್ಲೋ ಅವು ಹಾರುತ್ತಿರುವ ಕುರಿತು ಪತ್ರಿಕೆ, ಟಿವಿಗಳಲ್ಲಿ ಬಹಳಷ್ಟು ಮಂದಿ ಕೇಳಿರುತ್ತಾರೆ. ಆದರೆ ಮೈಸೂರಿನ ಜನರಿಗೆ ಅದನ್ನು ಕಣ್ಣಾರೆ ನೋಡುವ ಅವಕಾಶ ಸಿಕ್ಕಿದೆ.
ಹಾರುವ ಹಾವನ್ನು ಕಂಡು ಕೆಲವರು ಬೆರಗಾಗಿದ್ದು ಒಂದೆಡೆಯಾದರೆ ಮತ್ತೆ ಕೆಲವರು ಭಯಭೀತರಾಗಿದ್ದರು. ಮೈಸೂರಿನ ಆರ್ಬಿಐ ವಸತಿ ಗೃಹದಲ್ಲಿ ಒಂದು ವಾರದ ಹಿಂದೆ ಕಾಣಿಸಿಕೊಂಡಿದ್ದ ಹಾರುವ ಹಾವು ಇಲ್ಲಿನ ಜನರಲ್ಲಿ ಆತಂಕ ಮೂಡಿಸಿತ್ತು.
ಪಶ್ಚಿಮಘಟ್ಟ ಪ್ರದೇಶದಲ್ಲಿ ಸಾಮಾನ್ಯವಾಗಿ ಕಂಡುಬರುವ ಈ ಹಾವು ಮರದಿಂದ ಮರಕ್ಕೆ ಹಾರುತ್ತದೆ. ಹಸಿರು ಮಿಶ್ರಿತ ಕೆಂಪು ಬಣ್ಣದ ಈ ಹಾವು ಸಾಮಾನ್ಯವಾಗಿ ಮೂರು ಅಡಿ ಉದ್ದ ಇರುತ್ತದೆ. ಉರಗ ಸಂರಕ್ಷಕ ಕೆಂಪರಾಜು ಅವರು ಮಂಗಳವಾರ ಈ ಹಾವನ್ನು ಹಿಡಿದಿದ್ದಾರೆ. ಹೀಗೆ ಸಂರಕ್ಷಿಸಲಾಗಿರುವ ಈ ಹಾರುವ ಹಾವನ್ನು ಮೈಸೂರು ವಸ್ತು ಸಂಗ್ರಹಾಲಯಕ್ಕೆ ನೀಡುವುದಾಗಿ ಅವರು ಹೇಳಿದ್ದಾರೆ.