ಮುಂಬೈ: ತಮ್ಮ ವೃತ್ತಿ ಜೀವನದಲ್ಲೇ ಅತ್ಯಂತ ಕಳಪೆ ಪ್ರದರ್ಶನ ಕಂಡಿರುವ ಧಾಕಡ್ ಚಿತ್ರದ ಬಗ್ಗೆ ಮೊದಲ ಬಾರಿಗೆ ನಟಿ ಕಂಗನಾ ರನೌತ್ ಪ್ರತಿಕ್ರಿಯೆ ನೀಡಿದ್ದಾರೆ.
ಈವರೆಗೂ ನಟಿಸಿದ ಯಾವೊಂದು ಚಿತ್ರವೂ ಇಷ್ಟು ಕಳಪೆ ಪ್ರದರ್ಶನ ಕಂಡಿರಲಿಲ್ಲ. ಬಾಕ್ಸಾಫಿಸ್ನಲ್ಲಿ ಹೇಳ ಹೆಸರಿಲ್ಲದಂತಾಗಿರುವ ಧಾಕಡ್ ಬಗ್ಗೆ ಕಂಗನಾ ಈ ರೀತಿ ಹೇಳಿಕೊಂಡಿದ್ದಾರೆ.
ಬಿಡುಗಡೆಯಾದಾಗಿನಿಂದ ಈವರೆಗೆ ಈ ಚಿತ್ರ ಕೇವಲ 4 ಕೋಟಿ ರೂ.ಮಾತ್ರ ಗಳಿಸಿದೆ. ಆದರೆ ಚಿತ್ರಕ್ಕೆ ವ್ಯಯಿಸಿರುವ ಹಣ ಬರೋಬ್ಬರಿ 95 ಕೋಟಿ ರೂ. ಆಗಿದೆ. ಇನ್ನು ಇಡೀ ದೇಶಾದ್ಯಂತ ಕೇವಲ 20 ಟಿಕೆಟ್ ಮಾತ್ರ ಖರೀದಿಯಾಗುವ ಮೂಲಕ ಇತ್ತೀಚೆಗೆ ಧಾಕಡ್ ಸಿನಿಮಾ ಸುದ್ದಿಯಲ್ಲಿತ್ತು.
ಆದರೆ ಈ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳದ ಕಂಗನಾ ಈ ವರ್ಷ ಇನ್ನೂ ಮುಗಿದಿಲ್ಲ, ನಾನಿನ್ನು ಭರವಸೆ ಹೊಂದಿದ್ದೇನೆ ಎಂದು ಹೇಳುವ ಮೂಲಕ ಅವರ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ.
2019ರಲ್ಲಿ ಬಿಡುಗಡೆಯಾದ ಮಣಿಕರ್ಣಿಕಾ, ನಂತರ ತಮಿಳುನಾಡು ಮುಖ್ಯಮಂತ್ರಿಯಾಗಿದ್ದ ಜಯಲಲಿತಾ ಅವರ ಜೀವನಾಧಾರಿತ ತಲೈವಿ ಚಿತ್ರ ಭಾರೀ ಗಳಿಕೆಯನ್ನು ಕಂಡಿತ್ತು. ಈ ಮೂಲಕ ಬಾಕ್ಸಾಫೀಸ್ ಕ್ವೀನ್ ಎಂದೇ ಖ್ಯಾತಿಯಾಗಿದ್ದ ಕಂಗನಾ ಸಿನಿಮಾ ಈಗ ಹೀನಾಯ ಸೋಲು ಕಂಡಿದೆ. (ಏಜೆನ್ಸೀಸ್)
ಕೇರಳಕ್ಕೆ ಲಗ್ಗೆ ಇಟ್ಟಿದೆ ಮತ್ತೊಂದು ಸಾಂಕ್ರಾಮಿಕ ರೋಗ: ಈ ಹೊಸ ವೈರಸ್ ಇಬ್ಬರು ವಿದ್ಯಾರ್ಥಿಗಳಲ್ಲಿ ದೃಢ
ಲಡಾಖ್ನಲ್ಲೂ ಟ್ರಾಫಿಕ್ ರೂಲ್ಸ್ ಪಾಲಿಸದಿದ್ದರೆ ಬೀಳುತ್ತೆ ದಂಡ : ಈವರೆಗೆ 1.50 ಕೋಟಿ ರೂ. ಸಂಗ್ರಹ