ಮುಂಬೈ: ಕರೊನಾ ವೈರಸ್ ಭೀತಿ ಜಗತ್ತಿನಲ್ಲಿ ಹೆಚ್ಚಾಗಿದೆ. ಕೈಗಳನ್ನು ಆಗಾಗ ತೊಳೆಯುತ್ತಿರುವುದು ಮತ್ತು ರೋಗ ಲಕ್ಷಣಗಳಿರುವವರಿಂದ ಅಂತರ ಕಾಯ್ದುಕೊಳ್ಳುವುದು ಮಾತ್ರವೇ ವೈರಸ್ ತಡೆಗಿರುವ ದಾರಿ. ಕೈಗಳನ್ನು ತೊಳೆದುಕೊಳ್ಳುವುದಕ್ಕೂ ಒಂದು ವಿಧವಿದ್ದು ಅದನ್ನು ಜನರಿಗೆ ತಲುಪಿಸುವ ಸಲುವಾಗಿ ರಾಜಕಾರಣಿಗಳು, ಬಾಲಿವುಡ್ ಸ್ಯಾಂಡಲ್ವುಡ್ ಸೇರಿದಂತೆ ಅನೇಕ ಫಿಲಂ ಸ್ಟಾರ್ಗಳು ಸೇಫ್ ಹ್ಯಾಂಡ್ ಸವಾಲನ್ನು ನಡೆಸುತ್ತಿದ್ದಾರೆ. ಈ ಚಾಲೆಂಜ್ನಲ್ಲಿ ಬಾಲಿವುಡ್ನ ನಿರ್ದೇಶಕಿ ಮತ್ತು ನಿರ್ಮಾಪಕಿಯೊಬ್ಬರು ಕೈ ತುಂಬ ಆಭರಣಗಳನ್ನು ಹಾಕಿಕೊಂಡು ಕೈ ತೊಳೆದಿದ್ದು, ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ಬಾಲಿವುಡ್ನ ಪ್ರಸಿದ್ಧ ನಿರ್ದೇಶಕಿ ಮತ್ತು ನಿರ್ಮಾಪಕಿ ಏಕ್ತಾ ಕಪೂರ್ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ನೀಡಿದಂತಹ ಸೇಫ್ ಹ್ಯಾಂಡ್ ಸವಾಲನ್ನು ಸ್ವೀಕರಿಸಿದ್ದರು. ಸವಾಲಿನ ಪ್ರಕಾರ ಆಕೆ 20 ಸೆಂಕೆಡ್ಗಳ ಕಾಲ ಯಾವ ರೀತಿಯಲ್ಲಿ ಹ್ಯಾಂಡ್ ವಾಶ್ ಮಾಡಬೇಕು ಎನ್ನುವುದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಬೇಕಿತ್ತು. ಆದರೆ ಕೈ ತುಂಬ ಬ್ರಾಸ್ಲೇಟ್ ಮತ್ತು ಉಂಗುರಗಳನ್ನು ಹಾಕಿಕೊಂಡಿರುವ ಏಕ್ತಾ ಕಪೂರ್ ಕೈ ತೊಳೆಯುವುದಕ್ಕೆ ಒಂದು ನಿಮಿಷಕ್ಕೂ ಹೆಚ್ಚು ಕಾಲ ತೆಗೆದುಕೊಂಡಿದ್ದಾರೆ. ಯಾವುದೇ ಆಭರಣವನ್ನು ತೆಗೆಯದೇ ಕೈ ತೊಳೆದಿರುವ ಆಕೆ ನನ್ನ ಕೈನಲ್ಲಿ ಆಭರಣಗಳಿರುವ ಕಾರಣ ನನಗೆ ಒಂದು ನಿಮಿಷಕ್ಕೂ ಹೆಚ್ಚು ಸಮಯ ಬೇಕು. ಸ್ಯಾನಿಟೈಸರ್ ಕೂಡ ಎರಡೆರೆಡು ಬಾರಿ ಹಾಕಬೇಕು ಎಂದು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ಏಕ್ತಾ ಕಪೂರ್ ಅವರ ಈ ನಡವಳಿಕೆಗೆ ನೆಟ್ಟಿಗರು ಗರಂ ಆಗಿದ್ದಾರೆ. ಕೈ ತೊಳೆಯುವಾಗ ಆಭರಣಗಳನ್ನು ತೆಗೆದಿಡಬೇಕು ಎನ್ನುವ ಕನಿಷ್ಠ ಜ್ಞಾನವೂ ಇಲ್ಲವೇ? ನಿಮ್ಮ ಆಭರಣದಲ್ಲೇ ಸಾಕಷ್ಟು ಮೈಕ್ರೋ ಆರ್ಗಾನಿಸಮ್ಸ್ ಇರುತ್ತವೆ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ. ಒಂದತ್ತ ನೆಟ್ಟಿಗರು ಏಕ್ತಾ ಕಪೂರ್ಗೆ ಬೈಯುತ್ತಿದ್ದರೆ ಇನ್ನೊಂದತ್ತ ಬಾಲಿವುಡ್ನ ಸ್ಟಾರ್ಗಳು ಮತ್ತು ಕೆಲ ರಾಜಕಾರಣಿಗಳು ಆಕೆ ಹ್ಯಾಂಡ್ ವಾಶ್ ಚಾಲೆಂಜ್ ಸ್ವೀಕರಿಸಿದ್ದಕ್ಕೆ ಹೊಗಳುತ್ತಿದ್ದಾರೆ. (ಏಜೆನ್ಸೀಸ್)
ನಮಗೆಲ್ಲ ಕರೊನಾ ಬರಲ್ಲ ಎಂದು ಮದುವೆಗೆ ಹೋಗಿ ಬಂದಿದ್ದವಳಿಗೆ ಬಂತು ಕರೊನಾ