ನವದೆಹಲಿ: ಹೆದ್ದಾರಿಯಲ್ಲಿ ನಿಂತ ಕಾರನ್ನು ಒರೆಸುವ ನೆಪದಲ್ಲಿ ಬರುವ ಬಾಲಕರು ಕಾರಿನ ಗಾಜಿನ ಮೇಲಿರುವ ಫಾಸ್ಟ್ಯಾಗ್ ಸ್ಟಿಕ್ಕರ್ ಮೇಲೆ ಕೈಯಾಡಿಸುತ್ತ ಅದರಲ್ಲಿನ ಪ್ರಿಪೇಯ್ಡ್ ವ್ಯಾಲೆಟ್ ಹಣ ಕಬಳಿಸುತ್ತಿದ್ದಾರೆ ಎಂದು ಹೇಳಲಾದ ವಿಡಿಯೋ ಇತ್ತೀಚೆಗೆ ವೈರಲ್ ಆಗಿತ್ತು. ಆದರೆ ಇದೀಗ ಅದರ ಕುರಿತ ಅಸಲಿಯತ್ತು ಹೊರಬಿದ್ದಿದೆ.
ಬಾಲಕನೊಬ್ಬ ಕಾರಿನ ಗಾಜನ್ನು ಒರೆಸುತ್ತ ಅದರ ಮೇಲಿನ ಫಾಸ್ಟ್ಯಾಗ್ ಸ್ಟಿಕ್ಕರ್ ಮೇಲೆ ಕೈಯಾಡಿಸಿದ್ದನ್ನು ನೋಡಿ ಅನುಮಾನಗೊಂಡ ಕಾರುಸವಾರನೊಬ್ಬ ಆತನನ್ನು ಪ್ರಶ್ನಿಸಿದ್ದ. ಆಗ ಓಡಲಾರಂಭಿಸಿದ್ದ ಬಾಲಕನನ್ನು ಆತ ಅಟ್ಟಿಸಿಕೊಂಡು ಹೋಗಿದ್ದರೂ ಸಿಕ್ಕಿರಲಿಲ್ಲ. ಆ ಬಾಲಕ ಫಾಸ್ಟ್ಯಾಗ್ ಹಣ ಕಬಳಿಸಲು ಮುಂದಾಗಿದ್ದ, ಅಂಥ ದೊಡ್ಡ ವಂಚನಾ ಜಾಲವೇ ಇದೆ ಎಂದು ಹೇಳಿಕೊಂಡಿದ್ದ ವಿಡಿಯೋ ವೈರಲ್ ಆಗಿತ್ತು.
ಈ ಹಿನ್ನೆಲೆಯಲ್ಲಿ ಫ್ಯಾಕ್ಟ್ಚೆಕ್ ಮಾಡಿದ್ದ ಪ್ರೆಸ್ ಇನ್ಫಾರ್ಮೇಷನ್ ಬ್ಯೂರೋ (ಪಿಐಬಿ) ಅಸಲಿಯತ್ತು ಹೊರಹಾಕಿದೆ. ಈ ಕುರಿತು ಪರಿಶೀಲನೆ ನಡೆಸಿದ್ದು, ಅದು ಫೇಕ್ ವಿಡಿಯೋ ಎಂದು ಪಿಐಬಿ ಹೇಳಿದೆ. ಅಂಥ ಟ್ರಾನ್ಸ್ಯಾಕ್ಷನ್ ಸಾಧ್ಯವಿಲ್ಲ, ಅದು ಓಪನ್ ಇಂಟರೆನ್ನಲ್ಲಂತೂ ಅಸಾಧ್ಯ. ಪ್ರತಿ ಟೋಲ್ ಪ್ಲಾಜಾ ಕೂಡ ನಿಗದಿತ ಬ್ಯಾಂಕ್ ಮತ್ತು ಜಿಯೋ ಕೋಡ್ ಹೊಂದಿರುವ ಯುನಿಕ್ ಕೋಡ್ ಒಳಗೊಂಡಿರುತ್ತದೆ. ಇದು ನ್ಯಾಷನಲ್ ಇಲೆಕ್ಟ್ರಿಕ್ ಟೋಲ್ ಕಲೆಕ್ಷನ್ ಸಿಸ್ಟಮ್ ಮೂಲಕ ಮ್ಯಾಪಿಂಗ್ ಆಗುತ್ತಿರುತ್ತದೆ. ಟೋಲ್ ಫಾಸ್ಟ್ಯಾಗ್ ಪ್ರಿಪೇಯ್ಡ್ ವ್ಯಾಲೆಟ್ ಪಾವತಿ ಸುರಕ್ಷಿತ, ಈಗ ಹರಿದಾಡುತ್ತಿರುವ ವಿಡಿಯೋ ಫೇಕ್ ಎಂದು ಪಿಐಬಿ ಹೇಳಿದೆ.
A #viral Video claims that devices like watches are being used to swipe the #Fastag on vehicles, leading to fraudulent deduction of money from prepaid wallets.#PIBFactCheck:
▶️ This Video is #FAKE
▶️ Such transactions are not possible
▶️ Each Toll Plaza has a unique code pic.twitter.com/n7p01AXF4A
— PIB Fact Check (@PIBFactCheck) June 25, 2022
ಟೆಸ್ಟ್ ಡ್ರೈವ್ ವೇಳೆ ಮೂರನೇ ಮಹಡಿಯಿಂದ ಬಿದ್ದ ಕಾರು; ಇಬ್ಬರು ಸ್ಥಳದಲ್ಲೇ ಸಾವು..