ನವದೆಹಲಿ: ದೆಹಲಿಯ ಕಂಟೋನ್ಮೆಂಟ್ ಬಳಿಯ ಧೌಲಾ ಕುವಾನ್ ರಸ್ತೆಯಲ್ಲಿ ಸಿಂಹಗಳ ಹಿಂಡು ಚಲಿಸುತ್ತಿರುವ ವಿಡಿಯೋ ತುಣುಕು ಸಾಮಾಜಿಕ ಜಾಲ ತಾಣದಲ್ಲಿ ಭಾರಿ ಸಂಚಲನ ಮೂಡಿಸಿದೆ.
ಈ ವಿಡಿಯೋ ತುಣುಕನ್ನು ವೀಕ್ಷಿಸಿದವರು ಮರುಹಂಚಿಕೆ ಮಾಡಿಕೊಂಡಿದ್ದಾರೆ. ಕೆಲವರು ದೆಹಲಿಯಲ್ಲಿ ಸಿಂಹಗಳು ಎಂದು ರೋಮಾಂಚನಗೊಂಡಿದ್ದಾರೆ. ಇನ್ನು ಕೆಲವರು ಈ ವಿಡಿಯೋ ತುಣುಕು ನಿಜ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಆದರೆ ಈ ವಿಡಿಯೋ ದೆಹಲಿಯದ್ದಲ್ಲ. ಗುಜರಾತ್ನ ಗಿರ್ ಅರಣ್ಯ ಅಂಚಿನ ಪ್ರದೇಶದ್ದು ಎಂದು ಪತ್ತೆಯಾಗಿದೆ. ಹೀಗಾಗಿ ಸಾಮಾಜಿಕ ಜಾಲ ತಾಣದಲ್ಲಿ ಹರಿದಾಡುತ್ತಿರುವ ಈ ವಿಡಿಯೋ ದೆಹಲಿಯದ್ದಲ್ಲ ಎಂಬುದು ಗೊತ್ತಾಗಿದೆ.
ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ಈ ವಿಡಿಯೋ ದೆಹಲಿಗೆ ಸಂಬಂಧಿಸಿದ್ದಲ್ಲ ಎಂದು ಪತ್ತೆ ಮಾಡಿದೆ. ಗುಜರಾಜತ್ನ ಗಿರ್ ಅರಣ್ಯದ ಅಂಚಿನಲ್ಲಿರುವ ರಾಜುಲಾ ಗ್ರಾಮದ್ದು ಎಂಬುದನ್ನು ಕಂಡು ಹಿಡಿದಿದೆ.
ಇದನ್ನೂ ಓದಿ ನಿಸಾರ್ ಅಹಮದ್ ಅವರ ಕಾವ್ಯದಲ್ಲಿ ಸಾಂಸ್ಕೃತಿಕ ಸಂಘರ್ಷ
ಈ ವಿಡಿಯೋ ಯೂಟ್ಯೂಬ್ನಲ್ಲಿ 2016 ಮೇ 11ರಂದು ಅಪ್ಲೋಡ್ ಆಗಿದೆ. ಗಿರ್ ಅರಣ್ಯ ಸಮೀಪ ಇರುವ ಪಿಪಾವನ್ ಶಿಪ್ಯಾರ್ಡ್ ರಸ್ತೆಯಲ್ಲಿ ಸಿಂಹಗಳು ಚಲಿಸುತ್ತಿರುವುದು ಎಂದು ಪತ್ತೆಯಾಗಿದೆ.
ಜುನಾಘಡ ಅರಣ್ಯ ಮುಖ್ಯ ಸಂರಕ್ಷಣಾಧಿಕಾರಿ (ವನ್ಯಜೀವಿ) ದುಶ್ಯಂತ್ ವಾಸವಾಡ ಕೂಡ ವಿಡಿಯೋ ದೆಹಲಿಯದ್ದಲ್ಲ ಗಿರ್ ಸಮೀಪದ ರಾಜುಲಾ ಗ್ರಾಮದ್ದು ಎಂದು ಹೇಳಿದ್ದಾರೆ.
ಗುಜರಾತ್ನ ಗಿರ್ನಿಂದ ದೆಹಲಿಗೆ ಸಿಂಹಗಳು ರಸ್ತೆಯಲ್ಲಿ ಚಲಿಸುವುದು ಅಸಾಧ್ಯ ಎಂದು ದೆಹಲಿ ಅರಣ್ಯ ಇಲಾಖೆಯ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಈಶ್ವರರಸಿಂಗ್ ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
Delhi canttDhaula kuan😳lockdown ka asar
Akash Arora ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಗುರುವಾರ, ಮೇ 7, 2020
ಸಿಬ್ಬಂದಿ ಸುರಕ್ಷತೆಗೆ ಎಚ್ಎಎಲ್ ಆದ್ಯತೆ: ಕೋವಿಡ್-19 ಕುರಿತ ಮಾರ್ಗಸೂಚಿಗಳ ಪಾಲನೆ