ನವದೆಹಲಿ: ಆಸ್ಪತ್ರೆಯ ಬೆಡ್ ಮೇಲೆ ಮಲಗಿರುವ ಮಹಿಳೆಯೊಬ್ಬರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕರೊನಾ ವೈರಸ್ ಪ್ರತ್ಯೇಕ ವಾರ್ಡ್ನಲ್ಲಿದ್ದ ಆಕೆಯ ಮೇಲೆ ವೈದ್ಯರೊಬ್ಬರು ಅತ್ಯಾಚಾರ ಎಸಗಿದ್ದು, ಡಿಸ್ಚಾರ್ಜ್ ಆದ ಬೆನ್ನಲ್ಲೇ ಸಾವಿಗೀಡಾಗಿದ್ದಾಳೆ ಎಂಬ ಸುಳ್ಳು ಸುದ್ದಿಯೊಂದು ಹರಿದಾಡುತ್ತಿರುವುದು ಫ್ಯಾಕ್ಟ್ಚೆಕ್ನಿಂದ ಬಹಿರಂಗವಾಗಿದೆ.
ಇಂಫಿನೊಮಿನಾಲ್ ಪ್ರಿನ್ಸ್ (imphenomenal_prince) ಹೆಸರಿನ ಇನ್ಸ್ಸ್ಟಾಗ್ರಾಂ ಖಾತೆಯಲ್ಲಿ ಫೋಟೋ ಸಮೇತ ಮಹಿಳೆಯ ಘಟನೆಯನ್ನು ವಿವರಿಸಲಾಗಿದೆ. ಫೋಟೋವನ್ನು 16 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಣೆಯನ್ನು ಮಾಡಿದ್ದಾರೆ. ಇದು ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ ಗಮನಕ್ಕೆ ಬಂದು ಸತ್ಯಾಂಶ ತಿಳಿಯುವ ಪ್ರಯತ್ನಕ್ಕೆ ಮುಂದಾದಾಗ, ವೈರಲ್ ಫೋಟೋ 3 ವರ್ಷ ಹಳೆಯದ್ದು ಎಂದು ತಿಳಿದುಬಂದಿದೆ.
https://www.instagram.com/p/B-x6p_4h1OX/?utm_source=ig_embed
2017ರ ಜೂನ್ನಲ್ಲಿ ಉತ್ತರ ಪ್ರದೇಶದ ಕಾನ್ಪುರ ಆಸ್ಪತ್ರೆಯ ವಾರ್ಡ್ ಬಾಯ್ನಿಂದ ಯುವತಿಯೊಬ್ಬಳು ಅತ್ಯಾಚಾರಕ್ಕೆ ಒಳಗಾಗಿದ್ದಳು. ಬಳಿಕ ಆಕೆ ಅನಾರೋಗ್ಯಕ್ಕೀಡಾದಾಗ ನರ್ಸಿಂಗ್ ಹೋಮ್ಗೆ ದಾಖಲಿಸಲಾಗಿತ್ತು. ಸದ್ಯ ವೈರಲ್ ಆಗಿರುವ ಫೋಟೋ ಇದಕ್ಕೆ ಸಂಬಂಧಿಸಿದ್ದು ಎಂದು ತಿಳಿದುಬಂದಿದೆ.
ಘಟನೆ ಹಿನ್ನೆಲೆ ಏನು?
ಒದ್ದೆಯಾಗಿದ್ದ ಬಟ್ಟೆಗಳನ್ನು ತೆಗೆಯುವಂತೆ ಯುವತಿಯನ್ನು ಶೌಚಗೃಹಕ್ಕೆ ಎಳೆದೊಯ್ದು ಅತ್ಯಾಚಾರ ಮಾಡಲು ವಾರ್ಡ್ ಬಾಯ್ ಪ್ರಯತ್ನಿಸಿದ್ದ. ಬಳಿಕ ಆಕೆಗೆ ಡ್ರಗ್ಸ್ ಸೇವನೆ ಮಾಡಿಸಿ ರೇಪ್ ಮಾಡಿದ್ದ ಎಂದು ಯುವತಿ ನೀಡಿದ್ದ ದೂರಿನಲ್ಲಿ ಉಲ್ಲೇಖವಾಗಿದೆ.
ಗಯಾದಲ್ಲಿ ಲೈಂಗಿಕ ಕಿರುಕುಳ
ಬಿಹಾರದ ಗಯಾದಲ್ಲಿ ಮತ್ತೊಂದು ಪ್ರಕರಣ ಇತ್ತೀಚೆಗೆ ವರದಿಯಾಗಿದ್ದು, ಕರೊನಾ ಪ್ರತ್ಯೇಕ ವಾರ್ಡ್ಗೆ ದಾಖಲಾಗಿದ್ದ ವಲಸಿಗ ಮಹಿಳೆಯ ಮೇಲೆ ಆರೋಗ್ಯ ಸಿಬ್ಬಂದಿಯೊಬ್ಬರು ಲೈಂಗಿಕ ಕಿರುಕುಳ ನೀಡಿದ್ದರು ಎಂದು ತಿಳಿದುಬಂದಿದೆ.
ಮಾಧ್ಯಮ ವರದಿಯ ಪ್ರಕಾರ 25 ವರ್ಷದ ಸಂತ್ರಸ್ತೆ ಮಹಿಳೆ ಗರ್ಭಪಾತದ ನಂತರ ತನ್ನ ಪತಿಯೊಂದಿಗೆ ಪಂಜಾಬ್ನ ಲೂಧಿಯಾನದಿಂದ ಗಯಾಗೆ ಬಂದಿದ್ದಳು. ತುಂಬಾ ರಕ್ತಸ್ರಾವ ಆಗುತ್ತಿದ್ದರಿಂದ ಮಹಿಳೆ ಅನುರಾಗ್ ನಾರಾಯಣ ಮಗಧ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆಗೆ ಮಾರ್ಚ್ 27ರಂದು ದಾಖಲಾಗಿದ್ದರು. ಮಹಿಳೆಗೆ ಎಮರ್ಜೆನ್ಸಿ ವಾರ್ಡ್ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ತದನಂತರ ಆಕೆಗೆ ಕರೊನಾ ಸೋಂಕು ತಗುಲಿರಬಹುದೆಂಬ ಶಂಕೆಯು ವ್ಯಕ್ತವಾಗಿತ್ತು. ಹೀಗಾಗಿ ಆಕೆಯನ್ನು ಪ್ರತ್ಯೇಕ ವಾರ್ಡ್ಗೆ ಸ್ಥಳಾಂತರಿಸಲಾಗಿತ್ತು. ಈ ವೇಳೆ ಆಕೆಗೆ ಲೈಂಗಿಕ ಕಿರುಕುಳ ನೀಡಲಾಗಿದೆ ಎಂಬ ಆರೋಪ ಕೇಳಿಬಂದಿದೆ. ಬಳಿಕ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದರೂ ಏಪ್ರಿಲ್ 6ರಂದು ಅಧಿಕ ರಕ್ತಸ್ರಾವದಿಂದ ಮಹಿಳೆ ಸಾವಿಗೀಡಾದಳು.
ಸದ್ಯ ವೈರಲ್ ಆಗಿರುವ ಫೋಟೋ 3 ವರ್ಷ ಹಳೆಯದಾಗಿದ್ದು, ಕರೊನಾ ವೈರಸ್ಗೆ ಸಂಬಂಧಿಸಿದ್ದಲ್ಲ. ಆದಾಗ್ಯೂ ಅದೇ ರೀತಿಯ ಘಟನೆ ಗಯಾದಲ್ಲಿ ನಡೆದಿರುವುದಾಗಿ ವರದಿಯಾಗಿದೆ. (ಏಜೆನ್ಸೀಸ್)
ಕರೊನಾ ಹುಟ್ಟಿನಲ್ಲಿ ಚೀನಾ ಜತೆ ಅಮೆರಿಕ ಪಾಲಿದೆಯಾ?: ವೈರಸ್ ಸ್ಪೋಟದ ಬಗ್ಗೆ ಆಘಾತಕಾರಿ ವರದಿ ಬಹಿರಂಗ