ಹೈದರಾಬಾದ್: ಗ್ರೇಟರ್ ಹೈದರಾಬಾದ್ ಮುನ್ಸಿಪಲ್ ಕಾರ್ಪೊರೇಷನ್ (ಜಿಎಚ್ಎಂಸಿ) ಚುನಾವಣೆ ಡಿಸೆಂಬರ್ 1ರಂದು ನಡೆದಿದ್ದು, ಇಂದು ಮತಎಣಿಕೆ ನಡೆಯುತ್ತಿದೆ. ತೆಲಂಗಾಣ ರಾಜ್ಯ ಚುನಾವಣಾ ಆಯೋಗವು ಹೈದರಾಬಾದ್ನ ಸುಮಾರು 30 ಕೇಂದ್ರಗಳಲ್ಲಿ ಮತಎಣಿಕೆ ನಡೆಸುತ್ತಿದೆ.
ಇದರ ನಡುವೆ ವಿ6 ಚಾನಲ್ಗೆ ಸಂಬಂಧಿಸಿದ್ದು ಎನ್ನಲಾದ ವಿಡಿಯೋವೊಂದು ವೈರಲ್ ಆಗಿದ್ದು, ತೆಲಂಗಾಣ ಚುನಾವಣಾ ಆಯೋಗವು ಕೇವಲ 17 ವರ್ಷದ ವಿದ್ಯಾರ್ಥಿಚುನಾವಣಾ ಅಧಿಕಾರಿಯನ್ನಾಗಿ ನೇಮಕ ಮಾಡಿದೆ ಎಂಬ ವಿಚಾರ ವಿಡಿಯೋದಲ್ಲಿದೆ. ಆದರೆ, ವಿಡಿಯೋ ಕುರಿತಾದ ಅಸಲಿಯತ್ತು ಹುಡುಕಿ ಹೊರಟಾಗ ಇದೊಂದು ಸುಳ್ಳು ಎಂಬುದು ಬಯಲಾಗಿದೆ.
ಇದನ್ನೂ ಓದಿ: VIDEO| ಕಾರು ಗುದ್ದಿದ ರಭಸಕ್ಕೆ ರಾಯಲ್ ಎನ್ಫೀಲ್ಡ್ ಎರಡು ಪೀಸ್: ಸ್ವಾಧೀನ ಕಳೆದುಕೊಂಡ ಸವಾರನ ಅರ್ಧ ದೇಹ!
ಫ್ಯಾಕ್ಟ್ಚೆಕ್ನಲ್ಲಿ ತಿಳಿದುಬಂದ ಸತ್ಯಾಂಶವೇನು?
ಚುನಾವಣಾ ಆಯೋಗ ಹೊರಡಿಸಿರುವ ಪತ್ರಿಕಾ ಪ್ರಕಟಣೆಯ ಪ್ರಕಾರ ವಿಡಿಯೋದಲ್ಲಿರುವ ವಿದ್ಯಾರ್ಥಿಯನ್ನು ವೆಬ್ಕಾಸ್ಟಿಂಗ್ ನಡೆಸಲು ನೇಮಕ ಮಾಡಲಾಗಿದೆ. ಕಂಪ್ಯೂಟರ್ ಜ್ಞಾನ ಹೊಂದಿರುವ ವಿದ್ಯಾರ್ಥಿಗಳನ್ನು ಮಾತ್ರ ವೆಬ್ಕಾಸ್ಟಿಂಗ್ ನಡೆಸಲು ನೇಮಕ ಮಾಡಿಕೊಳ್ಳಲಾಗುತ್ತದೆ.
ಹುಡುಗನು ಇತರೆ ಚುನಾವಣಾ ಅಧಿಕಾರಿಗಳೊಂದಿಗೆ ಊಟಕ್ಕೆ ಮಾತ್ರ ಕುಳಿತುಕೊಂಡಿದ್ದ ಹೊರತು, ಆತನನ್ನು ಯಾವುದೇ ಚುನಾವಣಾ ಕರ್ತವ್ಯಕ್ಕೆ ನೇಮಕ ಮಾಡಲಾಗಿಲ್ಲ ಎಂದು ನ್ಯೂಸ್ಮೀಟರ್ ವೆಬ್ಸೈಟ್ ನಡೆಸಿದ ಫ್ಯಾಕ್ಟ್ಚೆಕ್ ಬಹಿರಂಗಪಡಿಸಿದೆ. (ಏಜೆನ್ಸೀಸ್)
ಮದುವೆ ಮಂಟಪದಿಂದ ಎದ್ದು ಹೋದ ವಧು! ವಾಪಾಸು ಬರುವಷ್ಟರಲ್ಲಿ ಪೂರ್ತಿ ಕುಟುಂಬವೇ ಹೆಮ್ಮೆ ಪಡುತ್ತಿತ್ತು!