ಜಕಾರ್ತ: ತಮ್ಮ ಪ್ರಾಬಲ್ಯವನ್ನು ಮೆರೆಯಲು ಅಖಾಡಕ್ಕಿಳಿದ ನಾಲ್ಕು ಕೊಮೊಡೊ ಡ್ರ್ಯಾಗನ್ಗಳು ಕಾದಾಡುವ ಅಪರೂಪದ ವಿಡಿಯೋವೊಂದು ರೋಚಕವಾಗಿದೆ. ಇದನ್ನು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.
ಇಂಡೋನೇಷ್ಯಾದ ಕೊಮೊಡೋ ದ್ವೀಪದಲ್ಲಿರುವ ಕೊಮೊಡೊ ರಾಷ್ಟ್ರೀಯ ಉದ್ಯಾನವನದಲ್ಲಿ ರೇಂಜರ್ ಕೊನ್ಸ್ಟ್ಯಾಂಟಿನಸ್ ಮುಗಾ ಎಂಬುವರು ಗಸ್ತು ತಿರುಗುವಾಗ ಡ್ರ್ಯಾಗನ್ಗಳ ಕಾದಾಟದ ದೃಶ್ಯವನ್ನು ಸೆರೆಹಿಡಿದಿದ್ದಾರೆ.
ವಿಡಿಯೋದಲ್ಲಿರುವಂತೆ ಪ್ರಾರಂಭದಲ್ಲಿ ಎರಡು ಡ್ರ್ಯಾಗನ್ಗಳು ಒಂದಕ್ಕೊಂದು ಮೇಲೆದ್ದು ಕಾದಾಟ ನಡೆಸಿರುತ್ತದೆ. ಅಲ್ಲಿಗೆ ಮತ್ತೆರೆಡು ಡ್ರ್ಯಾಗನ್ ಬಂದು ಸೇರುತ್ತವೆ. ಬಳಿಕ ನಾಲ್ಕು ಡ್ರ್ಯಾಗನ್ಗಳು ಕಾದಾಟಕ್ಕೆ ಇಳಿಯುತ್ತವೆ. ಅದರಲ್ಲಿ ಒಂದು ಬೃಹತ್ ಡ್ರ್ಯಾಗನ್ ಸುಮಾರು 8 ಅಡಿ ಎತ್ತರ ನಿಂತು ತನ್ನ ಎದುರಾಳಿಯನ್ನು ಕೆಳಗೆ ಬೀಳಿಸಿ ಅದರ ಮೇಲೆ ಬೀಳುವ ಮೂಲಕ ಕಾದಾಟದಲ್ಲಿ ಜಯಿಸುತ್ತದೆ.
ಇದೊಂದು ಅತ್ಯದ್ಭುತ ಕಾದಾಟದ ದೃಶ್ಯವೆಂದು ರೇಂಜರ್ ಕೊನ್ಸ್ಟ್ಯಾಂಟಿನಸ್ ಮುಗಾ ಅವರು ಬಣ್ಣಿಸಿದ್ದಾರೆ. ಜೊತೆಯಾಗಿ ಕಾದಾಟ ನಡೆಸುವುದನ್ನು ಸಾಕಷ್ಟು ಬಾರಿ ನೋಡಿದ್ದೇನೆ. ಆದರೆ, ಗುಂಪಾಗಿ ಕಾದಾಡುವುದನ್ನು ಎಂದಿಗೂ ನೋಡಿರಲಿಲ್ಲ ಎಂದು ಹೇಳಿದ್ದಾರೆ. ಡ್ರ್ಯಾಗನ್ಗಳು ಸುಮಾರು 10 ನಿಮಿಷಗಳವರೆಗೂ ಕಾದಾಟ ನಡೆಸಿವೆ. ಆದರೆ, ಇದರಲ್ಲಿ ಯಾವುದಕ್ಕೂ ಗಾಯಗಳಾಗಿಲ್ಲ ಎಂದು ತಿಳಿಸಿದ್ದಾರೆ.
ಕೊಮೊಡೊ ಡ್ರ್ಯಾಗನ್ಗಳು ತನ್ನ ಕ್ಷೇತ್ರ ವ್ಯಾಪ್ತಿ ಅಥವಾ ಹೆಣ್ಣಿನ ವಿಚಾರವಾಗಿ ಆಗಾಗ ಕಾದಟಕ್ಕೆ ಇಳಿಯುತ್ತವೆ ಎಂದು ಕೊನ್ಸ್ಟ್ಯಾಂಟಿನಸ್ ಮುಗಾ ಹೇಳಿದ್ದಾರೆ. ಕೊಮೊಡೊ ರಾಷ್ಟ್ರೀಯ ಉದ್ಯಾನವನದಲ್ಲಿ ಸುಮಾರು 4000 ಡ್ರ್ಯಾಗನ್ಗಳಿವೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
ವಿಡಿಯೋ ಕೃಪೆ: ನ್ಯೂಯಾರ್ಕ್ ಫೋಸ್ಟ್