ಮುಂಬೈ: ಸಲ್ಮಾನ್ ಖಾನ್ ಅಭಿನಯದ ‘ಟೈಗರ್ 3’ ಚಿತ್ರದಲ್ಲಿ ಇಮ್ರಾನ್ ನಟಿಸುತ್ತಿದ್ದಾರಂತೆ, ಸಲ್ಮಾನ್ ರಾ ಏಜೆಂಟ್ ಆಗಿ ನಟಿಸಿದರೆ ಇಮ್ರಾನ್ ಐಎಸ್ಐ ಏಜೆಂಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರಂತೆ, ತಮ್ಮ ಪಾತ್ರಕ್ಕಾಗಿ ಇಮ್ರಾನ್ ದೇಹವನ್ನು ಹುರಿಗೊಳಿಸಿಕೊಳ್ಳುತ್ತಿದ್ದಾರಂತೆ, ಅವರ ಇಂಟ್ರೋ ದೃಶ್ಯಕ್ಕೆ 10 ಕೋಟಿ ರೂ.ಗಳನ್ನು ಖರ್ಚು ಮಾಡಲಾಗುತ್ತಿದೆಯಂತೆ …
ಇದನ್ನೂ ಓದಿ: ಡಿಎಸ್ಎಸ್ ರಘು ಮೇಲೆ ಮಾನನಷ್ಟ ಮೊಕದ್ದಮೆ … ಜಗ್ಗೇಶ್ ತೀರ್ಮಾನ
ಕಳೆದ ಕೆಲವು ತಿಂಗಳಿನಿಂದ ಇಮ್ರಾನ್ ಹಶ್ಮಿ ಕುರಿತಾದ ಸುದ್ದಿಗಳು ಒಂದಾ? ಎರಡಾ? ವಾರಕ್ಕೊಂದರಂತೆ ಸುದ್ದಿಗಳು ಬರುತ್ತಲೇ ಇವೆ. ಆದರೆ, ಇವೆಲ್ಲವೂ ಸುಳ್ಳು ಎಂದು ಇಮ್ರಾನ್ ಹಶ್ಮಿ ಹೇಳಿದ್ದಾರೆ. ತಾವು ಚಿತ್ರದಲ್ಲಿ ನಟಿಸುತ್ತಿಲ್ಲ ಎಂದು ಇದೀಗ ಸ್ಪಷ್ಟಪಡಿಸಿದ್ದಾರೆ.
ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ‘ಟೈಗರ್ 3’ ಕುರಿತಾಗಿ ಅವರನ್ನು ಪ್ರಶ್ನೆ ಮಾಡಿದಾಗ, ಆ ಚಿತ್ರದಲ್ಲಿ ಯಾವತ್ತಾದರೂ ನಟಿಸುತ್ತಿರುವುದಾಗಿ ಹೇಳಿಕೆ ನೀಡಿದ್ದೀನಾ ಎಂದು ಅವರು ಪ್ರಶ್ನಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಅವರು, ‘ನಾನೆಲ್ಲೂ ಆ ಚಿತ್ರದಲ್ಲಿ ನಟಿಸುತ್ತಿದ್ದೀನಿ ಎಂದು ಹೇಳಿಕೊಂಡಿಲ್ಲ. ನನ್ನನ್ನು ಕೇಳಿದವರಿಗೆಲ್ಲ, ನಾನು ಆ ಸಿನಿಮಾದಲ್ಲಿ ನಟಿಸುತ್ತಿಲ್ಲ ಎಂದೇ ಹೇಳುತ್ತಿದ್ದೇನೆ. ಅಷ್ಟಾದರೂ ಜನ ಯಾಕೆ ನಾನು ಆ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಎಂದು ಸುದ್ದಿ ಮಾಡುತ್ತಿದ್ದಾರೋ ಗೊತ್ತಿಲ್ಲ’ ಎಂದು ಹೇಳಿದ್ದಾರೆ ಹಶ್ಮಿ.
ಇದಕ್ಕೂ ಮೊದಲು ಒಮ್ಮೆ ಇಮ್ರಾನ್ ತಾನು ‘ಟೈಗರ್ 3’ ಚಿತ್ರದಲ್ಲಿ ನಟಿಸುತ್ತಿಲ್ಲ ಎಂದೇ ಹೇಳಿದ್ದರು. ಚಿತ್ರದಲ್ಲಿ ನಟಿಸುತ್ತಿದ್ದೀರಾ ಎಂದು ಮಾಧ್ಯಮದವರೊಮ್ಮೆ ಪ್ರಶ್ನಿಸಿದಾಗ, ‘ನನಗೆ ಗೊತ್ತಿಲ್ಲ. ಈ ಸುದ್ದಿ ನನಗೆ ಮಾಧ್ಯಮದವರಿಂದಲೇ ಗೊತ್ತಾಗಿತ್ತು. ನಾನು ಈ ಚಿತ್ರದಲ್ಲಿ ನಟಿಸುತ್ತಿದ್ದೀನೋ, ಇಲ್ಲವೋ ಎಂಬುದನ್ನು ಸಲ್ಮಾನ್ ಅವರನ್ನೇ ಕೇಳಿ’ ಎಂದಿದ್ದರು ಹಶ್ಮಿ.
ಇದನ್ನೂ ಓದಿ: ಪೊನಿ ವರ್ಮಾ ಜತೆ ಪ್ರಕಾಶ್ ರಾಜ್ ಮರುಮದುವೆ! ಎಲ್ಲದಕ್ಕೂ ಕಾರಣ ಮಗ ಎಂದ ಬಹುಭಾಷಾ ನಟ
‘ಟೈಗರ್ 3’ ಚಿತ್ರದಲ್ಲಿ ಸಲ್ಮಾನ್ ಮತ್ತು ಕತ್ರೀನಾ ನಟಿಸಿದ್ದು, ಮನೀಷ್ ಶರ್ಮಾ ನಿರ್ದೇಶನ ಮಾಡುತ್ತಿದ್ದಾರೆ. ಯಶ್ರಾಜ್ ಫಿಲಂಸ್ ನಿರ್ಮಾಣದ ಈ ಚಿತ್ರದ ಚಿತ್ರೀಕರಣ ಸದ್ಯ ಜಾರ್ಜಿಯಾದಲ್ಲಿ ನಡೆಯುತ್ತಿದೆ.
ಡ್ರಗ್ಸ್ ಸೇವನೆ ಖಚಿತವಾದ ಬೆನ್ನಲ್ಲೇ ನಟಿ ಸಂಜನಾ ಗಲ್ರಾನಿ ಆಸ್ಪತ್ರೆಗೆ ದಾಖಲು