ವಿದೇಶ ಪ್ರಯಾಣಕ್ಕೆ ಸೌಕರ್ಯ: ಕೋವಿನ್​ ಸರ್ಟಿಫಿಕೇಟ್​ಗೆ ಜನ್ಮದಿನಾಂಕ ಅಪ್ಡೇಟ್​ ಮಾಡಲು ಅವಕಾಶ

ನವದೆಹಲಿ: ಕರೊನಾ ಸೋಂಕಿನ ಪ್ರಮಾಣದಲ್ಲಿ ಇಳಿಕೆ ಕಂಡುಬರುತ್ತಿದ್ದು, ಇದೀಗ ಅಂತರರಾಷ್ಟ್ರೀಯ ಪ್ರಯಾಣಕ್ಕೆ ಪುನಃ ಅವಕಾಶಗಳು ತೆರೆದುಕೊಳ್ಳುತ್ತಿವೆ. ಈ ಸಂದರ್ಭದಲ್ಲಿ ಕರೊನಾ ಲಸಿಕೆಯ ಎರಡೂ ಡೋಸ್​ಗಳನ್ನು ಪಡೆದುಕೊಂಡಿದ್ದು, ವಿದೇಶ ಪ್ರಯಾಣ ಮಾಡಲಿಚ್ಛಿಸುವ ಭಾರತೀಯರು ಅಂತರರಾಷ್ಟ್ರೀಯ ಸ್ಟ್ಯಾಂಡರ್ಡ್​ನಂತೆ ತಮ್ಮ ಕೋವಿನ್​ ಮೂಲಕ ಲಸಿಕೆ ಸರ್ಟಿಫಿಕೇಟ್ ಪಡೆಯಬಹುದಾಗಿದೆ.

ಡಬ್ಲ್ಯೂಎಚ್​​ಒ ಮಾನದಂಡದಂತೆ ಜನ್ಮದಿನಾಂಕವನ್ನು ತೋರಿಸುವ ವ್ಯಾಕ್ಸಿನ್​ ಸರ್ಟಿಫಿಕೇಟ್​ಗಳನ್ನು ಕೋ-ವಿನ್​ ಪೋರ್ಟಲ್​​ನಲ್ಲಿ ಪಡೆದುಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ ಎಂದು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರದ(ಎನ್​ಎಚ್​ಎ) ಮುಖ್ಯಸ್ಥ ಆರ್​.ಎಸ್​.ಶರ್ಮ ತಿಳಿಸಿದ್ದಾರೆ. ಹಾಲಿ, ಜನಿಸಿದ ವರ್ಷದ ಮಾಹಿತಿಯ ಆಧಾರದ ಮೇಲೆ ವಯಸ್ಸನ್ನು ಮಾತ್ರ ಸರ್ಟಿಫಿಕೇಟಿನಲ್ಲಿ ಬಿಂಬಿಸಲಾಗುತ್ತಿತ್ತು ಎನ್ನಲಾಗಿದೆ.

ಇದನ್ನೂ ಓದಿ: ಚಿಕಿತ್ಸೆಗೆ ಟೆಲಿ ರೊಬಾಟಿಕ್ ಅಲ್ಟ್ರಾಸೌಂಡ್: ಕನ್ನಡಿಗನ ವಿನೂತನ ಸಂಶೋಧನೆ

ಇದೀಗ ಲಸಿಕೆ ಫಲಾನುಭವಿಗಳು ಕೋವಿನ್​ ಪೋರ್ಟಲ್​ಗೆ ಹೋಗಿ ತಮ್ಮ ಪಾಸ್​ಪೋರ್ಟ್​ನಲ್ಲಿರುವಂತೆ ಜನ್ಮದಿನಾಂಕವನ್ನು 'yyyy-mm-dd' ಫಾರ್ಮಾಟ್​ನಲ್ಲಿ ಅಪ್ಡೇಟ್​ ಮಾಡಬಹುದು. ತದನಂತರ ಅಂತರರಾಷ್ಟ್ರೀಯ ಯಾತ್ರಿಕರಿಗೆ ಅವಶ್ಯಕವಾಗಿರುವ ರೀತಿಯಲ್ಲಿ ಜನ್ಮದಿನಾಂಕದ ವಿವರದೊಂದಿಗೆ ವ್ಯಾಕ್ಸಿನ್​ ಸರ್ಟಿಫಿಕೇಟನ್ನು ಡೌನ್ಲೋಡ್​ ಮಾಡಿಕೊಳ್ಳಬಹುದು ಎಂದು ಶರ್ಮ ತಿಳಿಸಿದ್ದಾರೆಂದು ಎಎನ್​​ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ. (ಏಜೆನ್ಸೀಸ್)

https://www.vijayavani.net/canada-lifts-ban-on-direct-flights-from-india/

https://www.vijayavani.net/good-news-for-students-quad-fellowship-for-stem-studies-in-us/