ಹೈದರಾಬಾದ್: ಹಲವು ಮಹಾನಗರಗಳಲ್ಲಿ ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಅಗತ್ಯ ವಸ್ತುಗಳನ್ನು ಡೆಲಿವರಿ ಮಾಡುವ ಸೇವೆಯಲ್ಲಿ ತೊಡಗಿರುವ ಡನ್ಜೊ ಕಂಪೆನಿ, ಇದೀಗ ಕ್ರಾಂತಿಕಾರಿ ಯೋಜನೆಯೊಂದಕ್ಕೆ ಕೈಹಾಕಿದೆ. ತೆಲಂಗಾಣ ಸರ್ಕಾರದ ‘ಆಕಾಶದಿಂದ ಔಷಧಿಗಳು’ ಯೋಜನೆಯಡಿ, ಸ್ಕೈ ಏರ್ ಕಂಪೆನಿಯ ಸಹಕಾರದಲ್ಲಿ ದೂರದ ಪ್ರದೇಶಗಳಿಗೆ ಡ್ರೋನ್ ಮೂಲಕ ಅಗತ್ಯ ಔಷಧಿ, ಲಸಿಕೆಗಳನ್ನು ತಲುಪಿಸುವ ಪ್ರಯತ್ನ ಇದಾಗಿದೆ.
ದೇಶಾದ್ಯಂತ ಹೆಚ್ಚು ಜನಸಂಖ್ಯೆಯುಳ್ಳ ಪ್ರದೇಶಗಳೊಂದಿಗೆ ದೂರದ ಪ್ರದೇಶಗಳಿಗೂ ಅಗತ್ಯ ಔಷಧಿ ಮತ್ತು ಲಸಿಕೆಗಳನ್ನು ಅತಿಶೀಘ್ರವಾಗಿ ಒದಗಿಸುವ ಪ್ರಯತ್ನದಲ್ಲಿ ನಾವು ತೊಡಗಿದ್ದೇವೆ ಎಂದು ಡನ್ಜೋ ಸಿಇಒ ಕಬೀರ್ ಬಿಸ್ವಾಸ್ ಹೇಳಿದ್ದಾರೆ. ಡ್ರೋನ್ ತಂತ್ರಜ್ಞಾನವನ್ನು ಬಳಸಿಕೊಂಡು 12 ಕಿಲೋಮೀಟರ್ ಅಂತರದವರೆಗೆ 18 ನಿಮಿಷಗಳ ಅವಧಿಯಲ್ಲಿ ಔಷಧಿಗಳ ಸರಬರಾಜು ಮಾಡುವ ಗುರಿ ಹೊಂದಲಾಗಿದೆ.
ಇದನ್ನೂ ಓದಿ: ಪಾಕ್ ಪ್ರೇಮಿ ಸಿಧು ಸಿಎಂ ಆದ್ರೆ ದೇಶಕ್ಕೆ ಅಪಾಯ ಎಂದ ಅಮರೀಂದರ್: ಯಾರಿಗೆ ಒಲಿಯಲಿದೆ ಪಂಜಾಬ್ ಖುರ್ಚಿ?
ತೆಲಂಗಾಣ ಸರ್ಕಾರದ ಯೋಜನೆಯಲ್ಲಿ ಡನ್ಜೊ ಮೆಡ್ಏರ್ ಕನ್ಸಾರ್ಟಿಯಂಅನ್ನು ರಚಿಸಲಾಗಿದ್ದು, ಡನ್ಜೊ ಡಿಜಿಟಲ್ ಕಂಪೆನಿ ಮತ್ತು ಡ್ರೋನ್ ಆಧಾರಿತ ಲಾಜಿಸ್ಟಿಕ್ಸ್ ಒದಗಿಸುವ ಸ್ಕೈ ಏರ್ ಕಂಪೆನಿಗಳು ಸೆಪ್ಟೆಂಬರ್ 20 ರಿಂದ 25 ರವರೆಗೆ ರಾಜ್ಯದ ವಿಕಾರಾಬಾದ್ನಲ್ಲಿ ಪ್ರಾಯೋಗಿಕ ಡೆಲಿವರಿಗಳನ್ನು ನಡೆಸಲಿವೆ. ಈ ಸಂದರ್ಭದಲ್ಲಿ ಬ್ಯಾಗ್ಮೊದ ತಾಪಮಾನ ನಿಯಂತ್ರಿತ ಬಾಕ್ಸ್ಗಳಲ್ಲಿ ಕರೊನಾ ಲಸಿಕೆಗಳನ್ನು ಕೊಂಡೊಯ್ಯುವ 50 ಫ್ಲೈಟ್ಗಳನ್ನು ನಡೆಸಲಾಗುವುದು ಎಂದು ಸ್ಕೈ ಏರ್ನ ಸ್ವಪ್ನಿಕ್ ಜಕ್ಕಂಪುಂಡಿ ಹೇಳಿದ್ದಾರೆ. (ಏಜೆನ್ಸೀಸ್)
ಅಪಾಯಕಾರಿ ಸೆರೋಟೈಪ್-2 ಡೆಂಘೆ ಜ್ವರ: 11 ರಾಜ್ಯಗಳಿಗೆ ಕೇಂದ್ರದ ಎಚ್ಚರಿಕೆ