ವಾಷಿಂಗ್ಟನ್: ಸೆಲೆಬ್ರಿಟಿಗಳಲ್ಲಿ ಡ್ರಗ್ಸ್ ಸೇವನೆ ವಿಚಾರ ಇಂದು ನಿನ್ನೆಯದಲ್ಲ. ಹಾಲಿವುಡ್ನಲ್ಲಂತೂ ಡ್ರಗ್ಸ್ ಸೇವನೆ ಹೆಚ್ಚೆನಿಸುವಷ್ಟೇ ಇದೆ. ಡ್ರಗ್ಸ್ ಓವರ್ಡೋಸ್ ಮಾಡಿಕೊಂಡು ತಾನು ಅನುಭವಿಸಿದ ಸಂಕಷ್ಟವನ್ನು ಹಾಲಿವುಡ್ನ ನಟಿಯೊಬ್ಬರು ಇದೀಗ ಸಾಮಾಜಿಕವಾಗಿ ಹೇಳಿಕೊಂಡಿದ್ದಾರೆ.
ಹಾಲಿವುಡ್ನ ನಟಿ ಹಾಗೂ ಗಾಯಕಿ ಡೆಮಿ ಲೊವಾಟೋ ಡ್ರಗ್ಸ್ ವ್ಯಸನಕ್ಕೆ ಬಿದ್ದು, ಅದರಿಂದ ಸಾಕಷ್ಟು ನಷ್ಟ ಅನುಭವಿಸಿದ ನಂತರ ವ್ಯಸನದಿಂದ ಹೊರಬಂದವರು. 2018ರಲ್ಲಿ ಆಕೆಯ ಡ್ರಗ್ಸ್ ಚಟ ಎಷ್ಟರ ಮಟ್ಟಿಗೆ ಹೆಚ್ಚಿತ್ತೆಂದರೆ ಯಾರೂ ಇಲ್ಲದ ಮನೆಯಲ್ಲಿ ಒಬ್ಬಳೇ ಡ್ರಗ್ಸ್ ಸೇವಿಸಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಅದಾದ ಮೇಲೆ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿತ್ತು.
ಇತ್ತೀಚೆಗೆ ಖಾಸಗಿ ವಾಹಿನಿಯೊಂದರೊಂದಿಗೆ ಸಂದರ್ಶನದಲ್ಲಿ ಮಾತನಾಡಿದ ಅವರು ಡ್ರಗ್ಸ್ ಓವರ್ಡೋಸ್ನಿಂದ ಅನುಭವಿಸಿದ ನರಕವನ್ನು ಹೇಳಿಕೊಂಡಿದ್ದಾರೆ. ಮೂರು ಪಾರ್ಶ್ವವಾಯು ಆಗಿತ್ತು, ಒಮ್ಮೆ ಹೃದಯಾಘಾತವಾಯಿತು. ವೈದ್ಯರು ಇನ್ನು ಕೇವಲ ಐದುರಿಂದ 10 ನಿಮಿಷ ಬದುಕಿರುತ್ತೀರಿ ಎಂದು ಹೇಳಿದ್ದರು ಎಂದು ಲೊವಾಟೋ ಹೇಳಿದ್ದಾರೆ. ನನ್ನ ತಪ್ಪಿನ ಹೆಜ್ಜೆಗಳು ನನ್ನ ಬದುಕಿಗೆ ಒಂದು ಪಾಠ ಕೊಟ್ಟಿವೆ. ಆ ಚಟವನ್ನು ಬಿಟ್ಟ ನಂತರ ನಾನು ಬದುಕುತ್ತಿರುವ ಬದುಕನ್ನು ಮತ್ತೆ ಬದಲಾಯಿಸುವ ಯೋಚನೆಯನ್ನೂ ಮಾಡುವುದಿಲ್ಲ. ಆ ಚಟದಿಂದ ಇಂದಿಗೂ ನಾನು ಕೆಲವು ನೋವುಗಳನ್ನು ಅನುಭವಿಸುತ್ತಿದ್ದೇನೆ ಎಂದು ಆಕೆ ಹೇಳಿಕೊಂಡಿದ್ದಾರೆ. (ಏಜನ್ಸೀಸ್)
ಯುವಿ ದಾಖಲೆ ಮುರಿದ ಕ್ರಿಸ್ ಮೋರಿಸ್! ದಾಖಲೆಯ ಮೌಲ್ಯಕ್ಕೆ ಬಿಡ್ ಆದ ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗ
ಜೀವನಪೂರ್ತಿ ಜತೆಯಿರುವ ಕನಸು ಕಂಡವರು ಒಟ್ಟಿಗೇ ಜಲಸಮಾಧಿಯಾದರು…! ಕಣ್ಣೀರು ತರಿಸುವ ಕಥೆಯಿದು