ಎನ್ಸಿಬಿ(ನಾರ್ಕೋಟಿಕ್ ಕಂಟ್ರೋಲ್ ಬ್ಯೂರೋ) ಮಂಗಳವಾರ ಗೋವಾ ಮೂಲದ ಡ್ರಗ್ ಪೆಡ್ಲರ್ ಎಫ್ ಅಹ್ಮದ್ ಎಂಬಾತನನ್ನು ಬಂಧಿಸಿದೆ.
ಈತ ಬೆಂಗಳೂರಿಗರಿಗೆ, ಪ್ರವಾಸಿಗರಿಗೆ ಗಾಂಜಾ ಸೇರಿ ಹಲವು ಬಗೆಯ ಡ್ರಗ್ಗಳನ್ನು ಪೂರೈಕೆ ಮಾಡುತ್ತಿದ್ದ ಎನ್ನಲಾಗಿದೆ. ಅಹ್ಮದ್ ಬಳಿ ಇದ್ದ ಸುಮಾರು 3.5 ಕೆಜಿ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ.
ಅಹ್ಮದ್ಗೆ ಕನ್ನಡ ಚಿತ್ರರಂಗದ ಪ್ರಮುಖ ವ್ಯಕ್ತಿಗಳೊಂದಿಗೆ ಸಂಪರ್ಕವಿದೆ. ಅವರಿಗೂ ಡ್ರಗ್ಸ್ ಒದಗಿಸಿದ ಬಗ್ಗೆ ಮಾಹಿತಿ ಇದೆ ಎಂದು ಎನ್ಸಿಬಿ ಹೇಳಿದೆ. ಇದನ್ನೂ ಓದಿ: ಪ್ರಶಾಂತ್ ಸಂಬರಗಿ ಯಾರು, ಸ್ಯಾಂಡಲ್ವುಡ್ಗೆ ಏನು ಮಾಡಿದ್ದಾರವರು; ಸಾರಾ ಗೋವಿಂದು ಕಿಡಿ
ಅಹ್ಮದ್ ಗೋವಾದ ಪ್ರಸಿದ್ಧ ರೆಸಾರ್ಟ್ನಲ್ಲಿ ಡ್ರೈವರ್ ಆಗಿ ಕೆಲಸ ಮಾಡುತ್ತಿದ್ದ. ಡ್ರಗ್ ರಾಕೆಟ್ ತನಿಖೆ ನಡೆಸುತ್ತಿರುವ ಎನ್ಸಿಬಿ ದೆಹಲಿ, ಮುಂಬೈ ಸೇರಿ ಹಲವು ಪ್ರಮುಖ ನಗರಗಳಲ್ಲಿ ದಾಳಿ ನಡೆಸಿತ್ತು. ಅದೇ ವೇಳ ಅಹ್ಮದ್ ಬಂಧನವಾಗಿದೆ.
ಮಾದಕ ವಸ್ತು ಜಾಲ ಸ್ಯಾಂಡಲ್ವುಡ್ನಲ್ಲೂ ಇದೆ ಎಂಬುದು ಸದ್ಯ ವ್ಯಾಪಕವಾಗಿ ಚರ್ಚೆಯಾಗುತ್ತಿರುವ ವಿಚಾರ. ಡ್ರಗ್ಸ್ ಪೆಡ್ಲರ್ ಜತೆ ಸ್ಯಾಂಡಲ್ವುಡ್ನ ಪ್ರಮುಖ ನಟ-ನಟಿಯರಿಗೂ ಲಿಂಕ್ ಇದೆ ಎಂಬುದನ್ನು ಎನ್ಸಿಬಿಯೇ ಹೇಳಿದೆ. ಅದಕ್ಕೆ ಪೂರಕವೆಂಬಂತೆ ನಿರ್ದೇಶಕ ಇಂದ್ರಜಿತ್ ಲಂಕೇಶ್ 15 ಮಂದಿಯ ಹೆಸರನ್ನೂ ಸಿಸಿಬಿಗೆ ಹೇಳಿದ್ದಾರೆ. (ಏಜೆನ್ಸೀಸ್)
ಇಡೀ ಚಿತ್ರರಂಗದ ದೂಷಣೆ ಸರಿಯಲ್ಲ ; ಸ್ಯಾಂಡಲ್ವುಡ್ ಡ್ರಗ್ ಮಾಫಿಯಾ ಬಗ್ಗೆ ನಟ ಸುದೀಪ್ ಹೇಳಿಕೆ