ಅಮೆರಿಕದಲ್ಲಿ ಕಳೆದ 10 ದಶಕಗಳ ಹಿಂದಿದ್ದ ಜನನ ಪ್ರಮಾಣ ಕುಸಿಯುತ್ತಾ ಬಂದಿದೆ. ಈ ನಿಟ್ಟಿನಲ್ಲಿ ಅಮೆರಿಕದಲ್ಲಿ ಕಳೆದ ಕೆಲ ತಿಂಗಳ ಹಿಂದಿನಿಂದಲೂ DINKS ಟ್ರೆಂಡ್ ಪ್ರಾರಂಭವಾಗಿದೆ. ಅಮೆರಿಕದಲ್ಲಿ ನಡೆದ 2021 ರ ಪ್ಯೂ ರಿಸರ್ಚ್ ವರದಿಯ ಪ್ರಕಾರ, ಫಲವತ್ತತೆಯ ದರ ಕಡಿಮೆಯಾಗುತ್ತಿದೆ.
ಹಾಗಾಗಿ ಮದುವೆಯಾದ ನವ ದಂಪತಿಗಳು DINKS ಅಂತ್ಹೇಳಿ ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಟಿಕ್-ಟಾಕ್ನಲ್ಲಿ ಡಬಲ್ ಇನ್ಕಮ್ ನೋ ಕಿಡ್ಸ್ ಅನ್ನುವಂತಹ ವಿಡಿಯೋಗಳನ್ನ ಪೋಸ್ಟ್ ಮಾಡುತ್ತಿದ್ದಾರೆ. ಈ ವಿಡಿಯೋದಲ್ಲಿ ಇಬ್ಬರೂ ಜತೆಯಾಗಿ ಮದುವೆಯ ಬಳಿಕ ದುಡಿಯೋಣ. ನಮಗೆ ಬೇಕಾದಂತೆ ದೇಶ-ವಿದೇಶಕ್ಕೆ ಟ್ರಿಪ್ ಮಾಡೋಣ, ಮನೆ ಕಟ್ಟಿಕೊಳ್ಳೋಣ, ಇನ್ವೆಸ್ಟ್ಮೆಂಟ್ ಮಾಡೋಣ. ನಮಗೆ ಹುಟ್ಟುವ ಮಕ್ಕಳಿಗೆ ಖರ್ಚು ಮಾಡೋ ಹಣವನ್ನ ನಾವಿಬ್ಬರೂ ದುಡಿದಲ್ಲಿ ಅದು ಡಬಲ್ ಇನ್ಕಮ್ನಂತೆ ಪರಿಗಣಿಸಲಾಗುತ್ತೆ. ಹಾಗಾಗಿ ಮಕ್ಕಳಿಗೆ ಖರ್ಚು ಮಾಡುವ ದುಡ್ಡನ್ನ ನಾವೇ ಬಳಸೋಣ ಅನ್ನೋದು ಈ ವಿಡಿಯೋದ ಸಂದೇಶವಾಗಿದೆ.
ಅಮೆರಿಕನ್ನರು ಈ ವಿಡಿಯೋಗಳನ್ನ ಟಿಕ್-ಟಾಕ್ನಲ್ಲಿ ಹಂಚಿಕೊಳ್ಳುತ್ತಿದ್ದಂತೆಯೇ ಅದು ಮಿಲಿಯನ್ ಗಟ್ಟಲೆ ವೀಕ್ಷಣೆಯನ್ನ ಪಡೆದುಕೊಂಡಿದ್ದು, ಕೆಲವರು ಈ ಟ್ರೆಂಡ್ಗೆ ಮೆಚ್ಚುಗೆಯನ್ನ ಸೂಚಿಸಿದ್ದಾರೆ. ಇನ್ನೂ ಹಲವರು ಇದು ವೈಜ್ಞಾನಿಕವಾಗಿ ಮನುಷ್ಯ ಅಳಿವಿಗೆ ಮೊದಲ ಹೆಜ್ಜೆ ಎಂದು ಕಾಮೆಂಟ್ಗಳನ್ನ ಮಾಡುತ್ತಿದ್ದಾರೆ.
ಸದ್ಯ ಕರ್ನಾಟಕದಲ್ಲೂ ಈ ವಿಡಿಯೋ ಟ್ರೆಂಡಿಂಗ್ನಲ್ಲಿದ್ದು, DINKWAD ಅಂದ್ರೆ ಡಬಲ್ ಇನ್ಕಮ್ ನೋ ಕಿಡ್ಸ್ ವಿದ್ ಎ ಡಾಗ್ ಅಂತಲೂ ಕೆಲವರು ಹ್ಯಾಶ್ಟ್ಯಾಗ್ ಬಳಸಿ ಕಾಮೆಂಟ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಮಕ್ಕಳಿಗಿಂತ ಶ್ವಾನಗಳನ್ನ ಸಾಕೋದೆ ಉತ್ತಮವೆಂದು ಹೇಳುತ್ತಿದ್ದಾರೆ. ಜತೆಗೆ DINKWAH ಅಂದ್ರೆ ಡಬಲ್ ಇನ್ಕಮ್ ನೋ ಕಿಡ್ಸ್ ವಿದ್ ಎ ಹೌಸ್ ಎಂಬ ಟ್ರೆಂಡನ್ನೂ ಫಾಲೋ ಮಾಡುತ್ತಿದ್ದಾರೆ ಅನೇಕ ದಂಪತಿಗಳು. ಇನ್ನೂ ಸಾಕಷ್ಟು ಮಂದಿ ಮಕ್ಕಳಿಲ್ಲದ ಜೀವನ ಯಾರಿಗೂ ಬೇಡ.
ಇದನ್ನ ಫಾಲೋ ಮಾಡಿದ್ರೆ ಹೆಚ್ಚು ಸೇವಿಂಗ್ಸ್ ಮಾಡಬಹುದು..!
ಟಿಕ್-ಟಾಕ್, ಇನ್ಸ್ಟಾಗ್ರಾಂ, ಫೇಸ್ಬುಕ್ನಲ್ಲಿ ಈ ಟ್ರೆಂಡ್ ಹೆಚ್ಚಾಗಿದ್ದು, ಸದ್ಯ ಅಮೆರಿಕದಲ್ಲಿ ಪ್ರಾರಂಭವಾದ ಈ ಟ್ರೆಂಡ್ನಿಂದ ಮದೆವೆಯಾದ ನವದಂಪತಿಗಳು ಇಬ್ಬರೂ ದುಡಿದು ಹೆಚ್ಚು ಸೇವಿಂಗ್ಸ್, ಇನ್ವೆಸ್ಟ್ಮೆಂಟ್, ಸಂಪಾದನೆ ಎಲ್ಲವೂ ದುಪ್ಪಟ್ಟಾಗಿದೆ ಎಂದು ಅಲ್ಲಿ ನಡೆಸಿದ ರಿಸರ್ಚ್ ಮೂಲಕ ವರದಿಯಾಗಿದೆ.
ಆದರೆ ಅಮೆರಿಕದಲ್ಲಿ 57 ಪ್ರತಿಶತ ವಿವಾಹಿತ ಮತ್ತು ಮಕ್ಕಳಿಲ್ಲದ ದಂಪತಿಗಳಿಗೆ ಹೋಲಿಸಿದರೆ 63 ಪ್ರತಿಶತ ವಿವಾಹಿತ ಪೋಷಕರು ತಮ್ಮ ಮದುವೆಯ ಬಗ್ಗೆ ತುಂಬಾ ಸಂತೋಷಪಟ್ಟಿದ್ದಾರೆ.