ಬೆಂಗಳೂರು: ಲಾಕ್ಡೌನ್ಗೂ ಮುನ್ನ ಸದ್ದು ಮಾಡಿತ್ತು ಅಶೋಕ್ ಕೆ.ಎಸ್ ನಿರ್ದೇಶನದ ದಿಯಾ ಸಿನಿಮಾ. ಆದರೆ, ಕರೊನಾ ಹಿನ್ನೆಲೆಯಲ್ಲಿ ಚಿತ್ರಮಂದಿರದಲ್ಲಿ ಹೆಚ್ಚು ಕಾಲ ಈ ಚಿತ್ರ ನಿಲ್ಲಲಿಲ್ಲ. ಇದೀಗ ಅದೇ ಸಿನಿಮಾ ಮತ್ತೆ ಬಿಡುಗಡೆಗೆ ಸಿದ್ಧವಾಗಿದೆ. ಪ್ರೇಕ್ಷಕರ ಒತ್ತಾಯದ ಮೇರೆಗೆ ಮರು ಬಿಡುಗಡೆ ಆಗುತ್ತಿದೆ.
ಇದನ್ನೂ ಓದಿ: ಚಿತ್ರಮಂದಿರಗಳಲ್ಲಿ ಮರು ಬಿಡುಗಡೆ ಆಗಲಿದೆ ಪಿಎಂ ನರೇಂದ್ರ ಮೋದಿ ಸಿನಿಮಾ
ಪೃಥ್ವಿ ಅಂಬರ್, ಖುಷಿ ಮತ್ತು ದೀಕ್ಷಿತ್ ಶೆಟ್ಟಿ ನಟಿಸಿರುವ ದಿಯಾ ಚಿತ್ರ ದಸರಾ ಹಬ್ಬದ ಪ್ರಯುಕ್ತ ಮರು ಬಿಡುಗಡೆ ಆಗುತ್ತಿದೆ. ಆ ನಿಮಿತ್ತ ಪೋಸ್ಟರ್ವೊಂದನ್ನು ಬಿಡುಗಡೆ ಮಾಡಿಕೊಂಡಿರುವ ಚಿತ್ರತಂಡ, ಪ್ರೇಕ್ಷಕರ ಒತ್ತಾಯದ ಮೇರೆಗೆ ಮತ್ತೆ ಚಿತ್ರಮಂದಿರದತ್ತ ಆಗಮಿಸುತ್ತಿದ್ದೇವೆ ಎಂದು ಹೇಳಿಕೊಂಡಿದೆ.
ಇದನ್ನೂ ಓದಿ: ಹಣ ದುರ್ಬಳಕೆ ಆದ ದಾಖಲೆ ಇಲ್ಲ: ಸುಶಾಂತ್ ಪರ ವಕೀಲ
ಈ ಸಿನಿಮಾದ ಜತೆಗೆ ‘ಹಾಯಾದ…’ ಸಾಹಿತ್ಯವುಳ್ಳ ಹಾಡೂ ಸಹ ಈ ಚಿತ್ರದಲ್ಲಿ ಸೇರಿಕೊಳ್ಳಲಿದೆ. ಈ ಮೊದಲು ಬಿಡುಗಡೆ ಆದಾಗ, ಆ ಹಾಡು ಚಿತ್ರದಲ್ಲಿರಲಿಲ್ಲ. ಇದೀಗ ಪ್ರೇಕ್ಷಕರಿಗೆ ಆ ಹಾಡನ್ನೂ ನೋಡುವ ಭಾಗ್ಯ ಕಲ್ಪಿಸಿದೆ ತಂಡ. ಶ್ರೀ ಸ್ವರ್ಣಲತಾ ಪ್ರೊಡಕ್ಷನ್ಸ್ ಬ್ಯಾನರ್ನಲ್ಲಿ ನಿರ್ಮಾಣವಾದ ಈ ಚಿತ್ರವನ್ನು ಕೆಆರ್ಜಿ ಸ್ಟುಡಿಯೋಸ್ ವಿತರಣೆ ಮಾಡುತ್ತಿದೆ.