ನವದೆಹಲಿ: ಈ ವರ್ಷದ ಐಪಿಎಲ್ನಲ್ಲಿ ಎಂ.ಎಸ್.ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಹೀನಾಯ ಸೋಲು ಕಂಡಿದೆ. ತಂಡದ ಸೋಲಿಗೆ ನಾಯಕ ಧೋನಿಯೇ ಕಾರಣ ಎಂದು ಕೆಲವರು ಹೀಯಾಳಿಸಲಾರಂಭಿಸಿದ್ದಾರೆ. ಅದೇ ಬೆನ್ನಲ್ಲಿ ಕೋಳಿ ಸಾಕಾಣಿಗೆ ಮಾಡಲು ಧೋನಿ ಮುಂದಾಗಿದ್ದಾರೆ.
ಇದನ್ನೂ ಓದಿ: ಸಿದ್ಧಗೊಂಡ ಒಬಾಮಾ ಆತ್ಮಚರಿತ್ರೆ- ರಾಹುಲ್, ಸೋನಿಯಾ ಕುರಿತು ಏನಿದೆ ಗೊತ್ತಾ?
ವಿಶೇಷ ಕೋಳಿ ತಳಿಯಾಗಿರುವ ಕಡಕ್ನಾಥ್ ತಳಿಯ 2 ಸಾವಿರ ಮರಿಗಳ ಖರೀದಿಗೆ ಧೋನಿ ಮುಂದಾಗಿದ್ದಾರೆ. ಕ್ರಿಕೆಟ್ ಇಲ್ಲದ ಸಮಯದಲ್ಲಿ ಕೋಳಿ ಸಾಕಾಣಿಕೆ ಮಾಡಲಿದ್ದಾರೆ ಎನ್ನಲಾಗಿದೆ. ಮುಂದಿನ ತಿಂಗಳ ಅಂತ್ಯದ ವೇಳೆಗೆ ಕೋಳಿ ಮರಿಗಳು ಧೋನಿ ಕೈ ಸೇರಲಿವೆ ಎನ್ನುವ ವರದಿಯಿದೆ.
ಕೋಳಿ ಸಾಕಾಣಿಕೆಗೆ ಮುಂದಾಗಿರುವ ಧೋನಿ ಕಡಕ್ನಾಥ್ ಕೋಳಿ ಸಂಶೋಧನ ಕೇಂದ್ರದ ನಿರ್ದೇಶಕರಾಗಿರುವ ಐಎಸ್ ತೋಮರ್ ಅವರನ್ನು ಸಂಪರ್ಕಿಸಿದ್ದಾರೆ. ಕೋಳಿ ಸಾಕಾಣಿಕೆ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: ಮಹಾಮಾರಿ ಕರೊನಾ ಕಣ್ಮರೆಯಾಗುತ್ತಿರುವ ಸಮಯದಲ್ಲಿ ದಂಪತಿ ಮಾಡಿದ್ದು ಸರಿನಾ?
ಕಡಕ್ನಾಥ್ ಕೋಳಿಗಳು ದಪ್ಪವಾಗಿ ಬೆಳೆಯುತ್ತವೆ. ವಿಶೇಷವೆಂದರೆ ಈ ಕೋಳಿಗಳಲ್ಲಿ ಕೊಬ್ಬು ಇರುವುದಿಲ್ಲ. ನಾಲ್ಕು ತಿಂಗಳಲ್ಲಿ 1-1.8 ಕೆ.ಜಿವರೆಗೆ ಬೆಳೆಯುವ ಈ ಕೋಳಿಗಳು 1500-1800 ರೂಪಾಯಿಗೆ ಮಾರಾಟವಾಗುತ್ತವೆ. ಈ ಕೋಳಿಗಳು ಸಂಪೂರ್ಣವಾಗಿ ಕಪ್ಪು ಬಣ್ಣದಲ್ಲಿರುತ್ತವೆ. (ಏಜೆನ್ಸೀಸ್)
ದೀಪಾವಳಿಗೆ ಗಿನ್ನೆಸ್ ರೆಕಾರ್ಡ್ ಬರೆಯಲಿದೆ ಅಯೋಧ್ಯೆ; ಹೇಗಿರಲಿದೆ ಗೊತ್ತಾ ಅಯೋಧ್ಯೆಯ ದೀಪಾವಳಿ?