ಎರಡು ತಿಂಗಳ ಹಿಂದೆ ಮುಂಬೈನ ಧಾರಾವಿ ಕರೊನಾ ಸೋಂಕಿನ ಹಾಟ್ಸ್ಪಾಟ್ ಆಗಿತ್ತು. ಕೊವಿಡ್-19ನಿಂದ ತತ್ತರಿಸಿ ಹೋಗಿತ್ತು.
ಏಷ್ಯಾದಲ್ಲೇ ಅತ್ಯಂತ ದೊಡ್ಡ ಸ್ಲಮ್ ಎನಿಸಿಕೊಂಡಿರುವ ಧಾರಾವಿ ಲಿಂಕ್ನಿಂದ ದೇಶದ ವಿವಿಧೆಡೆಗೆ ಹೋದವರಿಂದ ರಾಷ್ಟ್ರದಲ್ಲಿ ಕರೊನಾ ಪ್ರಮಾಣ ತೀವ್ರವಾಗಿ ಹೆಚ್ಚಾಗಿದೆ.
ಅಂದು ಕೊವಿಡ್-19 ಗೂಡಾಗಿದ್ದ ಧಾರಾವಿ ಇಂದು ವಿಶ್ವ ಆರೋಗ್ಯ ಸಂಸ್ಥೆಯಿಂದ ಪ್ರಶಂಸೆಗೆ ಒಳಗಾಗಿದೆ. ಅಲ್ಲಿ ಸೋಂಕು ನಿಯಂತ್ರಣ ಮಾಡಿದ ಕ್ರಮವನ್ನು ಡಬ್ಲ್ಯೂಎಚ್ಒ ಶ್ಲಾಘಿಸಿದೆ. ಇದನ್ನೂ ಓದಿ: ಮುಖ್ಯಮಂತ್ರಿ ನಿವಾಸಕ್ಕೆ ಬಾಂಬ್ ಹಾಕುವುದಾಗಿ ಬೆದರಿಕೆ ಕರೆ ಮಾಡಿದ್ದವನ ಬಂಧನ
ಕರೊನಾವನ್ನು ಯಶಸ್ವಿಯಾಗಿ ನಿಯಂತ್ರಣ ಮಾಡಿದ ಕೆಲವು ನಗರಗಳ ಹೆಸರನ್ನು ಹೇಳಿ ಉದಾಹರಣೆ ನೀಡಿರುವ ಡಬ್ಲ್ಯೂಎಚ್ಒ ಮಹಾನಿರ್ದೇಶಕ ಡಾ. ಟೆಡ್ರೋಸ್ ಅಧಾನೊಮ್ ಘೆಬ್ರೆಯೆಸಸ್ ಅವರು ಧಾರಾವಿ ಹೆಸರನ್ನೂ ಉಲ್ಲೇಖಿಸಿ ಪ್ರಶಂಸಿಸಿದ್ದಾರೆ.
ಇಂದು ಮಾತನಾಡಿದ ಡಾ. ಟೆಡ್ರೋಸ್, ಕರೊನಾ ಸೋಂಕು ಏಕಾಏಕಿ ತೀವ್ರಗೊಂಡರೂ ಅದನ್ನು ಮತ್ತೆ ನಿಯಂತ್ರಣಕ್ಕೆ ತರಬಹುದು ಎಂಬುದಕ್ಕೆ ಜಗತ್ತಿನಲ್ಲಿ ಹಲವು ಉದಾಹರಣೆಗಳು ಸಿಗುತ್ತವೆ. ವಿಯೆಟ್ನಾಂ, ಕಾಂಬೋಡಿಯಾ, ಥೈಲ್ಯಾಂಡ್, ನ್ಯೂಜಿಲ್ಯಾಂಡ್, ಇಟಲಿ, ಸ್ಪೇನ್, ಸೌತ್ ಕೊರಿಯಾ ಮತ್ತು ಮುಂಬೈನ ಧಾರಾವಿಗಳು ಉತ್ತಮ ಉದಾಹರಣೆಗಳು ಎಂದು ಹೇಳಿದ್ದಾರೆ.
ಧಾರಾವಿಯಂತೂ ಅತ್ಯಂತ ಜನನಿಬಿಡ ಪ್ರದೇಶ. ಅಂಥದ್ದರಲ್ಲಿ ಅಲ್ಲಿ ಕರೊನಾ ಚೈನ್ ಬ್ರೇಕ್ ಮಾಡಲಾಗಿದೆ. ತಪಾಸಣೆ, ಟ್ರೇಸಿಂಗ್, ಐಸೋಲೇಶನ್ ಮತ್ತು ಸೋಂಕಿತರಿಗೆ ನೀಡಲಾಗುವ ಶೀಘ್ರ, ಉತ್ತಮ ಚಿಕಿತ್ಸೆಗಳಿಂದ ಕೊವಿಡ್-19ನ್ನು ನಿಯಂತ್ರಿಸಬಹುದು ಎಂದು ಡಾ. ಟೆಡ್ರೋಸ್ ಅವರು ಹೇಳಿದ್ದಾರೆ. (ಏಜೆನ್ಸೀಸ್)
ವಿಕಾಸ್ ದುಬೆ ಅಂತ್ಯಕ್ರಿಯೆ ವೇಳೆ ಆವೇಶಗೊಂಡ ಪತ್ನಿ; ‘ಅವನಿಗೆ ಇಂಥ ಸಾವು ಬಂದಿದ್ದು ಯೋಗ್ಯವಾಗಿದೆ’ ಎಂದು ಕೂಗಾಟ