ನವದೆಹಲಿ: ರನ್‌ಮಳೆಗೆ ಸಾಕ್ಷಿಯಾದ ಹಣಾಹಣಿಯಲ್ಲಿ ಕೈರಾನ್ ಪೊಲ್ಲಾರ್ಡ್ (87ರನ್, 34 ಎಸೆತ, 6 ಬೌಂಡರಿ, 8 ಸಿಕ್ಸರ್) ಸಿಡಿಲಬ್ಬರದ ಬ್ಯಾಟಿಂಗ್ ನೆರವಿನಿಂದ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡ ಐಪಿಎಲ್ ಇತಿಹಾಸದಲ್ಲೇ 2ನೇ ಅತಿದೊಡ್ಡ ಮೊತ್ತ ಬೆನ್ನಟ್ಟಿದ ಸಾಧನೆ ಮಾಡಿತು. ಅರುಣ್ ಜೇಟ್ಲಿ ಮೈದಾನದಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ 4 ವಿಕೆಟ್‌ಗಳಿಂದ ಸಿಎಸ್‌ಕೆ ತಂಡವನ್ನು ಮಣಿಸಿತು. ಸತತ 5 ಗೆಲುವಿನಿಂದ ಬೀಗುತ್ತಿದ್ದ ಸಿಎಸ್‌ಕೆ ತಂಡದ ನಾಗಾಲೋಟಕ್ಕೆ ಬ್ರೇಕ್ ಬಿದ್ದಿತು.
ಟಾಸ್ ಜಯಿಸಿದ ಮೊದಲು ಬ್ಯಾಟಿಂಗ್ ಮಾಡಿದ ಸಿಎಸ್‌ಕೆ 4 ವಿಕೆಟ್‌ಗೆ 218 ರನ್ ಪೇರಿಸಿದರೆ, ಪ್ರತಿಯಾಗಿ ಮುಂಬೈ ಇಂಡಿಯನ್ಸ್ 6 ವಿಕೆಟ್‌ಗೆ 219 ರನ್ ಗಳಿಸಿ ಜಯ ದಾಖಲಿಸಿತು.
ಸಿಎಸ್‌ಕೆ: 4 ವಿಕೆಟ್‌ಗೆ 218 (ಪ್ಲೆಸಿಸ್ 50, ಮೊಯಿನ್ ಅಲಿ 58, ಅಂಬಟಿ ರಾಯುಡು 72*, ಜಡೇಜಾ 22*, ಕೈರಾನ್ ಪೊಲ್ಲಾರ್ಡ್ 12ಕ್ಕೆ 2), ಮುಂಬೈ : 4 ವಿಕೆಟ್ ಗೆ 219 (ಕ್ವಿಂಟನ್ ಡಿ ಕಾಕ್ 38, ರೋಹಿತ್ ಶರ್ಮ 35, ಪೊಲ್ಲಾರ್ಡ್ 87, ಕೃನಾಲ್ ಪಾಂಡ್ಯ 32, ಸ್ಯಾಮ್ ಕರ‌್ರನ್ 34ಕ್ಕೆ 3, ಶಾರ್ದೂಲ್ ಠಾಕೂರ್ 56ಕ್ಕೆ 1, ಜಡೇಜಾ 29ಕ್ಕೆ 1).
The IPL El Clásico. Our Big Man had to perform! 🔥🔥#OneFamily #MumbaiIndians #MI #MIvCSK #IPL2021 @KieronPollard55 pic.twitter.com/UqwvdhyWAK
— Mumbai Indians (@mipaltan) May 1, 2021