ವಾಷಿಂಗ್ಟನ್: ಚಿನ್ನ, ಬೆಳ್ಳಿ, ಹಣ, ಕಾರು ಬೈಕುಗಳನ್ನ ಕದಿಯುವವರು ನೋಡಿರುತ್ತೇವೆ. ಆದರೆ ಇಲ್ಲೊಂದು ದಂಪತಿ ಬಿಯರ್ ಅಂಗಡಿಯಿಂದ ಬಿಯರ್ ಬಾಟೆಲ್ಗಳಲ್ಲೇ ಕದ್ದಿದ್ದು, ಇದೀಗ ಪೊಲೀಸರ ಅತಿಥಿಗಳಾಗಿದ್ದಾರೆ.
ಅಮೆರಿಕದ ಲೂಯಿಸಿಯಾನಾ ಮೂಲದ ದಂಪತಿಯಾದ ಮ್ಯಾಥ್ಯೂ ಫೋರ್ಬ್ಸ್ (35) ಮತ್ತು ಆಶ್ಲೇ ಫೋರ್ಬ್ಸ್ (32) ಕಳೆದ ವಾರ ಬಿಯರ್ ಅಂಗಡಿಯೊಂದರಿಂದ ಸುಮಾರು 1000 ಡಾಲರ್ (73,000 ರೂ.) ಮೌಲ್ಯದ ಬಿಯರ್ ಬಾಟೆಲ್ನ್ನು ಕದ್ದಿದ್ದಾರೆ. ಇವರ ಕಳ್ಳತನದ ಕರಾಮತ್ತು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಭಾನುವಾರದಂದು ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಈ ದಂಪತಿಗಳು ಈ ರೀತಿಯ ಕಳ್ಳತನ ಮಾಡಿ ಸಿಕ್ಕಿಬೀಳುತ್ತಿರುವುದು ಇದೇ ಮೊದಲಲ್ಲ. ಈ ಹಿಂದೆಯೂ ಸಹ ಕೆಲ ಕಳ್ಳತನ ಪ್ರಕರಣಗಳಲ್ಲಿ ಸಿಕ್ಕಿಕೊಂಡಿದ್ದು ಅನೇಕ ಅಂಗಡಿಗಳನ್ನು ಇವರಿಬ್ಬರನ್ನು ನಿಷೇಧಿಸಿತ್ತು. ಫೆಬ್ರವರಿ 24ರಿಂದ 29ರೊಳಗೆ 16 ಕಿ.ಮೀ. ವ್ಯಾಪ್ತಿಯಲ್ಲಿ ಎರಡು ಅಂಗಡಿಗಳಲ್ಲಿ ಈ ದಂಪತಿ ಕಳ್ಳತನ ಮಾಡಿರುವುದು ವರದಿಯಾಗಿದೆ.
ಸದ್ಯ ಕಳ್ಳತನದ ಆರೋಪದ ಮೇಲೆ ದಂಪತಿಗಳನ್ನು ಜೈಲಿಗೆ ಕಳುಹಿಸಲಾಗಿದೆ. ಅದರ ಜತೆಯಲ್ಲಿ ಆಶ್ಲೇ ವಿರುದ್ಧ ಮಾದಕ ದ್ರವ್ಯ ಮಾರಾಟದ ಆರೋಪವೂ ಇದೆ ಎನ್ನಲಾಗಿದೆ. (ಏಜೆನ್ಸೀಸ್)
ಮಿಷನ್ ಮಧ್ಯಪ್ರದೇಶ ಆಯಿತು… ಬಿಜೆಪಿ ಅಜೆಂಡಾದಲ್ಲಿ ಮುಂದಿನದು ರಾಜಸ್ಥಾನ?