ಬೆಂಗಳೂರು: ವಿಶ್ವ ವ್ಯಾಪಿ ವ್ಯಾಪಿಸಿರುವ ಮಾರಕ ಕೊರೊನಾ ವೈರಸ್ ಬಗ್ಗೆ ಕನ್ನಡದಲ್ಲಿ ಸಿನಿಮಾ ನಿರ್ಮಾಣವಾಗಲಿದೆ.
ಕೊರೊನಾ ಎಂದು ಕನ್ನಡ ಹಾಗೂ ಡೆಡ್ಲಿ ಕೊರೊನಾ ಎಂದು ಹಿಂದಿ ಸಿನಿಮಾ ನಿರ್ಮಾಣ ಸಿದ್ಧತೆ ನಡೆಯುತ್ತಿದೆ.
ಕನ್ನಡದ ಕೊರೆನಾ ಹೆಸರಿನ ಚಿತ್ರವನ್ನು ಶಿವಕುಮಾರ್ ಹಾಗೂ ಉಮೇಶ್ ಬಣಕರ್ ನಿರ್ಮಿಸುತ್ತಿದ್ದು, ಈಗಾಗಲೇ ಹೆಸರು ನೋಂದಾಯಿಸಿದ್ದಾರೆ. ಈ ಚಿತ್ರ ವಿಜ್ಞಾನ ಆಧಾರಿತವಾಗಲಿದೆ. ಶಿವಕುಮಾರ್ ಚಿತ್ರ ನಿರ್ದೇಶಿಸುತ್ತಿದ್ದಾರೆ.
ಕೊರೊನಾ ಟೈಟಲ್ಗೆ ಬೇಡಿಕೆ: ರಾಜ್ಯ ಚಲನ ಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಕೊರೊನಾ ಟೈಟಲ್ಗೆ ಭಾರಿ ಬೇಡಿಕೆ ವ್ಯಕ್ತವಾಗಿದೆ. ಹೀಗಾಗಿ ಅರ್ಜಿ ಸಲ್ಲಿಸಿದವರಿಗೆ ಟೈಟಲ್ ಸಿಗುತ್ತಿಲ್ಲ. ಬದಲಾಗಿ ಇತರೆ ಹೆಸರುಗಳಲ್ಲಿ ನಿರ್ಮಾಪಕರು ನೋಂದಾಯಿಸಿಕೊಳ್ಳುತ್ತಿದ್ದಾರೆ.
ಪ್ರವೀಣ್ ನಾಯಕ ಕೂಡ ಕೊರೊನಾ ಹೆಸರಿನ ಟೈಟಲ್ಗೆ ಅರ್ಜಿ ಸಲ್ಲಿಸಿ ಸಿಗದ ಹಿನ್ನೆಲೆಯಲ್ಲಿ ಅವರು ವೈರಸ್ ಅಂತ ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಹಿಂದಿ ಚಿತ್ರರಂಗದಲ್ಲೂ ಈಗ ಕೊರೊನಾ ವೈರಸ್ ಟೈಟಲ್ಗೆ ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ. (ದಿಗ್ವಿಜಯ ನ್ಯೂಸ್)
ಬೆಂಗಳೂರು ಹುಡುಗ್ರ ಜತೆ ವೈನಿಧಿ; ಮುಂದುವರಿಯಿತು ಜೈಜಗದೀಶ್ ಪುತ್ರಿಯ ಸಿನಿಮಾ ‘ಯಾನ’